
ರೋಟರಿ ಮಂಗಳೂರು ಸಿಟಿ ಸಂಸ್ಥೆ ಪ್ರಾಯೋಜತ್ವಾರಿ ರೋಟರಿ ಜಿಲ್ಲಾ ೩೧೮೧ ಆಡಳಿತ ಸಮಿತಿಚೆ ವಾರ್ಷಿಕ ಪ್ರಶಸ್ತಿ ಪ್ರಧಾನ ಸಮಾರಂಭ ಪ್ರಶಸ್ತಿ ಕಾರ್ಯಕ್ರಮ ಮಂಗಳೂರ್ಚೆ ಪಿಲಿಕುಲಾಂತು ಆಸ್ಸುಚೆ ಭಾರತ್ ಸ್ಕೌಟ್ಸ್ ಆಂಡ್ ಗೈಡ್ಸ್ ಸಭಾಂಗಣಾಂತು ಆರತಾಂ ಚಲ್ಲೆ. ಹೇ ವೇಳ್ಯಾರಿ ನಿವೃತ್ತ ಬ್ಯಾಂಕ್ ಮ್ಯಾನೇಜರ್ ಆನಿ ಮಾಧ್ಯಮ ಸಲಹೆಗಾರ ತಶೀಚಿ ಹವ್ಯಾಸಿ ಪತ್ರಕರ್ತ ಶ್ರೀ ವಸಂತ್ ಮಲ್ಯ ಹಾಂಕಾ ಪ್ರಶಸ್ತಿ ಸಹಿತ ಸನ್ಮಾನ ಕೆಲ್ಲಿ. ಶ್ರೀ ವಸಂತಮಲ್ಯ ಹಾನ್ನಿ ಘೆಲೀಲೆ ೨೫ ವರಸಾಚಾನ ಪ್ರಾಮಾಣಿಕಪಣಾನಿ ಆನಿ ನಿಸ್ವಾರ್ಥ ಸೇವಾ ದಿವಚೆ ಬರಶಿ ರೋಟರಿ ಸಂಸ್ಥೆಚೆ ವೆಗವೆಗಳೆ ಸಮಾಜ ಸೇವಾ ಚಟುವಟಿಕಾ ಆನಿ ಯೋಜನಾ ಕಾರ್ಯಕ್ರಮ ವೆಗವೆಗಳೆ ಪತಿ ಕಾ ಮಾಧ್ಯಮಾಚೆ ಮುಖಾಂತರ ಚಾಂಗ ಪ್ರಚಾರ ದಿಲೀಲೆ ಮಾನೂನು ರೋಟರಿ ಜಿಲ್ಲಾ ಆಡಳಿತ ಸಂಸ್ಥೆಚೆ ವಾರ್ಷಿಕ ವಿಶೇಷ ಪ್ರಶಸ್ತಿ ಪ್ರಮಾಣ ಪತ್ರ ದಿವನು ಸನ್ಮಾನ ಕೆಲ್ಲಿ.
ರೋಟರಿ ಮಾಜಿ ಗವರ್ನರ್ ಡಾ. ದೇವದಾಸ್ ರೈ ತಾನ್ನಿ ಶ್ರೀ ಮಲ್ಯ ತಾಂಕಾ ಹಾರ್ದಿಕ ಜಾವನು ಸನ್ಮಾನ ಕೊರನು ಮಲ್ಯ ಮಾಮ್ಮಾಲೆ ಅನುವ ಸೇವಾ ಆನಿ ರೋಟರಿ ಸಂಸ್ಥೆಕ ದಿಲೀಲೆ ಅಮೂಲ್ಯ ದೇಣಿಗಾ ಯಾದ ಕೊರನು ಅಭಿನಂದನ ಕೆಲ್ಲೆ. ವೇದಿಕೆರಿ ರೋಟರಿ ಗವರ್ನರ್ ವಿಕ್ರಮ್ ದತ್ತ, ಪ್ರಶಸ್ತಿ ಆಯ್ಕೆ ಸಮಿತಿಯ ಅಧ್ಯಕ್ಷ ಡಾ. ಅರವಿಂದ್ ಭಟ್, ರೋಟರಿ ಮಂಗಳೂರು ಸಿಟಿ ಸಂಚೆ ಅಧ್ಯಕ್ಷ ಗಣೇಶ್ ಕುಡ್ಲಮೊಗರು ಆನಿ ರೋಟರಿ ಇನ್ನರ್ವಿಲ್ ಸಂಚೆ ಅದ್ಯಕ್ಷೆ ಶ್ರೀಮತಿ ವೈಶಾಲಿ ಕುಡ್ವ ಆನಿ ಶ್ರೀಮತಿ ಬಬಿತಾ ರೋಹಿನಾಥ್ ಉಪಸ್ಥಿತ ವ್ಹರಲೀಲೆ. ಹೇ ಪ್ರಶಸ್ತಿ ಪ್ರಧಾನ ಕಾರ್ಯಕ್ರಮಾಂತು ರೋಟರಿ ಜಿಲ್ಲೆಚೆ ೮೯ ಕ್ಲಬ್ಬಾಚೆ ೮೦೦ ಪದಾಧಿಕಾರಿ ಆನಿ ಸದಸ್ಯಾನಿ ವಾಂಟೊ ಘೆತ್ತಿಲೆ.
ಶ್ರೀ ವಸಂತ ಮಲ್ಯ ಮಾಮು ಸಿಂಡಿಕೇಟ್ ಬ್ಯಾಂಕಾಚೆ ನಿವೃತ್ತ ಬ್ಯಾಂಕ ಮ್ಯಾನೇಜರ್ ಜಾವ್ನಾಸ್ಸತಿ. ೧೯೫೨ ಇಸ್ವೆಂತು ಜನ್ಮಿಲೆ ಹಾನ್ನಿ ಪ್ರಾಥಮಿಕ ಶಿಕ್ಷಣ ಸರಕಾರಿ ಸ್ಕೂಲಾಂತು ಶಿಕ್ಕೂನು ಗಾಂಧಿನಗರ ಮಂಗಳೂರು ಪ್ರೌಢಶಾಲೆಂತು, ಕೆನರಾ ಶಾಲೆಂತು, ಉರ್ವ ಪಿಯುಸಿ ಸೇಂಟ್ ಅಲೋಸಿಯಸ್ ಕಾಲೇಜಾಂತು, ಬಿಕಾಂ ಪದವಿ ಬಂಟ್ವಾಳಚೆ ಎಸ್ವಿಎಸ್ ಕಾಲೇಜಾಚಾನ ಘೆತ್ಲೆ. ೧೯೭೨ ಕ ಸಿಂಡಿಕೇಟ್ ಬ್ಯಾಂಕ್ ನೌಕರಿಕ ಸೇರ್ವಲೆ. ಬೆಂಗಳೂರು ಮುಂಬೈ ದೆಹಲಿ ಚಿಕ್ಕಮಗಳೂರು ಸಿನೀಯರ್ ಮ್ಯಾನೇಜರ್ ಜಾವನು ಬೆಳಗಾವಿಂತು ೨೦೦೧ ಇಸ್ವೆಂತು ನಿವೃತ್ತ ಜಾಲ್ಲೆ. ೨೦೦೧ ಂತು ಮಾಧ್ಯಮ ವ್ಯವಹಾರ ಆರಂಭ ಕೆಲ್ಲೆ, ಆನಿ ತಾಂತುಲೇನಿ ೨೦೨೫ ಂತು ನಿವೃತ್ತ ಜಾಲ್ಲೆ. ಹಾನ್ನಿ ಕ್ರಿಕೆಟ್ ಆನಿ ಶಟಲ್ ಬ್ಯಾಡ್ಮಿಂಟನ್ ಫ್ಲೇಯರ್, ೨೦೧೦ ಇಸ್ವೆಂತು ರೋಟರಿಕ ಸೇರ್ವಲೆ. ವೆಗವೆಗಳೆ ಸುದ್ದಿ ಪತ್ರಿಕೆಂತು ಸಕ್ಕಡೆಚೆ ರೋಟರಿ ಚಟುವಟಿಕೆಚೆ ವರದಿ ಕೇಲೀಲೆ ತಾಂಗೆಲೆ ಸಮುದಾಯಾಕ ಸೇವಾ ಪಾವಯಿಲೇಕ ಹೇ ಪ್ರಶಸ್ತಿ ಮೆಳ್ಯಾ. ಹಾನ್ನಿ ವಿ.ಎಸ್. ಕುಡ್ವ ಪುಸ್ತಕಾಚೆ ಲೇಖಕ ಜಾವನು ವರೇನ ಸೇವಾ ಪಾವಯಿಲಾ.