ಆರತಾಂ ಹುಬ್ಬಳ್ಳಿ ದೈವಜ್ಞ ಮಹಿಳಾ ಮಂಡಳಿ ತರಪೇನ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣ ರೆಟ್ರೋ ಥೀಮ್ ಬರಶಿ ಆಚರಣ ಕೆಲ್ಲಿ. ಪ್ರಾರ್ಥನಾ ಬರಶಿ ಕಾರ್ಯಕ್ರಮ ಆರಂಭ ಜಾಲ್ಲೆ. ಮಾಗಿರಿ ಸಿರಿದಾನ್ಯ ತಾಕೂನು ಗೊಡಶೆ ಆನಿ ತಿಕ್ಶೆ ಖಾಣ ಕೊರಚೆ ಸ್ಪರ್ಧಾ ತಶೀಚಿ ಬಾಯ್ಲಮನ್ಶೆ ತಾಕೂನು ಸಾಂಸ್ಕೃತಿಕ ಕಾರ್ಯಕ್ರಮ ಚಲ್ಲೆ. ಶ್ರೀಮತಿ ಅರ್ಚನಾ ರೇವಣಕರ ಆನಿ ಹೋಮ್ಬೇಕರ ಪ್ರಶಸ್ತಿ ವಿಜೇತೆ ಶ್ರೀಮತಿ ಸಂಧ್ಯಾ ರಾಯ್ಕರ ಮುಖೇಲ ಸೊಯರೆ ಜಾವ್ನು ಆಯಲೀಲೆ.
ಸಬಾ ಕಾರ್ಯಕ್ರಮ ಉಪರಾಂತ ಮಹಿಳಾ ಮಂಡಳಿಚೆ ಸದಸ್ಯಾನಿಂ ವಿವಿಧ ವಿನೋದಾವಳಿ ಚಲೋನು ದಿಲ್ಲಿ. ತಾಂತು ವೀಣಾ ವಾದನ, ನಾಗವಲ್ಲಿ ಡಾನ್ಸ್, ರೆಟ್ರೋ ಡಾನ್ಸ್, ಜಾನಪದ(ಲೋಕವೇದ) ಪದ, ಖೇಳು ಆದಿ ಕಾರ್ಯಕ್ರಮ ಚಲ್ಲೆ. ಹೇ ಸಂದರ್ಭಾರಿ ಅಧ್ಯಕ್ಷೆ ಪ್ರೇಮಾ ಅಶೋಕ್ ಭಟ್, ಗೌರವ ಅಧ್ಯಕ್ಷೆ ಶೈಲಾ ಶೇಟ್, ಉಪಾಧ್ಯಕ್ಷೆ ರಶ್ಮಿ ಅಣ್ವೇಕರ್ ಆನಿ ಮಂಡಳಿಚೆ ನಿರ್ದೇಶಕ ಜಾಲೀಲೆ ಹರಿಣಿ ರೇವಣಕರ್, ಗೀತಾ , ಶೈಮಲಾ ಶೇಟ್, ಜಯಲಕ್ಷ್ಮಿ ರಾಯ್ಕರ್ , ಸುಮಂಗಲಾ , ರಿತು ಭಟ್, ಶಿವಾನಿ ಅಣ್ವೇಕರ್ ಉಪಸ್ಥಿತ ವ್ಹರಲೀಲೆ.
ಲಗ್ನಾ ನಂತರ ಆಪಣೇಲೆ ಶಿಕ್ಣ ಮುಖಾರ್ಸುನು, ಆಪಣೇಲೆ ಜೀವನಾಚೆ ಗುರಿಕ ವಚ್ಚುನು ಪಾವಚಾಕ ದೈವಜ್ಞ ಬ್ರಾಹ್ಮಣ ಸಮುದಾಯಾಚೆ ಚೆಲ್ಲಿಯೇಂಕ ಪ್ರೇರಣಾ ದಿವಚಾಕ ಹೇ ಕಾರ್ಯಕ್ರಮ ಆಯೋಜನ ಕೆಲ್ಲ್ಯಾ ಮ್ಹೊಣು ಶ್ರೀಮತಿ ಪ್ರೇಮಾ ಭಟ್ ತಾನ್ನಿ ಕಳಯಿಲೆ.