ಫೆ.3ಕ ಶ್ರೀ ಗ್ರಾಮದೇವಿ ಜಾತ್ರಾ ಮಹೋತ್ಸವು, ಸಾಂಬ್ರಾಣಿ

ಹಳಿಯಾಳ ತಾ|| ಸಾಂಬ್ರಾಣಿಚೆ ಗ್ರಾಮದೇವಿ ಜಾತ್ರಾ ಮಹೋತ್ಸವು ಹೇಂಚಿ ಜನವರಿ ೨೮ಕ ಆರಂಭ ಜಾವ್ನು ಫೆಬ್ರವರಿ ೧೦ ಪರಿಯಂತ ಸಂಪನ್ನ ಜಾತ್ತಾ ಮ್ಹಣಚೆ ಮಾಹಿತಿ ಮೆಳ್ಳಾ. ಜ.೨೮ಕ ಅಂಕಿ ಘಾಲ್ಚೆ ಆನಿ ಧ್ವಜಾರೋಹಣ ಚಲ್ತಾ, ಜ.೩೧ಕ ಪ್ರಾಣ ಪ್ರತಿಷ್ಠಾ ಜೀವಕಳಾ ಭೊರಚೆ, ಫೆ.೧ಕ ಶ್ರೀ ದೇವಿಂಗೆಲೆ ಹೊನ್ನಾಟ, ಗುದಮುರಗಿ ಆನಿ ಸಾಂಬ್ರಾಣಿ ಗಾಂವಾಂತು ಚಲ್ತಾ. ಫೆ.೨ಕ ಶ್ರೀ ದೇವಿಂಗೆಲೆ ಹೊನ್ನಾಟ ಶೇಖನಕಟ್ಟಾ, ಬುಕ್ಕಿನಕೊಪ್ಪಾ ಆನಿ ಸಾಂಬ್ರಾಣಿ ಗಾಂವಾಂತು ಚಲ್ತಾ. ಫೆ.೩ಕ ೩-೦೦ ಘಂಟ್ಯಾಕ ಶ್ರೀ ದೇವಿಂಗೆಲೆ ಮಹಾರಥೋತ್ಸವು ಘಡ್ತಾ. ೬-೦೦ ಘಂಟ್ಯಾಕ ಜಾತ್ರಾ ಗದ್ದುಕೇಕ ಶ್ರೀ ದೇವಿಂಗೆಲೆ ಆಗಮನ. ಫೆ.೪ ತಾಕೂನು ಫೆ.೬ ಪರಿಯಂತ ಲೋಕಾನಿ ಶ್ರೀ ದೇವಿಂಕ
ಹೊಂಟಿ ಭೊರಚೆ, ಆನಿ ಪ್ರತಿ ದಿವಸು ಸಾಂಜವಾಳಾ೭-೦೦ ಘಂಟ್ಯಾಚಾನ ಕೀರ್ತನ, ಭಜನ ಆನಿ ಮನೋರಂಜನ ಕಾರ್ಯಕ್ರಮ ಚಲ್ತಾ.
ಫೆ.೭ಕ ಸಾಂಜವಾಳಾ ೬-೦೦ ಘಂಟ್ಯಾಕ ಶ್ರೀ ದೇವಿಂಗೆಲೆ ಉತ್ಸವು ಚಲ್ತಾ. ಫೆ.೧೦ಕ ಶ್ರೀ ದೇವಿಂಗೆಲೆ ಪುನರ್ ಪ್ರತಿಷ್ಟಾಪನ, ಹೊಂಟಿ ಭೊರಚೆ, ಮಹಾಪ್ರಸಾದ ಆದಿ ಕಾರ್ಯಕ್ರಮ ಚಲ್ತಾ. ಆಸ್ತಿಕ ಬಾಂದವಾನಿ ಹೇ ಸಕ್ಕಡ ಕಾರ್ಯಕ್ರಮಾಂತು ವಾಂಟೊ ಘೇವ್ನು ಶ್ರೀ ದೇವಿಂಗೆಲೆ ಕೃಪೆಕ ಪಾತ್ರ ಜಾವ್ಕಾ ಮ್ಹೊಣು ಸಾಂಬ್ರಾಣಿಚೆ ತೀನೈಕರ ಬಾಂದವಾನಿ ವಿನಂತಿ ಕೆಲ್ಲ್ಯಾ.