ಕೊಂಕಣಿ ಅಕಾಡೆಮಿಚೆ ‘ಸಾಹಿತ್ಯ ಭಂಡಾರ’ ಕಾರ್ಯಕ್ರಮ

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಹಾನ್ನಿ ಎಂ.ಸಿ.ಸಿ. ಬ್ಯಾಂಕ್ ಲಿ., ಹಂಪನ್‌ಕಟ್ಟಾ ಸಭಾಂಗಣಾಂತು ದಿನಾಂಕ ೧೯.೧೦.೨೦೨೫ ದಿವಸು ಸಾಹಿತ್ಯ ಭಂಡಾರ ಮ್ಹಣ್ಚೆ ಕಾರ್ಯಕ್ರಮ ಆಯೋಜನ ಕೆಲೀಲೆ. ಸಮಾರಂಭಾಚೆ‌ಅಧ್ಯಕ್ಷ ಪಣ ಘೆತ್ತಿಲೆ ಅಕಾಡೆಮಿಚೆ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಪ್ರಾಸ್ತಾವಿಕವಾಗಿ ಜಾವ್ನು ಉಲೋನು ಕೊಂಕಣಿ ಸಾಹಿತ್ಯ, ಕಲಾ, ಜಾನಪದ ಕ್ಷೇತ್ರಾಂತು ಸಂಘಟನಾತ್ಮಕ ಜಾವ್ನು ಕಾಮ ಕೊರಚಾಕ ಸರ್ಕಾರಾನಿ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸ್ಥಾಪನ ಕೆಲ್ಲ್ಯಾ. ಕೊಂಕಣಿಚೆ ವಿವಿಧತಾ ರಾಕಚಾಕ ತಶೀಚಿ ಕೊಂಕಣಿಚೆ ವ್ಹಡಪಣ ವೃದ್ಧಿ ಕೊರಚಾಕ ಅಕಾಡೆಮಿ ಕಾಮ ಕರ್ತಾ ಆಸ್ಸಾ ಮ್ಹೊಣು ಸಾಂಗ್ಲೆ. ಆನಿ ಸಕಡಾಂಕ ಯೆವಕಾರ ಕೆಲ್ಲೆ. ಮುಖೇಲ ಸೊಯರೆ ಜವಹರ್‌ಲಾಲ್ ನೆಹ್ರು ವಿಶ್ವವಿದ್ಯಾಲಯ ನ್ಯೂಡೆಲ್ಲಿ ಹಾಜ್ಜೆ ನಿವೃತ್ತ ಪ್ರಾಧ್ಯಾಪಕ ಶ್ರೀಯುತ ಪ್ರೊಫೆಸರ್ ವಲೇರಿಯನ್ ರೊಡ್ರಿಗಸ್ ತಾನ್ನಿ ದೀಪ ಪ್ರಜ್ವಲನ ಕೊರನು ಸಮಾರಂಭಾಚೆ ಉದ್ಘಾಟನ ಕೆಲ್ಲಿ. ಆನಿಸಾಹಿತಿಂತ ಪ್ರೋತ್ಸಾಹ ಕೊರಚೆ ಕಾಮ ಕೊಂಕಣಿ ಅಕಾಡೆಮಿ ಕರತಾ ಆಯ್ಲ್ಯಾ. ಮ್ಹೊಣು ಸಾಂಗೂನು ಸಕಡಾಂಕ ದೀಪಾವಳಿ ಪರಬೆಚೆ ಶುಭಾಶಯ ಸಾಂಗ್ಲೆ.

ಖ್ಯಾತ ಕೊಂಕಣಿ ಬರೋಪಿನಿ ಬರೆಯಿಲೆ ಕೊಂಕಣಿಚೆ ೯ ಪುಸ್ತಕ ಲೋಕಾರ್ಪಣ ಜಾಲ್ಲೆ. ಬರೋಪಿಲೆ ತರಪೇನಿ ಶ್ರೀ ಜ್ಯೋ ಲೋಬೊ ತಾನ್ನಿ ಉಲಯಿಲೆ. ಶ್ರೀಮತಿ ಲಿಲ್ಲಿ ಮಿರಾಂದಾ ತಾನ್ನಿ ೨೦೧೬ಂತು ಕೊಂಕಣಿಕ ಅನುವಾದ ಕೆಲೀಲೆ ಪೂರ್ಣಚಂದ್ರ ತೇಜಸ್ವಿ ತಾಂಗೆಲೆ ‘ಕರ್ವಾಲೊ’ ಪುಸ್ತಕಾಚೆ ಇ-ಬುಕ್ ಆವೃತ್ತಿಕ ದಾಯ್ಜಿವರ್ಲ್ಡ್ ಸಂಸ್ಥಾಪಕ ಶ್ರೀ ವಾಲ್ಟರ್ ನಂದಳಿಕೆ ತಾನ್ನಿ ಉಗ್ತಾವಣ ಕೆಲ್ಲಿ. ಎಂ.ಸಿ.ಸಿ. ಬ್ಯಾಂಕಿನ ಅಧ್ಯಕ್ಷ ಶ್ರೀ ಅನಿಲ್ ಲೋಬೊ ಗೌರವ ಸೊಯರೆ ಜಾವ್ನು ಆಯಲೀಲೆ. ಅತಿಥಿಗಳಾಗಿ ಭಾಗವಹಿಸಿದ್ದರು.
ಕಾರ್ಯಕ್ರಮಾಂತು ಉಪಸ್ಥಿತ ಆಶ್ಶಿಲೆ ಪ್ರಸ್ತುತ ಕರ್ನಾಟಕ ರಾಜ್ಯ ಮಾಹಿತಿ ಆಯೋಗಾಚೆ ಆಯುಕ್ತ ಶ್ರೀ ವಿನ್ಸೆಂಟ್ ರಿಚರ್ಡ್ ಡಿಸೋಜಾ ತಾಂಕಾ ಗೌರವ ಕೆಲ್ಲೆ.

ಕೊಂಕಣಿ ಅಕಾಡೆಮಿಚಾನ ಆಯೋಜನ ಕೆಲೀಲೆ ಸಾಹಿತ್ಯ ಸ್ಪರ್ಧೆಂತು ಕಾದಂಬರಿ ವಿಭಾಗಾಚೆ ವಿಜೇತ ಶ್ರೀ ರೋಶನ್ ಮೆಲ್ಕಿ ಸಿಕ್ವೇರಾ, ಶ್ರೀ ವಿನ್ಸೆಂಟ್ ಪಿಂಟೊ, ಆಂಜೆಲೊರ್, ಶ್ರೀ ಸ್ಟೀಫನ್ ಮಸ್ಕರೇನ್ಹಸ್ (ಹೇಮಾಚಾರ್ಯ) ತಶೀಚಿ ಕಿರುನಾಟಕ ವಿಭಾಗಾಂತು ವಿಜೇತ ಶ್ರೀ ಹಿಲರಿ ಡಿಸಿಲ್ವ (ಪ್ರಸನ್ನ್ ನಿಡ್ಡೋಡಿ), ಫಾ| ಅನಿಲ್ ಅವಿಲ್ಡ್ ಲೋಬೊ ಹಾಂಕಾ ಎಂ.ಸಿ.ಸಿ. ಬ್ಯಾಂಕ್ ಪ್ರಾಯೋಜಕತ್ವಾರಿ ಬಹುಮಾನ ವಾಂಟಿಲೆ.

ಕರ್ವಾಲೊ ಬೂಕ್ ಹಾಂಗಾಸರ್ ಮೆಳ್ತಾ: https://play.google.com/store/books/details?id=bNeOEQAAQBAJ