ಶುಕ್ರ. ಏಪ್ರಿಲ್ 4th, 2025
    1 t
    Spread the love


    550 ವರ್ಷಾ ಮಾಕಶಿ ಚೈತ್ರ ಶುಕ್ಲ ದ್ವಿತೀಯ ತಿಥಿಕ ಮ್ಹಳಯಾರಿ ಸಂವ್ಸಾರ ಪಾಡವೇಚೆ ಹೆರ್‍ದೀಸು ಉಡುಪಿ ಶ್ರೀಕೃಷ್ಣಾನಿ ಕೆಲೀಲೊ ಪವಾಡಽಕಿ, ಲೀಲಾಕಿ ಒಟ್ಟಾರೆ ಉಡುಪಿಚೆ ಅಷ್ಟಮಠಾಂತು ಏಕ ಜಾಲೀಲೆ ಫಲಿಮಾರು ಮಠಾಚೆ ತೆದನಾಂಚೆ ಮಠಾಧೀಶ ಶ್ರೀಮದ್ ರಾಮಚಂದ್ರ ತೀರ್ಥ ಸ್ವಾಮ್ಯಾನಿ ಆಪಣೇಲೆ ತೀವ್ರ ಅನಾರೋಗ್ಯಾಚೆ ಇಕ್ಕಟ್ಟಾಚೆ ಪರಿಸ್ಥಿತಿಂತು ಬದರಿ ನಾರಾಯಣಾಲೆ ಕ್ಷೇತ್ರಾಂತು ಆಶ್ಶಿಲ ತೆದ್ದನಾ ಗೌಡ ಸಾರಸ್ವತ ಸಮಾಜಾಚೊ ಮಾಧವ ಮ್ಹಣಚೆ ವಟುಕ ಸನ್ಯಾಸ ದೀಕ್ಷಾ ದಿವನು ಪಟ್ಟಶಿಷ್ಯ ಜಾವನು ಸ್ವೀಕರ್ಲೆ. ಸಾಕ್ಷಾತ ಮಹಾವಿಷ್ಣುಽಚಿ ಶ್ರೀ ನಾರಾಯಣ ರೂಪಾಂತು ಆಸ್ಸುಚೆ ಬದರಿಚೆ ಪುಣ್ಯ ನೆಲಾಂತು ಹೇ ದೀಕ್ಷಾ ಸಮಾರಂಭ ಚೋಲ್ನು ತ್ಯಾ ವಟುಕ ಶ್ರೀಮದ್ ನಾರಾಯಣ ತೀರ್ಥ ಮ್ಹೊಣು ನಾಮಾಭಿದಾನ ದಿವನು, ನಿತ್ಯ ಪೂಜೆ ಖಾತೆರಿ ಮರ್ಯಾದ ಪುರುಷೋತ್ತಮ ಶ್ರೀ ರಾಮಚಂದ್ರ ದೇವಾಲೆಂ ಪಂಚಲೋಹಾಚೆ ಮೂರ್ತಿ ದಿವನು ಅನುಗ್ರಹ ಕೆಲ್ಲಿ. ಹರಿಕೃಪೆನಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ವೈಷ್ಣವ ಪಂಥಾಚೆ ಪ್ರಥಮ ಗುರುಪೀಠಾಚೆ ಸಂಸ್ಥಾಪನ ಶ್ರೀ ಕೃಷ್ಣಾಲೆ ಕೃಪೇನಿ ಹೇ ನಮೂನ್ಯಾಂತು ಸಾಕಾರ ಜಾಲ್ಲೆ.
    ೨೦೨೫ಚೆ ಮಾರ್ಚ್ ೩೧ ೨೦೨೫ಕ ವರೇನ ಚೈತ್ರ ಶುಕ್ಲ ದ್ವಿತೀಯ ಆಸ್ಸುಚಾ ವೊಚ್ಚುನು ತ್ಯಾ ದಿವಸಾಕ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠ ಸ್ಥಾಪನ ಜಾವನು ೫೫೦ ವರ್ಷ ಪೂರ್ಣ ಜಾತ್ತಾ. ತತ್ಸಂಬಂಧ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಕೇಂದ್ರ ಮಠ ಆಸ್ಸುಚೆ ಪರ್ತಗಾಳಿಂತು ತಶೀಚಿ ಶಾಖಾ ಮಠಾಂತು ವೆಗವೆಗಳೆ ಧಾರ್ಮಿಕ ಕಾರ್ಯಕ್ರಮ ಘಾಲ್ನು ಘೆತ್ತಿಲೆ. ಹೇ ಸಂಬಂಧ ೫೫೦ ಕೋಟಿ ಶ್ರೀ ರಾಮನಾಮ ಜಪ ಅಭಿಯಾನ ಸಬಾರ ರಾಜ್ಯಾಂತು ೧೨೦ ಪಶಿ ಚ್ಹಡ ಕೇಂದ್ರ ಆನಿ ಉಪಕೇಂದ್ರಾಂತು ಚಲ್ತಾ ಆಸ್ಸಾ. ಪೋರು ವರ್ಷಾಚೆ ಶ್ರೀ ರಾಮನವಮಿ ದಿವಸು ಸೂರು ಜಾವನು ಘೆಲೀಲೆ ೩೩೩ ದಿವಸಾಂತು ಒಟ್ಟು ೩೫೫ಕೋಟಿ ೯೫ ಲಾಕಾ ಪಶಿ ಚ್ಹಡ ಶ್ರೀ ರಾಮ ಜಪ ಪಠಣ ಚಲ್ಲ್ಯಾ. ಹೇ ಸಾರ್ಥ ಪಂಚ ಶತಮಾನೋತ್ಸವ ಸಂಭ್ರಮಾಚರಣ ಹೇಂಚಿ ನವೆಂಬರ್ ೨೭ ತಾಕೂನು ಡಿಸೆಂಬರ್ ೭ಚೆ ಪರಿಯಂತ ಪರ್ತಗಾಳಿಂತು ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮ್ಯಾಂಗೆಲೆ ಮಾರ್ಗದರ್ಶನ ಆನಿ ದಿವ್ಯ ಸಾನಿಧ್ಯಾರಿ ಸಂಪನ್ನ ಜಾವಚೆ ಆಸ್ಸಾ. ಹೇ ವೇಳ್ಯಾರಿ ಶ್ರೀ ಪರ್ತಗಾಳಿ ಮಠಾಚೆ ಆವಾರಾಂತು ೭೭ ಫೂಟ್ ಎತ್ರಾಚೆ ಶ್ರೀ ರಾಮಚಂದ್ರಾಲೆ ಕಾಂಚಾಚೆ ಮೂರ್ತಿ ವರೇನ ಪ್ರತಿಷ್ಠಾಪನ ಕರತಾತಿ.


    ಹುಬ್ಬಳ್ಳಿಚೆ ಅಮರಗೋಳ ಕೃಷಿ ಉತ್ಪನ್ನ ಮಾರುಕಟ್ಟೆಚೆ ಎದ್ರಾಕ ಆಸ್ಸುಚೆ ವಿದ್ಯಾಧಿರಾಜ ಭವನ ವರೇನ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಏಕ ಶಾಖಾ ಮಠ ಜಾವ್ನಾಸ್ಸಾ. ವಿದ್ಯಾಧಿರಾಜ ಭವನ ಶಾಖಾ ಮಠಾಚೆ ಬಾಬ್ತು ಶ್ರೀ ಮಠಾಚೆ ಶ್ರೀ ವಿದ್ಯಾಧೀಶ ವಿದ್ಯಾರ್ಥಿ ನಿಲಯದ ಆವಾರಾಂತು ಘೆಲೀಲೆ ೩೩೩ ದಿವಸಾಚಾನ ನಿರಂತರ ಜಾವ್ನು ಶ್ರೀ ರಾಮನಾಮ ಜಪ ಪಠಣ ಚಲ್ತಾ ಆಸ್ಸಾ.
    ಮಾರ್ಚ್ ೩೧ಕ ಶ್ರೀ ಗುರು ಪೀಠಾಚೆ ೫೫೦ವೇಂ ಸಂಸ್ಥಾಪನಾ ದಿವಸಾಚೆ ಕಾರಣಾನಿ ವೆಗಳೆ ಸರ್ವ ಶಾಖಾ ಮಠಾಂತು ಚಲೀಲೆ ವರಿ ವಿಶೇಷ ಶ್ರೀ ರಾಮ ಜಯ ರಾಮ ಜಯ ಜಯ ರಾಮ ಜಪ ಪಠಣ ವಿದ್ಯಾಧಿರಾಜ ಭವನಾಂತು ಚಲ್ಲೆ. ಸಕ್ಕಾಣಿ ಸಮ ಜಾವನು ಧಾ ಘಂಟೊ ಧಾ ಮಿನಿಟಾಕ ಜಪ ಪಠಣ ಸೂರು ಜಾಲ್ಲೆ. ಧೋಂಪಾರಾ ದೇಡ ಘಂಟ್ಯಾ ಪರ್‍ಯಂತ ಜಪ ಪಠಣ ಚಲ್ಲೆ. ಸುಮಾರ ಪಾಂಚ ಲಾಕ ಸಾಠ ಹಜಾರಾ ಪಶಿ ಚ್ಹಡ ಶ್ರೀ ರಾಮ ಜಯ ರಾಮ ಜಯ ಜಯ ರಾಮ ಮ್ಹಣಚೆ ಶ್ರೀ ರಾಮ ತಾರಕ ಮಂತ್ರ ಜಪ ಜಮೀಲೆ ಶೃದ್ಧಾಳು ಜಪಿಕಾನಿ ಪಠಣ ಕೆಲ್ಲಿ. ಮರ್ಯಾದ ಪುರುಷೋತ್ತಮ ಶ್ರೀ ರಾಮಚಂದ್ರ ದೇವಾಕ ಫುಲ್ಲಾನಿ ವಿಶೇಷ ಜಾವ್ನು ಶೃಂಗಾರ ಕೆಲೀಲೆ. ಮಾಗಿರಿ ವೇ.ಮೂ. ವಿನಾಯಕ ಭಟ್ ತಾಂಗೆಲೆ ನೇತೃತ್ವಾರಿ ವಿಶೇಷ ವಸಂತ ಪೂಜಾ ಚಲ್ಲೆ.
    ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಕೇಂದ್ರ ಕಮಿಟಿ ಉಪಾಧ್ಯಕ್ಷ ತಶೀಚಿ ಹುಬ್ಬಳ್ಳಿ ವಿದ್ಯಾಧಿರಾಜ ಭವನಾಚೆ ಅಧ್ಯಕ್ಷ ಶ್ರೀ ಆರ್. ಆರ್. ಕಾಮತ್, ಉಪಾಧ್ಯಕ್ಷ ಶ್ರೀ ದಿನೇಶ ಆರ್. ನಾಯಕ್, ಹುಬ್ಬಳ್ಳಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಅಧ್ಯಕ್ಷ ಶ್ರೀ ರಮೇಶ ಪಿ. ನಾಯಕ, ಧಾರವಾಡ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಅಧ್ಯಕ್ಷ ಶ್ರೀ ವಿ.ಜಿ.ಪ್ರಭು, ಶ್ರೀ ಸದಾನಂದ ಕಾಮತ, ಶ್ರೀ ಉದಯ ಜಿ. ಶಾನಭಾಗ, ಶ್ರೀ ವಿನಾಯಕ ರಮೇಶ ಕಾಮತ ಸಹಿತ ಸಬಾರ ಗಣ್ಯ ಹೇ ವೇಳ್ಯಾರಿ ಉಪಸ್ಥಿತ ವ್ಹರಲೀಲೆ.
    ವಿಶೇಷ ಸೂಚನಾ : ಹುಬ್ಬಳ್ಳಿ ವಿದ್ಯಾಧಿರಾಜ ಭವನಾಂತು ಚಲೀಲೆ ಹೇ ಕಾರ್ಯಕ್ರಮಾಚೆ ಸಾಕ್ಷಾತ ವೀಕ್ಷಣ ಆಮ್ಗೆಲೆ ಸರಸ್ವತಿ ಪ್ರಭಾ ಯೂಟ್ಯೂಬ್ ಚಾನಲ್ಲಾಚೆ `ಸರಸ್ವತಿ ಪ್ರಭಾ ಸುದ್ಧಿ-ಸಮಾಚಾರhttps://youtu.be/TijAJ2zTIAU?si=txpNalaXv_3THVp8 ಹೇ ಲಿಂಕಾಂತು ಮೆಳ್ತಾ. ಮುದ್ದಾಂ ವೀಕ್ಷಣ ಕರಾ. ದುಸರ್‍ಯಾಂಕ ಸಾಂಗಾತಿ. ಸಬ್‌ಸ್ಕೈಬ್ ಜಾಯಾತಿ.

    Video Link : https://youtu.be/TijAJ2zTIAU?si=QthMmcf9vdE23Yg9


    Spread the love

    ನಿಮ್ಮದೊಂದು ಉತ್ತರ

    ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ. ಅತ್ಯಗತ್ಯ ವಿವರಗಳನ್ನು * ಎಂದು ಗುರುತಿಸಲಾಗಿದೆ

    error: Content is protected !!
    Chat on Whatsapp
    1
    Scan the code
    Hello 👋
    How can we help you?