ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ ಆನಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಠಾನಾಚೆ ಸಂಯುಕ್ತಾಶ್ರಯಾರಿ ಹರ ವರಸಾ ಮ್ಹಣಕೆ ಅವುಂದು ವರೇನ ವೆಗವೆಗಳೆ ಕ್ಷೇತ್ರಾಂತು ಸಾಧನಾ ಕೆಲೀಲೆ ಮ್ಹಾಲ್ಗಡ್ಯಾಂಕ ಆನಿ ಯುವಕಾರಾಂಕ ತಶೀಚಿ ಸಾಧನಾಶೀಲಾಂಕ ಸರಸ್ವತಿ ಕನ್ನಡ ರತ್ನ ರಾಜ್ಯ ಪ್ರಶಸ್ತಿಕ ಅರ್ಜ್ಯೋ ಆಹ್ವಾನ ಕೆಲ್ಲ್ಯಾ ಮ್ಹೊಣು ಸಂಸ್ಥೆಚೆ ಸಂಸ್ಥಾಪP ಜಾಲೀಲೆ ಸಾಲಿಗ್ರಾಮ ಗಣೇಶ್ ಶೆಣೈನಿ ಕಳಯಿಲ್ಯಾ.
ಕಲಾ, ಸಾಹಿತ್ಯ, ಸಂಗೀತ, ಶಿಕ್ಷಣ, ರಂಗಭೂಮಿ, ಲೋಕವೇದ, ಸಮಾಜಸೇವಾ, ಸಾಂಸ್ಕೃತಿಕ ಚಟುವಟಿಕಾ ಆದಿ ಕ್ಷೇತ್ರಾಂತು ಅಪಾರ ಸಾಧನಾ ಕೆಲೀಲೆ ಸಾಧಕಾನಿ ೩೧-೦೩-೨೦೨೬ ಭಿತ್ತರಿ ಹೇ ಸಕ್ಕಲ ದಿಲೀಲೆ ಮೊಬೈಲ್ ನಂಬರಾಕ ಸಂಪರ್ಕ ಕೊರಯೇತ ಮ್ಹೊಣು ಕಲಾಕುಂಚಾಚೆ ಪ್ರಧಾನ ಕಾರ್ಯದರ್ಶಿ ಕೆ.ಸಿ. ಉಮೇಶ್ ತಾನ್ನಿ ಕಳಯಿಲ್ಯಾ.
ಪ್ರಶಸ್ತಿ ವೆಂಚಿಲೆ ಸಾಧಕಾಂಕ ವೈವಿಧ್ಯಮಯ ಸಮಾರಂಭಾಂತು ಪ್ರತ್ಯೇಕ ವೇದಿಕೆರಿ ಕಲಾಕುಂಚಾಚೆ ಸುವಾಸಿನಿ ಬಾಯ್ಲಮನಿಶೆ ಕನ್ನಡ ತೀಳೋ ದವರೂನು,, ಕನ್ನಡ ಕಂಕಣ ಬಾಂದೂನು, ಕನ್ನಡಾರತಿ ದಾಖೋನು, ಪುಷ್ಪ ವೃಷ್ಟಿ ಬರಶಿ ಗೌರವ ಕರತಾತಿ. ಮಾಗಿರಿ ತಾಂಗೆಲೇಚಿ ಪೋಟೋ ಆಸ್ಸುಚೆ ಸನ್ಮಾನ ಪತ್ರ ಪ್ರಿಂಟ್ ಕೊರನು, ಪ್ರೇಮ್ ಘಾಲ್ನು, ವೇದಿಕೆರಿ ಸಿಂಹಾಸನಾ ವಯ್ರಿ ಬಸಕರೋನು, ಕನ್ನಡ ಪೇಟಾ ಬರಶಿ ಮಾಳ, ಶಾಲ, ಕನ್ನಡ ತಾಯಿ ಭುವನೇಶ್ವರಿ ಸ್ಮರಣಿಕಾ, ಭಾಂಗ್ರಾ ಲೇಪನಾಚೆ ಪದಕ ಗಳ್ಯಾಕ ಘಾಲ್ನು ಗೌರವ ಕರತಾತಿ. ಚಡ್ತೆ ಮಾಹಿತಿಕ ೯೫೩೮೭೩೨೭೭೭ ಹೇ ಮೊಬೈಲಾಕ ಸಂಪರ್ಕ ಕೊರಯೇತ.