ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ೨೦೨೩ಚೆ ವರಸಾಚೆ ಗೌರವ ಪ್ರಶಸ್ತಿ ಆನಿ ಪುಸ್ತಕ ಪುರಸ್ಕಾರ ಪ್ರಧಾನ ಸಮಾರಂಭ ೧೦-೧೧-೨೦೨೪ಕ ಹೊನ್ನಾವರ್‍ಚೆ ಶಾನ್‌ಭಾಗ್ ರೆಸಿಡೆನ್ಸಿಂತು ಚಲ್ಲೆ. ಹೇ ವೇಳ್ಯಾರಿ ಸಾಹಿತ್ಯ, ಕಲಾ ಆನಿ ಲೋಕವೇದ ಕ್ಷೇತ್ರಾಂತು ಜೀವಮಾನ ಸೇವಾ ಪಾವಯಿಲೆ ಮಾರ್ಸೆಲ್ ಎಂ. ಡಿಸೋಜ, ಹ್ಯಾರಿ ಫೆರ್ನಾಂಡಿಸ್, ಅಶೋಕ ಕಾಸರ್‌ಕೋಡ್ ಹಾಂಕಾ ಅಕಾಡೆಮಿಚೆ ಗೌರವ ಪ್ರಶಸ್ತಿ ತಶೀಚಿ ಪುಸ್ತಕ ಪ್ರಶಸ್ತಿ ವಿಜೇತ ಮೇರಿ ಸಲೋಮಿ ಡಿಸೋಜ, ಸ್ಟೀಫನ್ ಮಸ್ಕರೇನ್ಹಸ್ (ಹೇಮಾಚಾರ್ಯ) ಆನಿ ಫಾ| ರೊಯ್ಸನ್ ಫೆರ್ನಾಂಡಿಸ್ ಹಾಂಕಾ ಪ್ರಶಸ್ತಿ ಪ್ರಧಾನ ಚಲ್ಲೆ.
ಪ್ರಶಸ್ತಿ ವಿಜೇತಾಂಕ ಮೆರ್‍ವಣಿಗೇರಿ, ಪೂರ್ಣಕುಂಭ ಸ್ವಾಗತ ದಿವನು ಯೇವ್ಕಾರ ಕೆಲ್ಲಿ. ಹೇ ಸಂದರ್ಭಾರಿ ಸಿದ್ದಿ ಜಾನಪದ ನೃತ್ಯ, ಖಾರ್ವಿ ಜಾನಪದ ನೃತ್ಯ, ಗುಮ್ಟೆಂ ಫಾಂಗ್ ಪ್ರದರ್ಶನ ಚಲ್ಲೆ. ಸಭಾ ಕಾರ್ಯಕ್ರಮಾಂತು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಅಧ್ಯಕ್ಷ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್, ಮುಖೇಲ ಸೊಯ್ರೆ ಮಿಲಾಗ್ರಿಸ್ ಕೊ.ಆಪರೇಟಿವ್ ಸೊಸೈಟಿಚೊ ಅಧ್ಯಕ್ಷ ಜೋರ್ಜ್ ಫೆರ್ನಾಂಡಿಸ್, ಮಾನಾಚೆ ಸೊಯ್ರೆ ಕಾಸರ್‌ಕೋಡ್ ಪಂಚಾಯತ್ ಅಧ್ಯಕ್ಷಾ ಮಂಕಾಳಿ ಪ್ರಕಾಶ್ ಹರಿಜನ್, ಮೋಹನ್ ನಾಗೇಶ್ ಬಾನಾವಳಿಕರ, ಮೊಹಿದಿನ್ ರುಕ್‌ನದ್ದಿನ್, ಅಕಾದೆಮಿಚೊ ಆದಲೊ ಅಧ್ಯಕ್ಷ ರೋಯ್ ಕ್ಯಾಸ್ತೆಲಿನೊ ಆನಿ ಅಕಾಡೆಮಿಚೊ ರಿಜಿಸ್ಟ್ರಾರ್ ರಾಜೇಶ್ ಜಿ. ಉಪಸ್ಥಿತ ಆಶಿಲೆ. ಸನ್ಮಾನಿತಾನಿ ತಾಂಗೆಲೊ ಅನುಭವ ವಾಂಟೂನ ಘೆತಲೊ. ಅಕಾಡೆಮಿಚೆ ಸದಸ್ಯ ಜಾಲೀಲೆ ಜೇಮ್ಸ್ ಲೋಪಿಸ್ (ಸದಸ್ಯ ಸಂಚಾಲಕ) ನವೀನ್ ಲೋಬೊ, ರೊನಾಲ್ಡ್ ಕ್ರಾಸ್ತಾ, ಸಮರ್ಥ್ ಭಟ್, ಫಾ| ಪ್ರಶಾಂತ್ ಮಾಡ್ತಾ, ಅಕ್ಷತಾ ನಾಯಕ್, ಪ್ರಮೋದ್ ಪಿಂಟೊ, ಶ್ರೀನಿವಾಸ್ ಗೌಡ, ದಯಾನಂದ ಮಡ್ಕೇಕರ್, ಜಗದೀಶ್ ಖಾರ್ವಿ, ಮಾಮ್ದು ಇಬ್ರಾಹಿಂ ಹೇ ವೇಳ್ಯಾರಿ ಉಪಸ್ಥಿತ ಆಶಿಲೆ. ವಿಕ್ಟರ್ ಮಥಾಯಸ್ ಹಾನ್ನಿ ಕಾರ್ಯಕ್ರಮ ಚಲೋನು ದಿಲ್ಲಿ. ರಿಜಿಸ್ಟ್ರಾರ್ ರಾಜೇಶ್ ಜಿ. ಹಾನ್ನಿ ಆಬಾರ ಮಾನಲಿ. ನಂತರ ಮನೋಜ್ ಲೊಪೀಸ್ ಆನಿ ಪಂಗ್ಡಾ ತಾಕೂನು ಸಂಗೀತ ರಸಮಂಜರಿ ಕಾರ್ಯಕ್ರಮ ಚಲ್ಲೊ.
