ಜಿ. ಎಸ್. ಬಿ. ಸಮಾಜ ಹಿತರಕ್ಷಣಾ ವೇದಿಕೆ (ರಿ.), ಉಡುಪಿ ಹಾಂಗೆಲೆಂ ಮಹತ್ವಾಕಾಂಕ್ಷಿ ಯೋಜನಾ `ವಯೋವಂದನ ಆತಿಥ್ಯ ಗೃಹ ನಿರ್ಮಾಣ ಯೋಜನಾ ಹಾಕ್ಕಾ ತಲ್ಕಟ್ ಪೂಜಾ ಆನಿ ಶಿಲಾನ್ಯಾಸ ಮುಖಾಂತರ ಬಾಂದಕಾಮ ಶುಭ ಮುಹೂರ್ತಾರಿ ಆರಂಭ ಜಾಲ್ಲೆ. ತ್ಯಾ ಮುಖಾಂತರ ಆತಿಥ್ಯ ಗ್ರಹಾಚೆ ತೀನಿ ಮಾಳಿಯೇಚೆ ಭವ್ಯ ಇಮಾರತ್ತ ಬಾಂಚೆ ಮಹಾ ಕಾರ್ಯಾಕ ದೇವಾಲೆ ಆನಿ ಶ್ರೀ ಗುರೂಂಗೆಲೆ ದಿವ್ಯ ಕೃಪಾಶೀರ್ವಾದಾನಿ ಶ್ರೀಕಾರ ಘಾಲೀಲೆ ಆಸ್ಸಾ. ಹೇ ಇಮಾರತ್ತಾಚೆ ಬಾಂದಕಾಮ ಪೂರ್ಣ ಜಾಲ್ಲ ನಂತರ ದುರ್ಬಲ ಆನಿ ಚರಡುಂವ ನಾತ್ತಿಲೆ ಶಂಬರ ಭಽರಿ ಮ್ಹಾಂತಾರ್ಯಾಂಕ ಏಕ ಗೌರವಾಚೆ ಜೀವನ ಮೆಳಯಕಾ ಮ್ಹಣ್ಚೆ ಇಚ್ಛಾ ಜಿ. ಎಸ್. ಬಿ. ಸಮಾಜಿ ಹಿತರಕ್ಷಣಾ ವೇದಿಕೆ (ರಿ.) ಹಾಜ್ಜೆ ಸಕ್ಕಡ ಪದಾಧಿಕಾರಿಂಕ ಆಸ್ಸಾ.
ಹಾನ್ನಿ ಪ್ರತಿ ವರ್ಷ ಸಮಾಜ ಬಾಂದವಾಲೊ ಚರಡುವಾಂಕ ದಿವಚೆ ಕೋಟಿಗಟ್ಲೆ ರೂಪ್ಪಯಿ ವಿದ್ಯಾರ್ಥಿ ವೇತನ, ಕುಟುಂಬ ಚೈತನ್ಯ ನಿಧಿ, ಸ್ವಂತ ಘರ ನಿರ್ಮಾಣ ಕೊರನು ದಿಲೀಲೆ, ಕೌಟುಂಬಿಕ ಆರೋಗ್ಯ ವಿಮಾ ಯೋಜನಾ, ಆರೋಗ್ಯ ಚೈತನ್ಯ ನಿಧಿ, ಶೌಚಾಲಯ ನಿರ್ಮಾಣ ಆದಿ ಸಬಾರ ಯೋಜನಾಂಚಿ ಹಾಕ್ಕಾ ಸಾಕ್ಷಿ ಮ್ಹಣಯೇತ.
ಆತ್ತ ವಯೋವಂದನ ಆತಿಥ್ಯ ಗೃಹ ನಿರ್ಮಾಣ ಯೋಜನಾ ಮ್ಹಣ್ಚೆ ಎದ್ದೋಡ ಯೋಜನಾ ಹಾತ್ತಾಕ ಘೆತ್ಲೆ ನಂತರ ವೆಗಳೆ ವೆಗಳೆ ಗಾಂವಾಂಚೆ ದಾನಿಂಕ, ಮುಖೇಲಾಂಕ ಮೆಳೋನು ವಿಚಾರ ವಿನಿಮಯ ಕೊರಚೆ “ಸಮಾಲೋಚನಾ ಸಭೆ ವೆಗವೆಗಳೆ ಗಾಂವಾಂತು ಆಯೋಜನ ಕೊರಚಾಕ ಠರಯಿಲೆ ಆಸ್ಸುನು ಪ್ರಥಮ ಸಭಾ ಶ್ರೀ ಕುಡ್ತೇರಿ ಮಹಾಮ್ಮಾಯ ದೇವಳಾಚೆ ಸಭಾಭವನ, ಮಂಗಳೂರು ಹಾಂಗಾ ಶನಿವಾರ, ಮಾರ್ಚ್ ೨೮, ೨೦೨೬ ದಿವಸು ಸಾಂಜವಾಳಾ ೪-೦೦ ಘಂಟ್ಯಾಕ ಚಲ್ತಲೆ.
ಸಮಾರಂಭಾಚೆ ಅಧ್ಯಕ್ಷಪಣ ಶ್ರೀ ಕುಡ್ತೇರಿ ಮಹಾಮ್ನಾಯ ದೇವಳ, ಮಂಗಳೂರು ಹಾಜ್ಜೆ ಪ್ರಧಾನ ಅರ್ಚಕ ವೇದಮೂರ್ತಿ ಶ್ರೀ ಎಂ. ವಿಠಲ ಭಟ್ ತಾನ್ನಿ ಘೆತಲೇರಿ, ಮುಖೇಲ ಸೊಯರೆ ಜಾವ್ನು ಅನಂತ ವೈದಿಕ ಕೇಂದ್ರ, ಉಡುಪಿ ಹಾಜ್ಜೆ ವೇದಮೂರ್ತಿ ಶ್ರೀ ಚೇಂಪಿ ರಾಮಚಂದ್ರ ಅನಂತ ಭಟ್ ಹಾಂಗೆಲೆ ಸಹಿತ
ಶ್ರೀ ಸಿಎ ಎಸ್ ಎಸ್ ನಾಯಕ್, ಅಧ್ಯಕ್ಷ, ವಿದ್ಯಾ ಪೋಷಕ ವಿದ್ಯಾರ್ಥಿ ವೇತನ ನಿಧಿ, ಮಂಗಳೂರು. ಶ್ರೀ ಸುಬ್ರಹ್ಮಣ್ಯ ಪ್ರಭು, ಸಹ ಸಂಯೋಜಕ, ವಿದ್ಯಾ ಪೋಷಕ ವಿದ್ಯಾರ್ಥಿ ವೇತನ ನಿಧಿ, ಮಂಗಳೂರು. ಶ್ರೀ ಕೆ. ಗಣೇಶ್ ಕಾಮತ್, ಮೊಕ್ತೇಸರ, ಶ್ರೀ ವೆಂಕಟರಮಣ ದೇವಸ್ಥಾನ, ಮಂಗಳೂರು.
ಶ್ರೀ ಸಿಎ ಗೋಪಾಲಕೃಷ್ಣ ಭಟ್, ಸಂಸ್ಥಾಪಕ, ತ್ರಿಶಾ ವಿದ್ಯಾ ಸಮೂಹ ಸಂಸ್ಥೋ, ಕಟಪಾಡಿ ಉಡುಪಿ. ಶ್ರೀ ರಘುನಾಥ ಪ್ರಭು ವಲಯ ಸಂಯೋಜಕ, ವಯೋವಂದನ ಆತಿಥ್ಯಗೃಹ ನಿರ್ಮಾಣ ಯೋಜನಾ, ಮಂಗಳೂರು ಹಾನ್ನಿ ಸಕ್ಕಡ ಗಣಮಾನ್ಯ ಉಪಸ್ಥಿತ ವ್ಹರತಾಲೆಂ.
ಹೇ ವೇಳ್ಯಾರಿ ಜಿ. ಎಸ್. ಬಿ. ಸಮಾಜ ಹಿತರಕ್ಷಣಾ ವೇದಿಕೆ (ರಿ.). ಉಡುಪಿ ಹಾಜ್ಜೆ ಸಂಚಾಲಕ ಆರ್. ವಿವೇಕಾನಂದ ಶೆಣೈ, ಅಧ್ಯಕ್ಷ ಶ್ರೀ ಜಿ. ಸತೀಶ ಹೆಗ್ಡೆ, ಕೋಟಾ, ಪ್ರಧಾನ ಕಾರ್ಯದರ್ಶಿ ಶ್ರೀ ಸಾಣೂರು ನರಸಿಂಹ ಕಾಮತ್ ಸಹಿತ ಇತರ ಪದಾಧಿಕಾರಿ ಲೋಕ ವರೇನ ವ್ಹರತಾತಿ. ಆಪೇಕ್ಷಾ ಉರಲೀಲ್ಯಾನಿ ಹಾಂತು ವಾಂಟೊ ಘೇವ್ನು ಯೋಜನಾ ಯಶಸ್ವಿ ಜಾವಚಾಕ ಹಾತು ಮೆಳೋವೇತ.