ಸಾಮಾನ್ಯ ಸಾಮರ್ಥ್ಯ ಆಸುಚೆ ಯುವಾಂಕ ಸಿ.ಎ. ಪರೀಕ್ಷಾಪೂರ್ವ ತರಬೇತ ಆತ್ಮವಿಶ್ವಾಸ ವೃದ್ಧಿ ಕರಚೆ, ಆನಿ ಸಕಡಯ್ ಆಸಕ್ತಾಂಕ ಮುಕ್ತ ಜಾವನು ಆಸುಚೆ, ವಿಶಿಷ್ಟ ರೀತಿಚೆ ತರಬೇತ ” ಸಿ.ಎ. ಪವರ್25- ಸಿ.ಎ ಇಂಟರ್ ಗ್ರೂಪ್ 1 ಶಿಬಿರಾಚೆ ಉಗ್ತಾವಣ ಸಮಾರಂಭ 07-11-2024 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆಂ.
ಕೇಂದ್ರಾಚೆ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನಿ ದಿವೊ ಲಾವನ ಶಿಬಿರ ಉಗ್ತಾವಣ ಕೆಲೆಂ, ಸಿ.ಎ. ಪವರ್ 25, 10 ದಿವಸ ಭರ ಚಲಚೆ ಸನಿವಾಸೀ ತರಬೇತ ಶಿಬಿರ ಸಿ.ಎ. ಅಭ್ಯಾಸ ಕರಚೆ ಮಸ್ತ ಉಪಯುಕ್ತ ಜಾವನು ಹಾಜೆ ಸಂಪೂರ್ಣ ಉಪಯೋಗ ಘೆವನು ಯಶ ಪಾವಕಾ ಅಶಿಂ ಶುಭ ಸಾಂಗಲೆಂ. ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯುಶನ್ ಡಾ. ನಾರಾಯಣ್ ಕಾಯರ ಕಟ್ಟೆ ಹಾನಿ ಶಿಬಿರಾರ್ಥಿಂರ್ಥಿಂಕ ಪರೀಕ್ಷ ಎದುರಿಸುಚಾಕ್ ಅವಶ್ಯ ಜಾಲೆಲೆ ಮನೋ ಸಾಮರ್ಥ್ಯ ವಿವರಣ ದಿವನು, ಜೀವನಾಂತ ಜಾವಕಾ ಜಾಲೆಲೆ ಮೌಲ್ಯ ಬದ್ದಲ ಉಪಯುಕ್ತ ಸಲಹಾ ದಿಲೆಂ. ಉಪನ್ಯಾಸಕ ಸಿ.ಎ. ನಾಗೇಂದ್ರ ಭಕ್ತಾ, ವಿ.ಕೊ.ಕೇ ಉಪಾಧ್ಯಕ್ಷ ಗಿಲ್ಬರ್ಟ್ ಡಿಸೋಜಾ, ಟ್ರಸ್ಟಿ ರಮೇಶ ಡಿ ನಾಯಕ್, ಆಡಳಿತ ಅಧಿಕಾರಿ ಡಾ. ಬಿ. ದೇವದಾಸ್ ಪೈ ಉಪಸ್ಥಿತ ಆಶಿಲಿಂಚಿ.
ಧಾ ದಿವಸ ಚಲಚೆ ಹೆಂ ಮುಫತ ಸನಿವಾಸೀ ತರಬೇತ ಶಿಬಿರಾಂತ ಪರೀಕ್ಷಾರ್ಥಿಂಕ ಉತ್ತಮ ಜಾಲೆಲೆ ನವೀನ ಮಾದರಿಂತ ಸಂಪೂರ್ಣ ಪುನರಾವರ್ತನ ಆನಿ ಅಣಕ ಪರೀಕ್ಷಾ ಬರೊವಚಾಕಯ ಅವಕಾಶ ಅಸತಾ. ಸಿ.ಎ. ಉಲ್ಲಾಸ್ ಕಾಮತ್ ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ಹೆಂ ತರಬೇತ ಯೋಜನಾಕ ಪಾಟಿಂಬ ಆಸಾತಿ. ವಿದ್ಯಾರ್ಥಿ ವೈಷ್ಣವಿ ವಿ ಆನಿ ಶ್ರೇಯಾ ವೆರೆಂಕರ್ ಹಾನಿ ಪ್ರಾರ್ಥನ ಕೆಲೆಂ. ಶಾನೆಲ್ ಡಿಸೋಜಾ ನ ಕಾರ್ಯಕ್ರಮ ನಿರೂಪಣ ಕರನು ಧನ್ಯವಾದ ಸಮರ್ಪಣ ಕೆಲೆಂ.