ರಾಜಕೀಯ ಜೀವನಾಂತ ಏಕ ವಿಶಿಷ್ಟ ಮಾದರಿ ಜಾವನು ನಿರ್ಮಾಣ ಕರನು ರಾಷ್ಟ್ರವ್ಯಾಪಿ ಪ್ರಶಂಶಾಕ ಪಾತ್ರ ಜಾಲೆಲೊ ಸರಳ ಸಜ್ಜನ ರಾಜಕಾರಣಿ ದೆ. ಆಸ್ಕರ್ ಫೆರ್ನಾಂಡಿಸ ಹಾಂಗೆಲೆ ಸ್ಮರಣ ಕರತಚಿ ಭಾವುಕ ಜಾಲೆಲೊ ಕರ್ನಾಟಕ ವಿಧಾನ ಸಭೆ್ಚೆ ಸಭಾಪತಿ ಮಾನ್ಯ ಯು.ಟಿ ಖಾದರ್ ಹಾನಿ ವಿಶ್ವ ಕೊಂಕಣಿ ಕೀರ್ತಿ ಮಂದಿರಾಂತ, ದೆ. ಆಸ್ಕರ್ ಫೆರ್ನಾಂಡಿಸ ಭಾವಚಿತ್ರ ಸ್ವಾತಂತ್ರ್ಯ ದಿನಾಚರಣೆಚಾ ವಿಶೇಷ ಸಂಧರ್ಭಾರ ಅನಾವರಣ ಜಾಲೆಂ.
ಹೆಂ ಭಾವಚಿತ್ರ ಅನಾವರಣ ಸಂಧರ್ಭಾರ ಮಾನ್ಯ ಐವನ್ ಡಿಸೋಜಾ ಹಾನಿ ಭಾವಚಿತ್ರಾಕ ಮಾಲಾರ್ಪಣ ಕರತಚಿ ಆಸ್ಕರಾಲೊ ವ್ಯಕ್ತಿತ್ವ ಮುಖಾವಯಲೆ ಯುವಪೀಳಿಗೆಕ ಮಾದರಿ ಜಾಲಾಂ ಅಶಿಂ ಸಾಂಗಲೆಂ. ಕಾರ್ಯಕ್ರಮಾಂತ ಡಾ. ಆಸ್ಕರ್ ಫೆರ್ನಾಂಡಿಸಲೆ ಬಾಯಲ ಶ್ರೀಮತಿ ಬ್ಲೋಸಮ್ ಫೆರ್ನಾಂಡಿಸ್ ಹಾಂಕಾ ಮಾನದಿವನು ಸನ್ಮಾನ ಕೆಲೆಂ. ಆಸ್ಕರ್ ಹಾಂಗೆಲೊ ಭೈಣಿ್ ಆನಿ ಕುಟುಂಬ ಸದಸ್ಯ ಉಪಸ್ಥಿತ ಆಶಿಲಿಂಚಿ. ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿಎ ನಂದಗೋಪಾಲ ಶೆಣೈ ಹಾನಿ ಅತಿಥಿಂಕ ಸ್ವಾಗತ ಕೆಲೆಂ. ಕಾರ್‍ಯದರ್ಶಿ ಡಾ. ಮೋಹನ ಪೈ ಕಾರ್ಯಕ್ರಮ ನಿರೂಪಣ ಕೆಲೆಂ. ಕೇಂದ್ರಾಚೆ ಉಪಾಧ್ಯಕ್ಷ ಕುಡ್ಪಿ ಜಗದೀಶ್ ಶೆಣೈ, ಖಜಾಂಚಿ ಬಿ.ಆರ್ ಭಟ್, ವಿಲಿಯಂ ಡಿಸೋಜಾ, ಪಯ್ಯನೂರು ರಮೇಶ ಪೈ, ಡಿ ರಮೇಶ ನಾಯಕ್ ಆನಿ ಕೇಂದ್ರಾಚೆ ಸಿ.ಎ.ಒ. ಡಾ. ಬಿ ದೇವದಾಸ ಪೈ ಉಪಸ್ಥಿತ ಆಶಿಲಿಂಚಿ. ವಿಶ್ವ ಕೊಂಕಣಿ ಕೇಂದ್ರಾಚೆ ಕೀರ್ತಿಮಂದಿರಾಂತ ವಿಶ್ವ ವಿಖ್ಯಾತ ಜಾಲೆಲೆ ೧೩೦ ಸಾಧಕಾಂಗೆಲೊ ಭಾವಚಿತ್ರ ಅಸಾತ.