ತಾ. 25-09-2025 ಮಂಗಳೂರು :- ವಿಶ್ವ ಕೊಂಕಣಿ ಕೇಂದ್ರಾಚೆ ಸಹಗೋಗಾನ ‘ವರ್ಧನಿ’ ಪ್ರಾಯೋಜಕತ್ವಾರಿ ಆನಿ ಸಾಧನಾ ಬಳಗ ಸಹಕಾರಾನ ಆಯೋಜನ ಕೆಲೆಲೆ “ನೀನಾದ” 3 ದಿವಸಾಚೆ ಮುಫತ ಜಾವನ ಆಸುಚೆ ಭುರ್ಗ್ಯಾಂಗೆಲೊ ತರಬೇತ ಶಿಬಿರ, ಶಕ್ತಿನಗರ ರಮಾಶಕ್ತಿ ಮಿಶನ್ ಮುಖೇಲ ಶ್ರೀ ಆನಂದರಾಯ ಕಾಮತ ಹಾನ್ನಿ ದಿವೊ ಲಾವನ ಉಗ್ತಾವಣ ಕೆಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ ಎ ನಂದಗೋಪಾಲ ಶೆಣೈ ಹಾನಿ ಆಯಿಲೆ ಸೊಯರೆಂಕ ಸ್ವಾಗತ ಕರನು ಸಂಗೀತ, ನೃತ್ಯ ಭಾವಗೀತಾ, ಭಕ್ತಿಗೀತಾ ಆನಿ ವೆವೆಗಳೆ ಕೌಶಲ್ಯ ಕಲೆಚಾ ಅಭ್ಯಾಸ ಕರಚೆ ಪರೋಕ್ಷ ಜಾವನು ಭುರ್ಗ್ಯಾಂಗೆಲೊ ವ್ಯಕ್ತಿತ್ವ ಆನಿ ವಾಡಾವಳೀಕ ಸಹಕಾರ ಜಾತ್ತಾ. ಹಾಜೆ ಬದ್ದಲ ಲ್ಹಾನ ಪ್ರಾಯೆರೀಚಿ ತಾಂಕಾ ತರಬೇತ ದಿವಚೆ ಅಗತ್ಯ ಆಸಾ ಅಶಿಂ ಅಭಿಪ್ರಾಯ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ರಮೇಶ್ ಡಿ ನಾಯಕ್, ಕಾರ್ಯದರ್ಶಿ ಡಾ. ಕಸ್ತೂರಿ ಮೋಹನ್ ಪೈ, ಖಜಾಂಚಿ ಬಿ ಆರ್ ಭಟ್, ಉಷಾ ಮೋಹನ ಪೈ, ಸುಚಿತ್ರಾ ನಾಯಕ್, ಪ್ರಭಾ ಭಟ್, ಸುಚಿತ್ರಾ ಎಸ್ ಶೆಣೈ, ಕುಡಾಲ ದೇಶಸ್ಥ ಆದ್ಯಗೌಡ ಬ್ರಾಹ್ಮಣ ಸಂಘಾಚೆ ಪದಾಧಿಕಾರಿ, ಸಾಧನಾ ಬಳಗ ಆನಿ ವಿದ್ಯಾಕಲ್ಪಕ ಸಂಸ್ಥೆಚೆ ಸ್ವಯಂ ಸೇವಕಯ್ ಉಪಸ್ಥಿತ ಆಶಿಲಿಂಚಿ.
ಹೆಂ ವಿಶೇಷ ಶಿಬಿರಾಂತ ಭಾಗಿ ಜಾಲೆಲೆ ಸುಮಾರ 60 ಭುರ್ಗ್ಯಾಂನಿ ಜೆವಣ, ಖಾಣ ಆನಿ ರಾವಪಾಚೆ ಸುವಿಧಾ ಸಾಂಗಾತಾಕ ಸಂಗೀತ, ಭಾವಗೀತಾ, ಭಕ್ತಿಗೀತಾ, ನೃತ್ಯ, ಕೋಲಾಟ ಅಶಿಂ ವೆವೆಗಳೆ ಕಲಾಚೆ ತರಬೇತ ಘೆತಲೆಂ. ಸಾಧನಾ ಬಳಾಗಾಚೆ ಮುಖೇಲ ಪ್ರಕಾಶ್ ಶೆಣೈ ಹಾನಿ ಶಿಬಿರಾಚೆ ಸಂಕ್ಷಿಪ್ತ ವಿವರಣ ದಿಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಆಡಳಿತ ಉಸ್ತುವಾರಿ ಡಾ. ಬಿ ದೇವದಾಸ ಪೈ ಹಾನಿ ಧನ್ಯವಾದ ಸಮರ್ಪಣ ಕೆಲೆಂ. ವಿದ್ವಾನ ಯೋಗೀಶ್ ಕಿಣಿ, ನಾಗೇಶ್ ಪ್ರಭು, ವಿದುಷಿ ವೃಂದಾ ನಾಯಕ್, ಭಾವನಾ ಪ್ರಭು, ಕುಡ್ಪಿ ವಿದ್ಯಾ ಶೆಣೈ ಹಾನಿ ವೆವೆಗಳೆ ಕೌಶಲ್ಯ ಚಟುವಟಿಕಾ ಬದ್ದಲ ತರಬೇತ ದಿಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಲಕ್ಷ್ಮೀ ಕಿಣಿ ಹಾನಿ ಕೊಂಕಣಿ ಅಭಿಮಾನ ಗೀತ ಗಾಯನ ಕೆಲೆಂ ಆನಿ ಕಾರ್ಯಕ್ರಮ ನಿರೂಪಣ ಕೆಲೆಂ.