Youtube Vedio Link :
https://youtu.be/cJsbDN9tM5Y?si=7AtQi3eUL40ONWzz
ಮೇಷ ರಾಶಿ :
ಗುರು ಕೃಪೆನಿ ಆರ್ಥಿಕ ಪರಿಸ್ಥಿತಿ ಚಾಂಗ ಜಾವ್ನು ಆಸ್ತಾ. ಘೊಳೀಲ್ಯಾಕ ಸಮ್ಮ ಜಾವ್ನು ಪ್ರತಿಫಲ ಘೆತ್ತಾತಿ. ಸಾಡಿಸಾಥಿ ಶನಿ ಗ್ರಹಾಚೆ ಪ್ರಭಾವಾನಿ ದುಡ್ಡು ಜೊಡಚಾಕ ಥೋಡೊ ಆಡಬಳ ಆಯಲೇರಿಚಿ ಮೇಷ ರಾಶಿಚಾಂಕ ಆರ್ಥಿಕ ಜಾವ್ನು ೨೦೨೬ ಆಶಾದಾಯಕ ವರ್ಷ ಮ್ಹೊಣೂಯಿ ಸಾಂಗುಯೇತ.
ವೃಷಭ ರಾಶಿ :
ರಾಹುಗ್ರಹಾಚೆ ಪ್ರಭಾವಾನಿ ಪಯಲೇಚೆ ಸ ಮ್ಹಹಿನೋ ದುಡ್ಡು ಯವ್ಚೆ (ಆದಾಯ) ಪಶಿ ಖರ್ಚುಚೇ ಚ್ಹಡ ಜಾವ್ನು ಆಶ್ಶಿಲೆ ವರಿ ದಿಸಚಾಕ ಪುರೊ. ಮಾಗಿರಿ ಆರ್ಥಿಕ ಪರಿಸ್ಥಿತಿ ಸುಧಾರ್ಚೆ ಪಳಯತಾತಿ. ಖಂಚೇಯಿ ಕಾರಣಾನಿ ತುಮಗೇಲೆ ಪ್ರಯತ್ನಾ ರಾಬಯನಾಕ್ಕಾತಿ. ದುಡ್ಡು ನುಸ್ತೆ ಖರ್ಚುನಾಕ್ಕಾತಿ. ಕಷ್ಟ ಯವಚಾಕ ಪುರೊ.
ಮಿಥುನ ರಾಶಿ :
ಗುರು ತಶೀಚಿ ಶನಿಗ್ರಹಾಂಚೆ ಕೃಪೆನಿ ಅವುಂದು ಸಮಾಧಾನ ಆನಿ ಆನಂದ ದಿವಚೆ ವರ್ಸ ಮ್ಹಳಯಾರಿ ಚ್ಹೂಖ ಜಾಯಸನಾ. ಅಖೇರಿಚೆ ಸ ಮ್ಹಹಿನ್ಯಾಂತು ಅವಕಾಶ (ಸಂದ್ಯೋ)ಚ್ಹಡ ಜಾವನು ಆರ್ಥಿಕ ಪರಿಸ್ಥಿತಿ ಚಾಂಗ ಜಾವಚೆ ತುಮಗೇಲೆ ಅನುಭವಾಕ ಎತ್ತಾ.
ಕಟಕ (ಕರ್ಕಾಟಕ)ರಾಶಿ :
ದುಡವಾ ಪರಿಸ್ಥಿತಿ ಸಮಾಧಾನಕರ ಜಾವನು ಆಶ್ಶಿಲೆ ವರಿ ದಿಸಲೇರಿಚಿ ಖರ್ಚಾ ವಯರಿ ನಿಯಂತ್ರಣ ದವರೂನು ಘೇನಾ ಜಾಲಯಾರಿ ಆರ್ಥಿಕ ಪರಿಸ್ಥಿತಿ ವಾಟ ಚುಕಚಾಕ ಪುರೊ. ಆಸ್ತಿ ತಶೀಚಿ ವಾಹನ ಘೆವ್ಚೆ ಯೋಗ ಆಸ್ಸಾ. ಮಸ್ತಲೋಕಾಂಕ ಆಕಸ್ಮಿಕ ಧನಲಾಭಾಚೆ ಯೋಗ ವರೇನ ಆಸ್ಸಾ.
ಸಿಂಹ ರಾಶಿ :
ರಾಹು ಗ್ರಹ ತೆದ್ ತೆದ್ನಾ ಥೊಡೆ ಆಡಬಳ ಘಾಲಯಾರೀಚಿ ಧೈರ್ಯಾನಿ ತುಮಗೇಲೆ ಪ್ರಯತ್ನ ರಾಬಯನಾಶಿ ಮುಖಾರಸೂನು ಘೇವ್ನು ಆಯಲೇರಿ ಇಚ್ಛಾ ಕೆಲೀಲೆ ಜೀಕ ಪಾವಚಾಕ ಜಾತ್ತಾ. ಘೊಳ್ಳಿಲ್ಯಾಕ ಸಮ್ಮ ಜಾಲೀಲೆ ಫಲ ಮ್ಹಣ್ಚೆ ಹೇ ವರಸ ವಿಸರೂನಾಕ್ಕಾತಿ. ಸಾಧಕಾಂಕ ೨೦೨೬ಂತು ಖಂಡಿತ ತಾಂಗೆಲೆ ಆರ್ಥಿಕ ಪರಿಸ್ಥಿತಿ ಸುಧಾರ್ನು ಸಮಾಧಾನ ಹಾಡ್ತಾ.
ಕನ್ಯಾ ರಾಶಿ :
ಗ್ರಹಚಾರ ಪ್ರಮಾಣೆ ಅವಂದೂಚೆ ಆರ್ಥಿಕ ಪರಿಸ್ಥಿತಿ ಪಳಯಚಾಕ ಘೆಲಯಾರಿ ಅನಪೇಕ್ಷಿತ ಖರ್ಚಾಚೆ ನಿಮಿತ್ತ್ಯಾನಿ ಪಯಲೇಚೆ ಸ ಮ್ಹಹಿನೋ ತುಮ್ಮಿ ಮಸ್ತ ನಿರಾಶಾ ಪಾವ್ಚೆ ವರಿ ಜಾವಚಾಕ ಪುರೊ. ಅನಗತ್ಯ ಖರ್ಚಾ ವಯ್ರಿ ಸ್ವಯಂ ನಿಯಂತ್ರಣ ದವರೂನು ಘೆವ್ಚೆ ಚಾಂಗ. ಇಚ್ಛಿತ ಉದ್ಯೋಗಾಂತು ಉದರ್ಗತಿ, ಸಬಾರ ಲೋಕಾಂಕ ಆಸ್ತಿ ಖರೀದಿ ಕೊರ್ಚೆ, ವಿದೇಶ ಪ್ರವಾಸ ಕೊರಚೆ ಯೋಗಽಯಿ ಆಸ್ಸಾ.
ತುಲಾ ರಾಶಿ :
ಆರ್ಥಿಕ ಪರಿಸ್ಥಿತಿ ಸಮಾಧಾನಕರ ಜಾವನು ಆಸ್ತಾ. ಖರ್ಚಾ ಪಶಿ ಆದಾಯ ಚ್ಹಡ ಜಾವಚಾಕ ಪುರೊ. ದುಡ್ಡು ಸೇವಿಂಗ್ಸಾಂತು ದವರಚೆ ಸದವಕಾಶ ಮೆಳ್ತಲೆ. ತುಮಗೆಲೆ ಪರಿಶ್ರಮಾಕ, ಕಷ್ಟಾಕ ದೋಸ್ತ ತಶೀಚಿ ಸಂಬಂಧಿಕ ಮದತ್ತಾಕ ಎತ್ತಾತಿ.
ವೃಶ್ಚಿಕ ರಾಶಿ :
ದುಡವಾ ವಿಷಯಾಂತು ಮಸ್ತ ಜಾಗೃತಿ ಘೆವ್ಚೆ ವಿಸರೂನಾಕ್ಕಾತಿ. ಗುರು ಗೃಹಾಚೆ ಕೃಪೆನಿ ತುಮಕಾ ಚಡ್ತೆ ದುಡ್ಡು ಮೆಳಯಾರೀಚಿ ಶನಿ ತಶೀಚಿ ರಾಹುಗ್ರಹಾಂಚೆ ಆಡಬಳ ವಿಸರೂಚೆ ತಶ್ಶಿ ನಾ. ನಿರ್ಲಕ್ಷ್ಯ ಕೆಲಯಾರಿ ಅನಪೇಕ್ಷೀತ ಖರ್ಚಾನಿ ಕಷ್ಟಾಕ ಶಿರಕತಾತಿ. ದುಡ್ಡು ವ್ಹರೋಕಾ ಮ್ಹಣ್ಚೆ ಇಚ್ಛಾ ಥೊಡೆ ಕಾಳ ಮುಖಾರ್ಸುಚೆ ಚಾಂಗ.
ಧನು ರಾಶಿ :
ತುಮ್ಮಿ ಆಶಾ ಪಾವ್ಚೆ ವರಿ ಅವಂದು ವರ್ಷ ಆನಂದದಾಯಕ ಜಾವ್ನೂ ಆಸ್ತಾ. ಆರ್ಥಿಕ ಪರಿಸ್ಥಿತಿ ಸುಧಾರತಾ. ಖರ್ಚಾ ಪಶಿ ಆದಾಯ ಚ್ಹಡ ಜಾವ್ನು ದುಡ್ಡು ವ್ಹರೋಚೆ ಭಾಗ್ಯ ಮೆಳ್ತಾ. ವೃತ್ತಿ ತಶೀಚಿ ನೌಕರಿ ತಮ್ಗೆಲೆ ಇಚ್ಛಾ ಪ್ರಕಾರ ಚಲ್ತಾ. ಆಸ್ತಿ, ಸಂಪತ್ತ ಜೊಡಚೆ, ಘೆವಚೆ ಯೋಗ ಆಸ್ಸಾ.
ಮಕರ :
ಆರ್ಥಿಕ ಪರಿಸ್ಥಿತಿ ಏಕ್ಕಾ ನಮೂನ್ಯಾನ ಆಸ್ಸನಾ. ಪಯಲೇಚೆ ಸ ಮ್ಹಹಿನೋ ನಿರಾಶಾ ಭೊಗಕಾ ಜಾತ್ತಲೆ. ಜಾಲಯಾರಿ ನಂತವೈಲೆ ಸ ಮ್ಹಹಿನೋ ಆರ್ಥಿಕ ಪರಿಸ್ಥಿತಿ ಸುಧಾರ್ತಾ. ದುಡ್ಡು ವ್ಹರೋಚೆ ತಶ್ಶಿ ಜಾವಚಾಕ ಪುರೊ. ಜಾಲಯಾರೀಚಿ ದುಡ್ಡು ಖರ್ಚಿತಾನಾ ಮಸ್ತ ಜಾಗೃತಿ ಘೆಯ್ಯಾತಿ. ಆಡಂಬರಾಕ ವಚ್ಚುನಾಕ್ಕಾತಿ.
ಕುಂಭ ರಾಶಿ :
ಗುರು ತಶೀಚಿ ಶನಿಗ್ರಹಾಂಚೆ ಶುಭ ಕೃಪೆಽನಿ ದುಡವಾ ವಿಷಯಾಂತು ಮಸ್ತ ಚಾಂಗ ವರ್ಷ ಮ್ಹೊಣು ಸಾಭೀತು ಜಾವಚಾಕ ಪುರೊ. ಜಾಲಯಾರಿ ತಾಕ್ಕಾ ಆಡಬಳ ಘಾಲಚಾಕ ರಾಹು ಆನಿ ಕೇತು ಗ್ರಹ ರಾಕ್ಕುನು ಆಸ್ಸತಿ ಮ್ಹಣ್ಚೆ ವಿಸರೂನಾಕ್ಕಾತಿ. ತೆದ್ ತೆದ್ನಾ ಸಾನ್ ಸಾನ ಆಡಬಳ ಎತ್ತಾ ವ್ಹರತಾ. ಜಾಲಯಾರೀಚಿ ದುಡ್ಡು ವ್ಹರೋಚಾಕ ಮಸ್ತ ಅವಕಾಶ ಮೆಳತಾ. ತಶ್ಶಿ ಜಾಲಯಾರೀಚಿ ಮುಖಾರಿ-ಮಾಕಶಿ ವಿಚಾರ ಕರನಾಶಿ ಖಂಚ ಖಂಚಕಿ ಕಡೇನ ದುಡ್ಡು ದವರಲ್ಯಾರಿ ಲುಕ್ಸಾನ ಪಾವ್ಚೆ ಸಾಧ್ಯತಾಂಯಿ ಆಸ್ಸಾ. ಒಟ್ಟಾರೆ ಕುಂಭ ರಾಶಿಚಾಂಕ ದುಡವಾ ವಿಷಯಾಂತು ಆಶಾದಾಯಕ ವರ್ಷ ಮ್ಹಳಯಾರಿ ಚ್ಹೂಖ ಜಾಯಸನಾ.
ಮೀನ ರಾಶಿ :
ಚಾಂಗ ಮುನಾಪೋ ಘೆವ್ಕಾ ಜಾಲಯಾರಿ ಮಸ್ತ ಘೊಳ್ಕಾಚೀಚಿ. ಇತ್ತುಲೆ ಜಾಲಯಾರೀಚಿ ತುಮ್ಮಿ ಇಚ್ಛಾ ಪಾವ್ವಿಲೆ ವರಿ ದುಡ್ಡು ಎತ್ತಾ ಮ್ಹಣಚಾಕ ಜಾಯನಾ. ಪರಿಶ್ರಮಾಕ ಪ್ರತಿಫಲ ಯವಚಾಕ ತೊಡೋವು ಜಾವಚಾಕ ಪುರೊ. ಗುರುಗ್ರಹ ೫ವೇ ಘರಾಕ ರಿಗ್ಲೆ ಮಾಗಿರಿ ತುಮಗೇಲೆ ಆರ್ಥಿಕ ಪರಿಸ್ಥಿತಿ ಮಸ್ತ ಸುಧಾರತಾ. ಸಾಡೇಸಾಥಿಚೆ ಪ್ರಭಾವು ಆಸ್ಸುಚೆ ವಿಸರೂಚಾಕ ನಜ್ಜ.
ಸಕಡಾನಿ ಕೊರಕಾ ಜಾಲೀಲೆ ಸಾಮಾನ್ಯ ಸರಳ ಪರಿಹಾರ
೧. ಸಾಡಿಸಾಥಿ ಜಾಂವೊ ಶನಿಗ್ರಹಾಚೆ ಉಪದ್ರವ ಆಶ್ಶಿಲೆ ರಾಶಿಚೆ ಲೋಕಾನಿ ಪ್ರತಿ ದಿವಸು ಶ್ರೀ ವಿಷ್ಣು ಸಹಸ್ರನಾಮ ಜಾಂವೊ ದಶರಥ ಕೃತ ಶನಿಸ್ತೋತ್ರ, ಶನಿ ಅಷ್ಟೋತ್ತರ ವಾಜ್ಜುವೇತ ಜಾಂವೊ ಆಯ್ಕುವೇತ. ಹನುಮಂತಾಲೆ ದೇವಳಾಕ ಭೆಟ್ಟುವೇತ.
೨. ಪ್ರತಿ ದಿವಸು ತುಮ್ಗೆಲೆ ಕುಲದೇವಾಲೆ ಸ್ಮರಣ ಕರಾ. ಅನ್ಕೂಲ ಜಾಲೀಲ ತೆದ್ನಾ ಕುಲದೇವಾಕ ಭೆಟ್ಟಿಯಾ.
೩. ಕೋಣಾಲಾಗ್ಗಿ ಜಗಡಿ, ಲಡಾಯಿ ಕೊರಚಾಕ ವೊಚ್ಚುನಾಕ್ಕಾತಿ, ಪಶುಪ್ರೀತಿ ದಾಖಯಾ.