ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಆನಿ ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.) ಸುರತ್ಕಲ್ ಘಟಕ ಹಾಂಗೆಲೆ ಮೇಳಾವಟ್ಟಾಂತು ೧೪.೦೯.೨೦೨೫ ದಿವಸು ಸುರತ್ಕಲ್ ನ ಸೆಕ್ರೆಡ್ ಹಾರ್ಟ್ ಸಭಾಭವನಾಂತು ವ್ಹರಡಿಕೇಂತು ಮ್ಹೊಣಚೆ ಸೋಭಾನೆ ಪದ ಆನಿ ಬಾಳಾಗೀತಾ ಸಹಿತ ವೊವಿಯೊ ವೇರ್ಸ್ ಆನಿ ಬಾಳ್ ಗಿತಾಂ ಕಾರ್ಯಾಗಾರ ಆಯೋಜನ ಕೆಲೀಲೆ.
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಕಾರ್ಯಕ್ರಮಾಚೆ ಅಧ್ಯಕ್ಷ ಪಣ ಘೆತ್ತಿಲೆ. ತಾನ್ನಿ ಪ್ರಾಸ್ತಾವಿಕ ಜಾವನು ಉಲಯತಾ “ಘರ್‍ಕಡೆ ತುಮಗೇಲೆ ಚರಡುಂವ ಬರಶಿ ಮಾತೃಭಾಸ ಕೊಂಕ್ಣಿಂತು ಉಲಯಾ ತಶೀಚಿ ದೇವಾಲಾಗ್ಗಿ ಮಾಗತಾನಾ ಮಾತೃಭಾಷೆಂತೂ ಮಾಗ್ಗಾ ತೆದ್ದನಾ ಕೊಂಕಣಿ ಭಾಸ ವ್ಹರಚೆಂತು ಖಂಚೇಯಿ ಸಂಶಯು ನಾ. ಲೋಕಾಂಕ ವೊವಿಯೊ ಖಾತೇರಿ ಕಳೋನು ದಿವಚಾಕ ಹೇ ಕಾರ್ಯಗಾರ ಆಯೋಜನ ಕೆಲೀಲೆ ಆಸ್ಸಾ, ಸಕಟಾನಿ ಹಾಜ್ಜೆ ಮುನಾಪೋ ಘೆವ್ಕಾ ಮ್ಹಳ್ಳೆ.
ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಸಂಪ್ರದಾಯ ಪ್ರಮಾಣೆ ನಾರ್‍ಲು ಬೆತ್ತುನು, ಸುರತ್ಕಲ್ ಸೆಕ್ರೆಡ್ ಹಾರ್ಟ್ ಚರ್ಚ್ ಹಾಜ್ಜೆ ಧರ್ಮಗುರು ಜಾಲೀಲೆ ಅ|ವಂ| ಆಸ್ಟಿನ್ ಪೀಟರ್ ಪೆರಿಸ್ ನಾರಲಾ ರೋಸು ಪಿಳ್ಚೆ ಮುಖಾಂತರ ಕಾರ್ಯಕ್ರಮಾಚೆ ಉದ್ಘಾಟನ ಕೆಲ್ಲಿ. ಫಾ| ಆಸ್ಟಿನ್ ಪೆರಿಸ್ ಉಲೋನು ‘ಆತ್ತ ಚಂದ ಆಸ್ಸುಚೆ ವೊವಿಯೊ ಆಯಕುಚಾಕ ಮೆಳ್ತಾ. ಜಾಲಯಾರಿ ಪರಂಪರೆನ ಆಯ್ಯಿಲೆ ಸಾಂಪ್ರದಾಯಿಕ ವೊವಿಯೊ ಅಳಸೂನು ವತ್ತಾ ಆಸ್ಸಾ. ಆಮ್ಗೆಲೆ ಸಂಪ್ರದಾಯ ಮುಖಾರ್‍ಸುನು ವ್ಹರಚೆ ಗರಜ ಆಸ್ಸಾ. ಖಂಚೇಯಿ ವೇಳ್ಯಾರಿ ಆಪಣಾಪಣ ಸೊಡಚಾಕ ನಜ್ಜ. ಕೊಂಕಣಿ ಭಾಸ ಕೆದ್ನಾಯಿ ಆಮ್ಗೆಲೆ ಚಾಲ ಚಮ್ಕಣಿಂತು ಆಸ್ಸುಕಾ ಮ್ಹಳ್ಳೆ.
ಮುಖೇಲ ಸೊಯರೆ ಜಾವ್ನು ವಾಂಟೊ ಘೆತ್ತಿಲೆ ಎಂ.ಆರ್.ಪಿ.ಎಲ್. ಸಂಸ್ಥೆಚೆ ಗ್ರೂಪ್ ಜನರಲ್ ಮ್ಯಾನೇಜರ್ ಶ್ರೀ ಕೃಷ್ಣಾ ಹೆಗ್ಡೆ ತಾನ್ನಿ ಉಲೋನು ‘ಕೊಂಕಣಿ ಭಾಷೆಂತು ಚಾಂಗ ಜಾಲೀಲೆ ಸಂಸ್ಕೃತಿ ಆಸ್ಸಾ. ಹೇ ಪಾಲನ ಕೊರಕಾ. ಕೊಂಕಣಿ ಭಾಷೆಕ ಗೌರವ ದಿವಕಾ ತಶೀಚಿ ಸಂಸ್ಕೃತಿ ವ್ಹರೋಕಾ ಮ್ಹೊಣು ಸಾಂಗೂನು ದೇವು ಬರೆಂ ಕೊರೊ ಮ್ಹಳ್ಳೆ.
ಮಾನಾಚೆ ಸೊಯರೆ ಜಾಲೀಲೆ ಕಥೊಲಿಕ್ ಸಭಾ ಸುರತ್ಕಲ್ ವಲಯಾಚೆ ಅಧ್ಯಕ್ಷ ಶ್ರೀ ಲಾರೆನ್ಸ್ ಡಿಸೋಜ, ಕಥೊಲಿಕ್ ಸಭಾ ಸುರತ್ಕಲ್ ಘಟಕಾಚೆ ಅಧ್ಯಕ್ಷ ಶ್ರೀ ಓಲ್ವಿನ್ ಡಿಸೋಜ, ಕಥೊಲಿಕ್ ಸಭಾ ಸುರತ್ಕಲ್ ಘಟಕಾಚೆ ಕಾರ್ಯದರ್ಶಿ ಜೆನೆಟ್ ಡಿಸೋಜ, ಸುರತ್ಕಲ್ ಚರ್ಚ್ ಉಪಾಧ್ಯಕ್ಷ ಶ್ರೀ ರಸ್ಸೆಲ್ ರೋಚ್ ವೇದಿಕೆರಿ ಉಪಸ್ಥಿತ ವ್ಹರಲೀಲೆ.
ಅಕಾಡೆಮಿ ಸದಸ್ಯ ನವೀನ್ ಲೋಬೊ, ರೊನಾಲ್ಡ್ ಕ್ರಾಸ್ತಾ ಹಾಜರ ಆಶ್ಶಿಲೆ. ಸ್ಥಳೀಯ ಸಂಚಾಲಕ ಶ್ರೀ ಜೋರ್ಜ್ ಲಿಗೋರಿ ತಾನ್ನಿ ಆಬಾರ ಮಾನ್ಲೆ. ಶ್ರೀಮತಿ ವೀರಾ ಪಿಂಟೊ ಕಾರ್ಯಕ್ರಮ ನಿರೂಪಣ ಕೆಲ್ಲಿ.
ಶ್ರೀಮತಿ ಹಿಲ್ಡಾ ಮೊರಾಸ್, ಶ್ರೀ ಜೇಮ್ಸ್ ಡಿಸೋಜ, ಶ್ರೀಮತಿ ರೀನಾ ಡಿಸೋಜ, ಶ್ರೀಮತಿ ವೀಣಾ ಪಿರೇರಾ ಕಾರ್ಯಗಾರ ಚಲೋನು ದಿಲ್ಲಿ. ಮಸ್ತ ಕೊಂಕಣಿ ಬಾಂದವಾನಿ ಕಾರ್ಯಗಾರಾಂತು ಉಮೇದಾನಿ ವಾಂಟೊ ಘೆತ್ಲೆ.
ಸಮಾರೋಪ ಸಮಾರಂಭಾಂತು ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.) ಕೇಂದ್ರೀಯ ಅಧ್ಯಕ್ಷ ಶ್ರೀ ಸಂತೋಷ್ ಡಿಸೋಜ ಮುಖೇಲ ಸೊಯರೆ ಜಾವನು ಆಯಲೀಲೆ
ಅಕಾಡೆಮಿ ಸದಸ್ಯ ಶ್ರೀ ರೊನಾಲ್ಡ್ ಕ್ರಾಸ್ತಾ ತಶೀಚಿ ಕಥೊಲಿಕ್ ಸಭಾ ಸುರತ್ಕಲ್ ಘಟಕಾಚೆ ಅಧ್ಯಕ್ಷ ಶ್ರೀ ಓಲ್ವಿನ್ ಡಿಸೋಜ ವೇದಿಕೆರಿ ಉಪಸ್ಥಿತ ವ್ಹರಲೀಲೆ. ಕಾರ್ಯಾಗಾರಾಂತು ತರಬೇತು ಘೆತ್ತಿಲ್ಯಾಂಕ ಶ್ರೀ ಸಂತೋಷ್ ಡಿಸೋಜಾನಿ ಪ್ರಮಾಣಪತ್ರ ವಾಂಟಿಲೆ.