ಹುಬ್ಳಿಂತು ಸ್ವಾಮಿ ಅನುಭವಾನಂದ ಸರಸ್ವತಿ ತಾನ್ನಿ ಮುಂಬೈಂತು ವೇದಾಂತಿಕ ಅಧ್ಯಯನಾಚೆ ಸ್ನಾತಕೋತ್ತರ ಅಕಾಡೆಮಿಂತು ಆಚಾರ್ಯ ಜಾವ್ನಾಸ್ಸುನು ಭಗವದ್ಗೀತಾ, ಉಪನಿಷತ್, ಪತಂಜಲಿ ಯೋಗ ಸೂತ್ರ, ಶ್ರೀಮದ್ ಭಾಗವತಮ್, ಪಂಚದಶಿ, ತ್ರಿಪುರ ರಹಸ್ಯ ಆನಿ ಇತರ ಪಠ್ಯ ವಿಷಯಾಂತು ಮಸ್ತ ಜ್ಞಾನ ಜೊಡನು ಘೆತ್ಲ್ಯಾ. ಆನಿ ತ್ಯಾ ವಿಷಯಾಚೆ ಪ್ರವಚನಾಂಕ ಚಾಂಗ ನಾಂವ ಪಾವಲಿಂತಿ. “ಮೌಜ್ ಮೇ ರಹೋ” (ಖುಷಿಂತು ಉರಾ) ಶಿಬಿರ ಚಲಯತಾತಿ. ಆನಿ ಮ್ಯಾನೇಜ್‌ಮೆಂಟ್, ವೇದಾಂತ ತಶೀಚಿ ಯೋಗ ಶಿಖಯತಾತಿ. ನೆದರ್‌ಲ್ಯಾಂಡ್ಸ್‌ಚೆ ಇಂಟರ್ ಕಲ್ಚರಲ್ ಓಪನ್ ಯೂನಿವರ್ಸಿಟಿ ತಾಕೂನು ಡಾಕ್ಟರೇಟ್ ಪದವಿ ಘೆತಲ್ಯಾ.
ಹಾನ್ನಿ ಹಾಂಗೆಲೆ ಜ್ಞಾನನಿಧಿ ಹುಬ್ಬಳ್ಳಿಚೆ ಬಾಂಧವಾಂಕ ವಾಂಟುಚೆ ಖಾತ್ತಿರಿ ಶೇಷಗಿರಿ ಪಾಂಡುರಂಗ ಕಾಮತ್ ಟ್ರಸ್ಟ್ ಹಾನ್ನಿ ಜಯಗೋವಿಂದ ಅನಂತ ಟ್ರಸ್ಟ ಆನಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ಹುಬ್ಬಳ್ಳಿ ಹಾಂಗೆಲೆ ಸಹಯೋಗಾನಿ ರಂಗಪ್ಪಾ ಪಾಂಡುರಂಗ ಕಾಮತ್ ಸಭಾಗೃಹ, ಸರಸ್ವತಿ ಸದನ ಹುಬ್ಬಳ್ಳಿ ಹಾಂಗಾ ನವೆಂಬರ್ ೨೬ ತಾಕೂನು ನವೆಂಬರ್ ೩೦ ಪರಿಯಂತ ಧಾರ್ಮಿಕ ಪ್ರವಚನ ಆಯೋಜನ ಕೆಲೀಲೆ. ಸಕ್ಕಾಣಿ ಯೋಗ ವಾಸಿಷ್ಟ ಹೇ ವಿಷಯಾಚೇರಿ ಪ್ರವಚನ ಆಸಲೇರಿ ಸಾಂಜವಾಳಾ ಭಗವದ್ ಗೀತಾ ವಯ್ರಿ ಪ್ರವಚನ ಆಶ್ಶಿಲೆ. ಸಮಾಜ ಬಾಂಧವಾನಿ ವ್ಹಡ ಅಂಕಡ್ಯಾರಿ ಯವ್ನು ಹಾಜ್ಜೆ ಸದುಪಯೋಗ ಘೆತ್ಲೆ.