ಛೋಟಾ ಮುಂಬೈ ಮ್ಹೊಣು ಆಪೋನು ಘೆವಚೆ ಹುಬ್ಳಿಂತು ಶ್ರೀ ಆರ್. ಎನ್. ನಾಯಕ್ ಆನಿ ತಾಂಗೆಲೆ ಚರಡುಂವಾನಿ ಉದ್ಯಮ ಅಭಿವೃದ್ಧಿ ಕೆಲೀಲೆ ಹರ್‍ಯೇಕ ಗೌಡ ಸಾರಸ್ವತ ಬ್ರಾಹ್ಮಣಾಂಕ ಅಭಿಮಾನಾಚೆ ವಿಷಯು. ಆರತಾ ತಾಂಗೆಲೆ ಜಾಲೀಲೆ ಪಿ‌ಆರ್‌ಎನ್ ಗ್ರೂಪ್ ಹಾಜ್ಜೆ ಪಿ‌ಆರ್‌ಎನ್ ಆಟೋಮೋಟಿನ್ಸ್ ಮಾರುತಿ ಸುಝುಕಿ ಅರೆನಾ ಶೋ ರೂಮ್ ತಶೀಚಿ ಸರ್ವಿಸ್ ಸೆಂಟರ್ ಹುಬ್ಬಳ್ಳಿ ಕೇಶ್ವಾಪುರ್‍ಚೆ ಕುಸುಗಲ್ ರಸ್ತೆಚೆ ಆಕ್ಸ್‌ಫರ್ಡ್ ಕಾಲೇಜ್ ಲಾಗ್ಗಿ ಲೋಕಾರ್ಪಣ ಕೊರನು ಹುಬ್ಳಿಚೆ ಲೋಕಾಂಕ ಆನಿ ಇತ್ಲೆ ಸೇವಾ ಪಾವಯಚಾಕ ಆರಂಭ ಕೆಲ್ಲೆ.
ಹೋಟೆಲ್ ಉದ್ಯಮ, ಕನ್‌ಸ್ಪಕ್ಷನ್, ಟೂ ಎಂಡ್ ಫೋರ್ ವೀಲರ್ ಆಟೋಮೋಬೈಲ್, ಸಾಫ್ಟ್‌ವೇರ್, ಜೆಸಿಬಿ, ಕನ್‌ಸ್ಟ್ರಕ್ಷನ್ ಇಕ್ಯೂಪಮೆಂಟ್ ಸಹಿತ ವೆಗಳೆ ಸಬಾರ ಉದ್ಯಮ ಆರಂಭ ಕೆಲೀಲೆ ಪಿ‌ಆರ್‌ಎನ್ ಗ್ರುಪ್ ತಾನ್ನಿ ಆತ್ತ ಮಾರುತಿ ಸುಝುಕಿ ವಾಹನಾಂಚೆ ಡೀಲರ್‌ಶಿಪ್ ಘೇವ್ನು ತಾಂಗೆಲೆ ಯಶಸ್ಸಾಚೆ ಕಿರೀಟಾಕ ಆನ್ನೇಕ ಗರಿ ಮೆಳೋನು ಘೆತ್ಲ್ಯಾ.
ಮ್ಹಾಲ್ಗಡೆ ಉದ್ಯಮಿ, ಹುಬ್ಬಳ್ಳಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಮಾಜಿ ಅಧ್ಯಕ್ಷ ಜಾಲೀಲೆ ಆರ್.ಎನ್. ನಾಯಕ ತಾನ್ನಿ ದ್ವೀಪ ಪ್ರಜ್ವಲನ ಕೊರನು ಕೇಶ್ವಾಪುರ್‍ಚೆ ಮಾರುತಿ ಸುಝುಕಿ ಅರೆನಾ ಶೋ ರೂಮ್ ಆನಿ ಸರ್ವಿಸ್ ಸೆಂಟರ್ ಹಾಜ್ಜೆ ಉದ್ಘಾಟನ ಕೆಲ್ಲಿ.
ಹೇ ವೇಳ್ಯಾರಿ ಉಲಯಿಲೆ ಪಿ‌ಆರ್‌ಎನ್ ಗ್ರುಪ್ ಮ್ಯಾನೇಜಿಂಗ್ ಡೈರೆಕ್ಟರ್ ಪ್ರಕಾಶ ನಾಯಕ್ ತಾನ್ನಿ ಶೋ ರೂಮ್ ಆರಂಭ ಜಾಲೀಲೆ ದಿವಸೂಚಿ ಮಾರುತಿ ಸುಝುಕಿಚೆ ೧೦೦ ಕಾರು ಬುಕ್ ಜಾಲ್ಲ್ಯಾ. ಹೇ ಹುಬ್ಳಿ ಲೋಕಾನಿ ಆಮಚೇರಿ ದವರೀಲೆ ವಿಶ್ವಾಸಾಚೆ ಪ್ರತೀಕ ಮ್ಹೊಣು ಸಾಂಗ್ಲೆ. ಮುಕಾರ್‍ಸುನುಲೋಕಾಂಕ ಚಾಂಗ ಸೇವಾ ದಿವಕಾ, ತೆದ್ನಾ ಆಮಚೇರಿ ಲೋಕಾಂಗೆಲೆ ಭರ್‍ವಸ ಚ್ಹಡ ಜಾತ್ತಾ, ಪಯ್ಲೆಚಾನ ತಸ್ಸಾಲೇಚಿ ಧ್ಯೇಯ ದವರೂನು ಘೇವ್ನು ಆಯಲೀಲೆ ಪಿ‌ಆರ್‌ಎನ್ ಸಂಸ್ಥೋ ಲೋಕಾಂಗೆಲೆ ವಿಶ್ವಾಸು ಜಿಕಚಾಂತು ಯಶ ಪಾವಲಾ ಮ್ಹೊಣು ತಾನ್ನಿ ಸಾಂಗ್ಲೆ.
ಸಂಸ್ಥೆಚೆ ನಿರ್ದೇಶಕಿ ಕಲ್ಪನಾ ನಾಯಕ್ ಉಲಯತಾ ಹರಯೇಕ ಮನುಷ್ಯಾಕ ಸ್ವಂತ ಘಽರ ಆನಿ ಕಾರ ಆಸ್ಸುಕಾ ಮ್ಹಣಚೆ ಇಚ್ಛಾ ಆಸತಾ. ಘರ್‍ಚೆ ವರಿ ಕಾರಾ ಖಾತೇರಿ ತಾನ್ನಿ ಕಾಳಜಿ ಘೆತ್ತಾತಿ. ಹುಬ್ಳಿ ಲೋಕಾಂಕ ಕಾರ ವಿಕ್ಚೆ ತಿತ್ಲೇಚಿ ಆಮ್ಗೆಲೆ ಕಾಮ ನ್ಹಂಹಿ, ಆಮಚೆ ಕಡೇನ ಕಾರ ಘೆತ್ತಿಲ್ಯಾಂಕ ಅತ್ಯುತ್ತಮ ಸರ್ವಿಸ್ ದಿವಚೇ ವರೇನ ಮುಖ್ಯ ಆಸ್ಸಾ. ತ್ಯಾ ಹಾಂಗಾ ಮೆಳ್ತಾ. ಮ್ಹಳ್ಳೆ. ಗ್ರಾಹಕು ಆಮಕಾ ದೇವು ಆಶ್ಶಿಲ ವರಿ, ಹರ್‍ಯೇಕ ತಾಂಕಾ ಪ್ರೀತಿ ಆನಿ ಗೌರವಾನಿ ಪಳಯಚೆ ಆಮ್ಗೆಲೆ ಕರ್ತವ್ಯ, ಗ್ರಾಹಕ ಬರಶಿ ತಸ್ಸಾಲೆ ಅನುಕರಣೀಯ ಸಂಬಂಧ ದವರೂನು ಘೆವಚಾಕ ಪ್ರಥಮ ಪ್ರಾಶಸ್ತ್ಯ ದಿತ್ತಾತಿ ಮ್ಹೊಣು ಪಿ‌ಆರ್‌ಎನ್ ಆಟೋಮೋಟಿವ್ ಎಂಡಿ ಕಾರ್ತಿಕ ಪಿ. ನಾಯಕ್ ತಾನ್ನಿ ಸಾಂಗಲೆ.
ಸಮಾಜ ಸೇವೆಂತು ಮಸ್ತ ವಾವರೋ ಕೆಲೀಲೆ ಧಾರವಾಡಾಚೆ ಆನಂದಾಶ್ರಮ ವೃದ್ಧಾಶ್ರಮಾಚೆ ಟ್ರಸ್ಟಿ ಸುರೇಶ ಕುಲಕರ್ಣಿ ತಶೀಚಿ ಅನಾಥ ಆನಿ ಗರೀಬ ಚೆಲ್ಲಿಯಾ ಚರಡುವಾಂಕ ಶಿಕ್ವಣ ದಿವನು, ತಾನ್ನಿ ಸ್ವಂತ ಪಾಯ್ಯಾರಿ ರಾಬಚಾಕ ಅನ್ಕೂಲತಾ ಕೊರನು ದಿಲೀಲೆ ಹುಬ್ಬಳ್ಳಿಚೆ ಸೇವಾ ಭಾರತಿ ಟ್ರಸ್ಟ್ ಹಾಜ್ಜೆ ರತ್ನಾ ಮಾತಾಜಿ ತಾಂಕಾ ಹೇಂಚಿ ಸಂದಭಾರಿ ಸನ್ಮಾನ ಕೆಲ್ಲಿ. ಆರ್. ಎನ್.ನಾಯಕ, ಪ್ರಕಾಶ ನಾಯಕ್, ಕಲ್ಪನಾ ನಾಯಕ್, ಕಾರ್ತಿಕ ನಾಯಕ್, ಸುಷ್ಠಿತಾ ನಾಯಕ್ ಪಿ‌ಆರ್‌ಎನ್ ಮಾರುತಿ ಸುಝುಕಿ ಅರೆನಾ ಶೋ ರೂಮ್ ಹಾಂಗಾ ಸುರವೇ ದಿವಸು ಕಾರ್ ಬುಕ್ ಕೆಲೀಲೆ ಮೊದಲ ೧೦೦ ಲೋಕ ಗ್ರಾಹಕ, ವೆಗವೆಗಳೆ ಬ್ಯಾಂಕ್ ಆಫೀಸರ್‍ಸ್, ಇತರೇ ಲೋಕ ಉಪಸ್ಥಿತ ವ್ಹರಲೀಲೆ. ಹೇ ವೇಳ್ಯಾರಿ ಪಯ್ಲೆ ದಿವಸು ೧೦೦ ಕಾರ್ ಬುಕ್ಕಿಂಗ್ ಕೆಲೀಲೆ ಗ್ರಾಹಕಾಂಕ ವಿಶೇಷ ಉಡ್ಗಿರೆ ದಿಲೀಲೆ ಮಾತ್ರ ನ್ಹಂಹಿಸಿ ಆರಂಭೋತ್ಸವಾಚೆ ಸಂಭ್ರಮ ಖಾತೇರಿ ಸೆಪ್ಟೆಂಬರ್ ಮ್ಹಹಿನ್ಯಾಂತು ಕಾರ ಖರೀದಿ ಕೊರಚೆ ಗ್ರಾಹಕಾಂಕ ವಿನೂತನ ಉಡ್ಗಿರೆಚೆ ಘೋಷಣ ಹೇ ವೇಳ್ಯಾರಿ ಕೆಲ್ಲೆ. ಪಿ‌ಆರ್‌ನ್ ಗ್ರುಪ್ ಸಿ‌ಇ‌ಒ ಮಲ್ಲಿಕಾರ್ಜುನ ಬಾಗೇವಾಡಿ ತಾನ್ನಿ ಯೇವ್ಕಾರ ಕೆಲ್ಲಿ. ಸುಷ್ಮತಾ ನಾಯಕ್ ತಾನ್ನಿ ಆಬಾರ ಮಾನಲೆ.