ವಿಶ್ವ ಕೊಂಕಣಿ ಕೇಂದ್ರ ಶಕ್ತಿನಗರ ಹಾಂಗಾ 18-04-2025 ತಾರ್ಕೆರ ರಂಗ ತರಬೇತಿ ಶಿಬಿರ ಉಗ್ತಾವಣ ಜಾಲೆಂ. ರಂಗಕಲೆಚಾ ಅಭ್ಯಾಸ ಪರೋಕ್ಷ ಜಾವನು ಚೆರ್ಡುಂವಾಲೆ ಪಳವಣಿಗಾಕ ಸಹಾಯು ಜಾವಚೆ ನಿಮಿತ್ತ ಹೆಂ ವಿಷಯಾರ ಭುರ್ಗ್ಯಾಂಕ ತರಬೇತ ದಿವಚೆ ಶಾಲಾ ದೀರ್ಘಾವಧಿ ರಜೆಚಾ ಉತ್ತಮ ಜಾವನು ವಾಪರಚೆ ಖರೆಂ ಜಾವನು ಆಸಾ, ಅಶಿಂ ಸಿ ಎ ನಂದಗೋಪಾಲ ಶೆಣೈ ಹಾನಿ ಅಭಿಪ್ರಾಯ ದಿಲೆಂ. 5 ವರಸಾಚೆ ಪ್ರತಿಭಾವಂತ ಚಲ್ಲೊ ಬಂಟ್ವಾಳ್ ಚೊ ಮಾಸ್ಟರ್ ಅಂಕುಶ್, ಹಾನಿ ನಿರರ್ಗಳ ಶ್ಲೋಕಪಠಣ ಸಾಂಗುನು ದಿವೊ ಲಾವನು ಶಿಬಿರಾಚೆ ಉಗ್ತಾವಣ ಕೆಲೆಂ. ನಂತರ ಸಂದೇಶ ದಿಲೆಲೆ ಅಧ್ಯಕ್ಷ ಶ್ರೀ ಸಿ ಎ ನಂದಗೋಪಾಲ ಶೆಣೈ ಹಾನಿ ವಿಶ್ವ ಕೊಂಕಣಿ ಕೇಂದ್ರಾಂತ ನಾಟಕ ಕ್ಷೇತ್ರಾಕ ಸಂಬಂಧಿಸುನು ಮುಖಾರಿ ಆನಿಕಯ ಚಡ ಕಾರ್ಯಕ್ರಮ ಮಾಂಡುನ ಹಾಡತಾತಿ ಅಶಿಂ ಸಾಂಗಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ರಮೇಶ್ ನಾಯಕ್, ಕಾರ್ಯದರ್ಶಿ ಡಾ. ಮೋಹನ್ ಪೈ, ಖಜಾಂಚಿ ಬಿ ಆರ್ ಭಟ್, ಉಷಾ ಎನ್ ಶೆಣೈ, ಆದ್ಯಾ ಭಟ್, ಉಷಾ ಎಮ್ ಪೈ, ಸುಚಿತ್ರಾ ನಾಯಕ್, ಸಿಎಒ ಡಾ ಬಿ ದೇವದಾಸ ಪೈ ಆನಿ ಹೆರ ಮಾನೆಸ್ತ ಲೋಕ ಉಪಸ್ಥಿತ ಆಶಿಲಿಂಚಿ. ಕಾರ್ಯಾಗಾರಾಚೆ ಮುಖೇಲ ತರಬೇತುದಾರ ಪ್ರಕಾಶ್ ಶೆಣೈ ಹಾನಿ ಶಿಬಿರ ಬದ್ದಲ ಸಂಕ್ಷಿಪ್ತ ವಿವರಣ್ ದಿಲೆಂ. ಜಗನ್ ಪವಾರ್, ಹಾನಿ ಪೂರಾಯ್ ಜನ ವೆವೆಗಳೆ ಚಟುವಟಿಕಾ ಬದ್ದಲ ತರಬೇತದಾರ್‍ ಜಾವನು ಅಶಿಲಿಂಚಿ.
ಅಸಲೆ ಏಕ ವಿಶೇಷ ಶಿಬಿರಾಂತ ಸುಮಾರು 60 ಶಾಲಾ ಭುರ್ಗ್ಯಾಂಕ ಮುಫತ್ ಜೆವಣ- ಖಾಣ, ರಾವಪಾಚೆ ಸೌಲಭ್ಯ ಸಾಂಗಾತಾಕ ರಂಗ ಚಟುವಟಿಕಾ, ಮೇಕಪ್, ರಂಗ ನೃತ್ಯ, ಸಂಗೀತ, ಕೋಲಾಟ, ಹೆಂ ಸರ್ವ ತರಬೇತ ಘೆತ್ತಾತಿ. 3 ದಿವಸಾಚೆ ಸನಿವಾಸಿ ರಂಗತರಬೇತಿ ಕಾರ್ಯಾಗಾರಾಕ ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ‘ವರ್ಧನಿ’ ಸಂಸ್ಥೂ ಸಹಭಾಗಿ ಜಾವನ್ ಪ್ರಾಯೋಜಕತ್ವ ದಿತಾತಿ.
ವಿಶ್ವಕೊಂಕಣಿ ಕೇಂದ್ರಾಂತ ಚೆರ್ಡುಂವಾಂಗೆಲೆ ರಂಗ ತರಬೇತಿ ಶಿಬಿರ ಸಮಾರೋಪ ಸುವಾಳೊ
ವಿಶ್ವ ಕೊಂಕಣಿ ಕೇಂದ್ರ ವತೀನ ಸಾಧನಾ ಬಳಗ ಆನಿ ವರ್ಧನಿ ಸಂಸ್ಥೆ ಸಂಯೋಗಾನ ಕೊಂಕಣಿ ಚೆರ್ಡುವಾಂಕ ಮಾಂಡುನ ಹಾಳೆಲೆ 3 ದಿವಸಾಚೆ ಉಚಿತ ಸನಿವಾಸಿ ರಂಗತರಬೇತಿ ಕಾರ್ಯಾಗಾರದ ಸಮಾರೋಪ ಸುವಾಳೊ 20-04-2025 ತಾರ್ಕೆರ ಚಲ್ಲೆಂ.
ಅಧ್ಯಕ್ಷಪಣ ಘೆತ್ತಿಲೆ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿಎ ನಂದಗೋಪಾಲ ಶೆಣೈ ಹಾನ್ನಿ ವಿದ್ಯಾರ್ಥಿಂಕ ದಿವಚೆ ಕಲಾ- ಸಂಸ್ಕೃತಿ ತರಬೇತ ನಿರಂತರ ಜಾವನು ಚಲಚೆ ಅಗತ್ಯ ಆಸಾ. ತಶೀಂಚಿ ಹಾಜೆ ರಾಕವಣ್ ಜಾವಕಾ ಹಾಜೆ ನಿಮಿತ್ತ ವಾಡಚೆ ಚೆರ್ಡುಂವಾಂಕ ಕಲಾಭಿಮಾನ ಚಡತಾ ಮಾತೃ ಭಾಷಾಭಿಮಾನಯ್ ವಾಡತಾ ಅಶಿಂ ಸಾಂಗಲೆಂ.
ಹ್ಯಾ ಸಂಧರ್ಭಾಂತ ಕೆನರಾ ಸಂಸ್ಥೆ ಮ್ಯೂಸಿಯಂ ವ್ಯವಸ್ಥಾಪಕ ಪಯ್ಯನೂರು ರಮೇಶ ಪೈ ಹಾನ್ನಿ ಇತಿಹಾಸ ಪ್ರಸಿದ್ಧ ಜಾಲೆಲೆ ಹೊರ್ತುಸ್ ಇಂಡಿಕಸ್ ಮಲಬಾರಿಕಸ್ ಚೆ ರಂಗಭಟ್ಟ, ವಿನಾಯಕ ಪಂಡಿತ್, ಅಪ್ಪು ಭಟ್, ಹೆಂ ತೆಗ ಜಣ ಕೊಂಕಣಿ ಮನಶಾಂನಿ ಆಯುರ್ವೇದಾಚೆ ಗಿಡಮೂಲಿಕಾ ದಾಖಲ ಕೆಲೆಲೆ ಬದ್ದಲ ವಿವರಣ ದಿಲೆಂ. ಹ್ಯಾ ಬದ್ದಲ 350 ವರಸ ಪೊರನೆ ಕೊಂಕಣಿ ಭಾಷೆಂತ ಬರಯಿಲೆ ಪ್ರಮಾಣ ಪತ್ರಾಚೆ ಫಲಕ ವಿಶ್ವ ಕೊಂಕಣಿ ವಸ್ತು ಸಂಗ್ರಹಾಲಯಾಕ ದಿಲೆಂ.
ತರಬೇತಿ ಸಂಚಾಲಕ, ಸಾಧನಾ ಬಳಗ ಮುಖೇಲ ಪ್ರಕಾಶ ಶೆಣೈ, ಜಗನ್ ಪವಾರ, ಅರುಣ್ ಪ್ರಕಾಶ ನಾಯಕ್, ಭಾವನಾ ವಿ ಪ್ರಭು, ವೃಂದಾ ನಾಯಕ, ಎಮ್ ನಾಗೇಶ ಪ್ರಭು ಸುಚಿತ್ರಾ ಎಸ್ ಶೆಣೈ ಸಂಪನ್ಮೂಲ ವ್ಯಕ್ತಿಂನಿ ಚೆರಡುವಾಂಕ ರಂಗಚಟುವಟಿಕಾ, ಸಂಗೀತ ಒಟ್ಟೂಚಿ ನಾಟಕ ದೃಶ್ಯ ಬಾಂದುಚೆ, ಪಾತ್ರ ಪೋಷಣಾ ಕ್ರಮ, ರಂಗ ಅಭ್ಯಾಸ, ಆನಿ ಸಂಗೀತ, ನೃತ್ಯ ಶಿಕಚೆ, ದೃಶ್ಯ ಸಂಭಾಷಣ, ಹಾವ ಭಾವ ಅಭ್ಯಾಸ, ಪಾತ್ರ ಹೊಂದಾಣಿಕ ಅಭ್ಯಾಸ, ಸ್ವರಾಭ್ಯಾಸ, ಕೋಲಾಟ, ಭಜನ, ವ್ಯಾಯಾಮ, ಧ್ಯಾನ ಅಸಲೆ ಮಸ್ತ ವಿಷಯಾರ ತರಬೇತ ದಿಲೆಂ. ತರಬೇತುದಾರಾಂನಿ ಆನಿ ಶಿಬಿರಾರ್ಥಿಂನಿ ತಾಂಗೆಲೆ ಅನುಭವ ವಾಂಟುನು ಘೆತಲೆಂ. ಆನಿ ಚೆರ್ಡುಂವಾಂಗೆಲೆ ವೆವೆಗಳೆ ರಂಗ ಚಟುವಟಿಕಾಚೆ ಪ್ರದರ್ಶನ ಚಲ್ಲೆಂ.
ಹ್ಯಾ ಸಮಾರಂಭಾಂತ ಮುಖೇಲ ಸೊಯರೆ ಜಾವನು ನಾಮನೆಚೆ ರಂಗ ನಾಟಕ ಕಲಾವಿದ ಎಚ್ ಸತೀಶ್ ನಾಯಕ ಹಾನಿ ಭಾಗಿ ಜಾವನು ಅಸಲೆ ಸುಸಜ್ಜಿತ ಜಾಲೆಲೆ ಸನಿವಾಸಿ ನಾಟಕ ತರಬೇತಿ ಕಾರ್ಯಾಗಾರ ಮಾಂಡುನ ಹಾಳೆಲೆ ವಿಶ್ವ ಕೊಂಕಣಿ ಕೇಂದ್ರಕ ಶ್ಲಾಘನ ಕೆಲೆಂ. ಆನಿ ಸಂಪನ್ಮೂಲ ವ್ಯಕ್ತಿಂಕ ಯಾದಸ್ತಿಕಾ ದೀವನು ಮಾನ ಕೆಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ಡಿ ರಮೇಶ್ ನಾಯಕ್, ಕಾರ್ಯದರ್ಶಿ ಡಾ. ಮೋಹನ್ ಪೈ, ಸಿಎಒ ಡಾ ಬಿ ದೇವದಾಸ ಪೈ ಉಪಸ್ಥಿತ ಆಶಿಲಿಂಚಿ. ಕಾರ್ಯಕ್ರಮಾಚೆ ಆಖೇರೀಕ್ ಚೆರ್ಡುಂವಾಂಕ ಪ್ರಮಾಣ ಪತ್ರ ಆನಿ ಪುಸ್ತಕ ವಿತರಣ ಕೆಲ್ಲೆಂ.
विश्वकोंकणी केंद्रांत चेर्डुंवांगेले रंग तरबेती शिबीर
उग्तावण सुवाळो
विश्व कोंकणी केंद्र शक्तिनगर हांगा १८-०४-२०२५ तार्केर रंग तरबेती शिबीर उग्तावण जालें. रंगकलेचा अभ्यास परोक्ष जावनू चेर्डुंवाले पळवणिगाक सहायू जावचे निमित्त हें विषयार भुर्ग्यांक तरबेत दिवचे शाला दीर्घावधी रजेचा उत्तम जावनू वापरचे खरें जावनू आसा, अशीं सी ए नंदगोपाल शेणै हानी अभिपराय दिलें. ५ वरसाचे प्रतिभावंत चल्लो बंटवाळ चो मासटर अंकूश, हानी निरर्गळ श्लोकपठण सांगुनू दिवो लावनू शिबिराचे उग्तावण केलें. नंतर संदेश दिलेले अध्यक्ष श्री सी ए नंदगोपाल शेणै हानी विश्व कोंकणी केंद्रांत नाटक क्षेत्राक संबंधिसुनू मुखारी आनिकय चड काऱ्यक्रम मांडून हाडताती अशीं सांगलें.
विश्व कोंकणी केंद्राचे उपाध्यक्ष रमेश नायक, काऱ्यदर्शी डा. मोहन पै, खजांची बी आर भट, उषा एन शेणै, आद्या भट, उषा एम पै, सुचित्रा नायक, सिएओ डा बी देवदास पै आनी हेर मानेसत लोक उपस्थीत आशिलिंची. काऱ्यागाराचे मुखेल तरबेतुदार प्रकाश शेणै हानी शिबीर बद्दल संक्षिप्त विवरण दिलें. जगन पवार, हानी पूराय जन वेवेगळे चटुवटिका बद्दल तरबेतदार जावनू अशिलिंची.
असले एक विशेष शिबिरांत सुमारू ६० शाला भुर्ग्यांक मुफत जेवण- खाण, रावपाचे सौलभ्य सांगाताक रंग चटुवटिका, मेकप, रंग नृत्य, संगीत, कोलाट, हें सर्व तरबेत घेत्ताती. ३ दिवसाचे सनिवासी रंगतरबेती काऱ्यागाराक विश्व कोंकणी केंद्र सांगाताक ‘वर्धनी’ संस्थू सहभागी जावन प्रायोजकत्व दिताती.
विश्वकोंकणी केंद्रांत चेर्डुंवांगेले रंग तरबेती शिबीर
समारोप सुवाळो
विश्व कोंकणी केंद्र वतीन साधना बळग आनी वर्धनी संस्थे संयोगान कोंकणी चेर्डुवांक मांडून हाळेले ३ दिवसाचे उचीत सनिवासी रंगतरबेती काऱ्यागारद समारोप सुवाळो २०-०४-२०२५ तार्केर चल्लें.
अध्यक्षपण घेत्तिले विश्व कोंकणी केंद्राचे अध्यक्ष सिए नंदगोपाल शेणै हान्नी विद्यार्थिंक दिवचे कला- संसकृती तरबेत निरंतर जावनू चलचे अगत्य आसा. तशींची हाजे राकवण जावका हाजे निमित्त वाडचे चेर्डुंवांक कलाभिमान चडता मातृ भाषाभिमानय वाडता अशीं सांगलें.
ह्या संधर्भांत केनरा संस्थे म्यूसियं व्यवस्थापक पय्यनूरू रमेश पै हान्नी इतिहास प्रसिद्ध जालेले होर्तूस इंडिकस मलबारिकस चे रंगभट्ट, विनायक पंडीत, अप्पू भट, हें तेग जण कोंकणी मनशांनी आयुर्वेदाचे गिडमूलिका दाखल केलेले बद्दल विवरण दिलें. ह्या बद्दल ३५० वरस पोरने कोंकणी भाषेंत बरयिले प्रमाण पत्राचे फलक विश्व कोंकणी वसतू संग्रहालयाक दिलें.
तरबेती संचालक, साधना बळग मुखेल प्रकाश शेणै, जगन पवार, अरूण प्रकाश नायक, भावना वी प्रभू, वृंदा नायक, एम नागेश प्रभू सुचित्रा एस शेणै संपन्मूल व्यक्तिंनी चेरडुवांक रंगचटुवटिका, संगीत ओट्टूची नाटक दृश्य बांदुचे, पात्र पोषणा क्रम, रंग अभ्यास, आनी संगीत, नृत्य शिकचे, दृश्य संभाषण, हाव भाव अभ्यास, पात्र होंदाणीक अभ्यास, स्वराभ्यास, कोलाट, भजन, व्यायाम, ध्यान असले मसत विषयार तरबेत दिलें. तरबेतुदारांनी आनी शिबिरार्थिंनी तांगेले अनुभव वांटुनू घेतलें. आनी चेर्डुंवांगेले वेवेगळे रंग चटुवटिकाचे प्रदर्शन चल्लें.
ह्या समारंभांत मुखेल सोयरे जावनू नामनेचे रंग नाटक कलावीद एच सतीश नायक हानी भागी जावनू असले सुसज्जीत जालेले सनिवासी नाटक तरबेती काऱ्यागार मांडून हाळेले विश्व कोंकणी केंद्रक श्लाघन केलें. आनी संपन्मूल व्यक्तिंक यादसतिका दीवनू मान केलें.
विश्व कोंकणी केंद्राचे उपाध्यक्ष डी रमेश नायक, काऱ्यदर्शी डा. मोहन पै, सिएओ डा बी देवदास पै उपस्थीत आशिलिंची. काऱ्यक्रमाचे आखेरीक चेर्डुंवांक प्रमाण पत्र आनी पुसतक वितरण केल्लें.
