ಡಾರ್ಕ್ ಮ್ಯಾಟರ್ ಆನಿ ಡಾರ್ಕ್ ಏನರ್ಜಿ/ डार्क् म्याटर् आनि डार्क् एनर्जि

ಹೇ ಬ್ರಹ್ಮಾಂಡ ಮ್ಹಣ್ಚೆ ವಿಸ್ಮಯಾಚೆ ಆಗರ. ಆಮ್ಮಿ ಮನುಷ್ಯ ಸಾನ್ಸಾನ ವಿಷಯಾಕ ಲಡಾಯಿ ಕೊರನು ಘೆತಾತಿ, ಅಹಂ ಪಾವ್ತಾತಿ, ದ್ವೇಶ, ಕ್ರೋಧ ದಾಖಯತಾ ಶತ್ರುವರಿ ಘರ್ಷಣ ಕೊರನು ಘೆತ್ತಾ ವಾಂಚುನು ಜೀವನ ವ್ಯರ್ಥ ಕೊರನು ಘೆತಾತಿ. ಜಾಲಯಾರಿ ಹೇ ಬ್ರಹ್ಮಾಂಡಾ ಭಿತ್ತರಿ ಆಸ್ಸುಚೆ ವಿಸ್ಮಯಾಚೆ ಮಾಹಿತಿ ಕೊರನು ಘೆತ್ತಾ ಘೆಲಯಾರಿ ಆಮ್ಮಿ ಕಿತ್ತುಲೆ ಅಲ್ಪ ಮ್ಹಣ್ಚೆ ಮಾಹಿತಿ ಆಮ್ಕಾ ಮೆಳ್ತಾ. ಮಾತ್ರ ನ್ಹಂಹಿ ರಾತ್ತಿಂತು ಆಮ್ಗೆಲೆ ದೋಳ್ಯಾಕ ದೆಕ್ಕು ಪೊಡ್ಚೆ ಮಿಣಮಿಣ ಹುಜವಾಡೋ ಯವ್ಚೆ ನಕ್ಷತ್ರ ಆಸ್ಸುಚೆ ಹೇ ಬ್ರಹ್ಮಂಡಾಚೆ ಖಾಲಿ ಶೆ.೫% ಪ್ರದೇಶಾಂತು ಮಾತ್ರ ಮ್ಹಣಚೆ ಆನ್ನೇಕ ಅತ್ಯಾಶರ್ಯಾಚೆ ವಿಷಯು, ವ್ಹರಲೀಲೆ ಶೆ. ೯೫% ಪ್ರದೇಶ ಆನ್ನೀಕೆ ಅಗೋಚರ ಜಾವ್ನೂ ಆಸ್ಸಾ. ತಶ್ಶಿ ಜಾಲಯಾರಿ ಥಂಯಿ ಕಸ್ಸಲೆ ಆಸ್ಸಾ?
ಆಮ್ಮಿ ರಾತ್ತಿಕ ಆಕಾಶಾಂತು ಕೋಟ್ಯಂತರ ನಕ್ಷತ್ರ ಪಳಯತಾತಿ. ನಕ್ಷತ್ರಪುಂಜ (ಗ್ಯಾಲಕ್ಸಿ), ನಿಹಾರಿಕಾ ಹ್ಯಾ ಸಕ್ಕಡ ಮೇಳ್ನು ಬ್ರಹ್ಮಾಂಡಾಚೆ ಒಟ್ಟು ದ್ರವ್ಯರಾಶಿ ಆನಿ ಒಟ್ಟು ಶಕ್ತಿಚೆ ಖಾಲಿ ಶೇ.೫ ತಿತ್ತುಲೆ ಮಾತ್ರ ಆಮ್ಕಾ (ವಿಜ್ಞಾನಾಕ) ಕಳ್ಳಿಲೆ ಮ್ಹಳಯಾರಿ ತುಮ್ಕಾ ಆಶ್ಚರ್ಯಶಿ ದಿಸಲೇರಿಚಿ ಒಪ್ಪುನು ಘೆವಕಾಚಿ ಜಾಲೀಲೆ ವಿಷಯು. ವಿಜ್ಞಾನಿ ಲೋಕಾನಿ ಆರ್ತ ಕೆಲೀಲೆ ಏಕ ಅಂದಾಜಾ ಪ್ರಕಾರ ಬ್ರಹ್ಮಾಂಡಾಚೆ ಸುಮಾರ ಶೇ.೨೭ ತಿತ್ತುಲೆ ವಾಂಟೊ ‘ಕಾಳೋ ಪದಾರ್ಥ’ ((Dark Matter)) ಆನಿ ವ್ಹರಲೀಲೆ ಶೇ. ೬೮ ವಾಂಟೊ `ಕಾಳೆಂ ಶಕ್ತಿ(ಆಚಿಡಿಞ ಇಟಿeಡಿgಥಿ)ನಿ ಭರಲ್ಯಾ. ವಿಶೇಷ ಖಬ್ಬರ ಮ್ಹಳಯಾರಿ ಹೇ ದೊನ್ನೀಚಿ ಆಮ್ಗೆಲೆ ಸಾದಾ ದೋಳ್ಯಾಕ ದೆಕ್ಕುಪಣಾ, ಜಾಂವೊ ಮನುಷ್ಯಾ ನಿರ್ಮಾಣ ಕೆಲೀಲೆ ಆಧುನಿಕ ಉಪಕರಣಾಕ ವರೇನ ಸೊದ್ದುನು ಕಾಡಚಾಕ ಆಜಿವರೇನ ಜಾಯ್ನಿ. ಜಾಲಯಾರಿ ತಾಂಕಾಸ್ಸುಚೆ ಗುರುತ್ವಾಕರ್ಷಣೆಚೆ ಪ್ರಭಾವ ಆನಿ ಬ್ರಹ್ಮಾಂಡಾಚೆ ಅಭಿವೃದ್ಧಿ ವಯ್ಚೆ ತಾಜ್ಜೇನ ಪೊಡ್ಚೆ ಪರಿಣಾಮ ಮೂಖಾಂತರ ತ್ಯಾ ಆಸ್ಸಾ ಮ್ಹಣ್ಚೆ ದೃಢೀಕರಣ ಕೆಲ್ಲ್ಯಾ.

ಕಶ್ಶಿ ವಾರೆಂ ದೋಳ್ಯಾಕ ದೀಸ್ನಾ ಜಾಲಯರೀಚಿ ತ್ಯಾ ಪೋವ್ವಿಲ ತೆದ್ನಾ ಚಾಮ್ಮಾಕ ತಂಪಾಚೆ ಅನುಭವ ಜಾಲೀಲ ತೆದ್ನಾ ಆಮ್ಮಿ ವಾರೆಂ ಆಸ್ಸ ಮ್ಹೊಣು ಸಮಜಿತಾತಿಕಿ, ತಶೀ ಘಾಣಿ ಆಯ್ಲ ಸತ್ತಾ ನಾಂಕ ದಾಂಪೂನು ಘೇವ್ನು ತಾಜ್ಜೆ ಅಸ್ತಿತ್ವಾಕ ಮಾನ್ಯತಾ ದಿತ್ತಾಕಿ ತಶೀಚಿ ಹೇ ವರೇನ ಮ್ಹಣಯೇತ. ಆಮ್ಮಿ ದೋಳ್ಯಾಂತು ಪಳೆಯಿಲೆ ಮಾತ್ರ ಸತ್ಯ ನ್ಹಂಹಿ, ದೋಳ್ಯಾಕ ದೀಸ್ನಾಶ್ಶಿಲೆ ವರೇನ ಮಸ್ತ ಅಂಶ ಹೇ ಬ್ರಹ್ಮಾಂಡಾಂತು ಆಸ್ಸಾ ಮ್ಹಣ್ಚೆ ವಿಜ್ಞಾನ ವರೇನ ಕಬೂಲಿ ಕರತಾ.
೧. ಕಾಳೋ ಪದಾರ್ಥ ((Dark Matter)): ಆಮ್ಕಾ ಸಕಡಾಂಕ ಏಕ ಪ್ರಶ್ನೆ ಆಸ್ಸಾ. ಕಸ್ಸಲೆ ಮ್ಹಳಯಾರಿ ಹೇ ಬ್ರಹ್ಮಾಂಡ ಖಂಚೇಯಿ ಆಧಾರ ನಾಶಿ ಕಶ್ಶಿ ರಾಬ್ಬೂನು ಆಸ್ಸುಚಾಕ ಪುರೊ ಮ್ಹಣ್ಚೆ. ತಾಕ್ಕಾ ಜವಾಬ ಹೇ ಕಾಳೋ ಪದಾರ್ಥ ಮ್ಹಣ್ತಾ ವಿಜ್ಞಾನ. ಗ್ಯಾಲಕ್ಸಿಂಕ ಧೊರನು ದವರೂನು ತಾಜ್ಜೆ ಅಗೋಚರ ಬಂಧನ ಆಸ್ಸುಚೆ ವರಿ ಕೊರಚೆ ಕಾಳೋ ಪದಾರ್ಥ ತಾಕೂನು ಏಕಚೂರು ಹುಜವಾಡೋ ಉತ್ಸರ್ಜನ ಕರಿನಾ(ಭಾಯ್ರಿ ಘಾಲ್ನಾ), ಹಿರೂನು ಘೇನಾ ಜಾಂವೊ ಪರಾವರ್ತಿತ ಕರನಾ (ಪ್ರತಿಫಲಿಸುವುದಿಲ್ಲ). ತ್ಯಾ ಕಾರಣಾನಿ ದೂರದರ್ಶಕ ಸಹಾಯಾನಿ ಕಾಳೊ ಪದಾರ್ಥ ಡೈರೆಕ್ಟ್ ಜಾವ್ನು ಪಳಯಚಾಕ ಜಾಯನಾ. ಆತ್ತ ತುಮಕಾ ಗ್ಯಾಲಕ್ಸಿ ಮ್ಹಳಯಾರಿ ಕಸ್ಸಲೆ ಮ್ಹಣ್ಚೆ ಪ್ರಶ್ನೋ ಯವ್ನಾಸ್ಸುಕ ಪುರೊ. ಸೂರ್ಯ ಏಕ ನಕ್ಷತ್ರ ಜಾಲಯಾರಿ ಸೂರ್ಯಾ ತಸ್ಸಾಲೆ ಸಬಾರ ನಕ್ಷತ್ರ, ಧೂಳ, ಅನಿಲ ಆನಿ ಹೇ ಕಾಳೊ ಪದಾರ್ಥ ಮೇಳ್ನಾಸ್ಸುಚೆ ಗುರುತ್ವಾಕರ್ಷಣೆಚೆ ಶಕ್ತೀನ ಏಕ್ಕಡೆ ಧೊರನು ಆಸ್ಸುಚೆ ವ್ಹಡ ವ್ಯವಸ್ಥೆಚಿ ಗ್ಯಾಲಕ್ಸಿ ಜಾಂವೊ ನಕ್ಷತ್ರ ಪುಂಜ.

ಆಮ್ಗೆಲೆ ಸೂರ್ಯು ತಾಗೆಲೆ ಗ್ರಹ ಆನಿ ವೆಗಳೆ ನಕ್ಷತ್ರ ಬರಶಿ ಕ್ಷೀರಪಥ (ಒiಟಞಥಿ Wಚಿಥಿ) ಮ್ಹಣಚೆ ಗ್ಯಾಲಕ್ಸಿಂತು ಆಸ್ಸಾ. ಖಾಲಿ ದೋಳ್ಯಾಂತು ಜಾಂವೊ ಆಧುನಿಕ ಉಪಕರಣಾನಿ ಹೇ ಪಳಯಚಾಕ ಜಾಯನಾ, ಜಾಲಯಾರೀಚಿ ನಕ್ಷತ್ರ ಪುಂಜ ಜಾಂವೊ ಗ್ಯಾಲಕ್ಸ್ಕಿ ಸಮೂಹ ಆಮ್ಮಿ ಲೆಕ್ಕೂನು ಘೆತ್ತಿಲೆ ಪಶಿ ಜೋರಾನು ಘೂವ್ತಾ ಆಸ್ಸುಚೆ ವಿಜ್ಞಾನಿ ಲೋಕಾಂಗೆಲೆ ನಜರಾಕ ಆಯಲ್ಯಾ. ಫಕ್ನೆ ಆಮಗೆಲೆ ದೋಳ್ಯಾಕ ದೆಕ್ಕು ಪೊಡ್ಚೆ ನಕ್ಷತ್ರ, ಧೂಳ ಆನಿ ವಾಯು(ಅನಿಲ) ಹಾಜ್ಜೆ ಗುರುತ್ವಾಕರ್ಷಣ ಮಾತ್ರ ಆಶ್ಶಿಲೆ ಜಾಲಯಾರಿ ತಾಂಚೆ ಗುಣಧರ್ಮ ಪ್ರಕಾರ ಹೇ ಗ್ಯಾಲಕ್ಸಿ ಇತ್ಲೆ ಭಿತ್ತರಿ ಶಿಂಪಡೂನು (ಚದುರಿ) ದೂರ ದೂರ ವತ್ತಾಶ್ಶಿಲೆ. ಖಂಚಕಿ ಚಡ್ತೆ ಪದಾರ್ಥಾನಿ ತಾಂಕಾ ಧೊರನು ದವರೀಲೆ ಕಾರಣಾನಿ ತ್ಯಾ ಸಕ್ಕಡ ಏಕ್ಕಾ ಕಡೇನ ಸ್ಥಿರ ಜಾವನು ರಾಬಲ್ಲ್ಯಾ. ತಾಕ್ಕಾಚಿ ಕಾಳೊ ಪದಾರ್ಥ ಜಾಂವೊ ಡಾರ್ಕ್ ಮ್ಯಾಟರ ಮ್ಹೊಣು ವಿಜ್ಞಾನಿ ಲೋಕ ಆಪಯತಾತಿ.

೨. ಕಾಳೆಂ ಶಕ್ತಿ (Dark Energy): ಕಾಳೆಂ ಶಕ್ತಿ ಮ್ಹಣಚೆ ಬ್ರಹ್ಮಾಂಡಾಕ ಮಸ್ತ ಜೋರಾನಿ ವಿಸ್ತಾರ ಕರತಾ ಆಸ್ಸುಚೆ ದೋಳ್ಯಾಕ ದೆಕ್ಕು ಪಡ್ನಾತ್ತಿಲೆ ನಿಗೂಢ ಬಳ ಮ್ಹಣತಾತಿ. ಸೋಪಾರನೋವಾ ಘಡ್ನು ಬ್ರಹ್ಮಾಂಡಾಚೆ ರಚನ ಜಾಲ್ಲೆ, ಪಯ್ಲೆ ಏಕದಂ ಘಡೀಲೆ ಕಾರಣಾನಿ ತಾಜ್ಜೆ ವೇಗ ಚ್ಹಡ ಆಶ್ಶಿಲೆ, ಹಳು ಹಳು ತ್ಯಾ ವೇಗ ನಿಧಾನ ಜಾತ್ತಾ ಆಯಲ್ಯಾ ಮ್ಹೊಣು ವಿಜ್ಞಾನಿ ಲೋಕಾನಿ ಸಮಜೂನು ಘೆತ್ತಿಲೆ. ಉದಕಾಕ ಖಂಚತರಿ ಏಕ ವ್ಹಡ ಪದಾರ್ಥ ಪಡಲ್ಯಾರಿ ಪಯಲೇಕ ಥಂಯಿ ಜೋರಾಚೆ ಲ್ಹಾರಾಂ(ಅಲೆ) ಉಟಯತಾ, ಹಳು ಹಳು ತ್ಯಾ ಹಗೂರ ಜಾತ್ತಾ ಯವ್ನು ಅಖೇರಿಕ ರಾಬ್ಬೂನು ಸೊಡ್ತ ನ್ಹಂಹಿವೇ? ತಶ್ಶಿ. ಜಾಲಯಾರಿ ವೀಸಾ ಶೇಕಡ್ಯಾಚೆ ಅಖೇರಿಕ ತಾನ್ನಿ ಅಧ್ಯಯನ ಕರತಾನಾ ತಾಂಕಾ ಬ್ರಹ್ಮಾಂಡಾಚೆ ಪರಿಸ್ಥಿತಿ ತಾಜ್ಜೆ ವಿರುದ್ಧ ಜಾವ್ನು ಆಸ್ಸುಚೆ ನಜರಾಕ ಆಯ್ಲೆ.

ಬ್ರಹ್ಮಾಂಡಾಚೆ ವಿಸ್ತಾರಪಣ ಹಗೂರ ಜಾವಚೆ ಬದಲಾಕ ತಾಜ್ಜ ವೇಗ ಚ್ಹಡ ಚ್ಹಡ ಜಾತ್ತಾ ಆಸ್ಸುಚೆ ತಾಂಗೆಲೆ ನಜರಾಕ ಆಯ್ಲೆ. ಖಂಚತರಿ ಏಕ ತ್ರಾಣಾಚೆ ನಿರಂತರ ಪ್ರವಾಹ ನಾತಲೇರಿ ಅಶ್ಶಿ ಜಾವಚಾಕ ಸಾಧ್ಯನಾ. ಜಾಲಯಾರಿ ತ್ಯಾ ಶಕ್ತಿ ಖಂಚೆ ಮ್ಹಣಚೆ ತಾಂಗೆಲೆ ನಜರಾಕ ಯೇನಿ. ತ್ಯಾ ಕಾರಣಾನಿ ತಾಕ್ಕಾ ವಿಜ್ಞಾನೀನ ಕಾಳೆಂ ಶಕ್ತಿ ಜಾಂವೊ ಡಾರ್ಕ್ ಎನರ್ಜಿ ಮ್ಹೊಣು ಆಪಯಲೆ. ಹೇ ನಿಗೂಢ ಕಾಳೆಂ ಶಕ್ತಿ ಗುರುತ್ವಾಕರ್ಷಣೆಕ ವಿರುದ್ಧ ಜಾವ್ನು ನಕ್ಷತ್ರಪುಂಜಾ(ಗ್ಯಾಲಕ್ಸಿ)ಂಕ ದೂರ ದೂರ ಧೂಂಗುಳ್ತಾ ಆಸ್ಸಾ. ಕಾಳೊ ಪದಾರ್ಥ ಒಟ್ಟು ದವರಚಾಕ ಕಾರಣ ಜಾಲಯಾರಿ ಕಾಳೆಂ ಶಕ್ತಿ ತ್ಯಾ ಪದಾರ್ಥಾಂಕ ದೂರ ಧೂಂಗುಳ್ತಾ. ಹಾಜೇನ ಸ್ಥಿರತಾ ಆನಿ ವಿಸ್ತಾರ ದೊನ್ನೀ ಏಕ್ಕಾ ವೇಳ್ಯಾರಿ ಘಡ್ತಾ ಆಸಲೇರಿಚಿ ಕಾಳೆಂ ಶಕ್ತಿಚೆ ತ್ರಾಣ ಚ್ಹಡ ಆಸ್ಸುಚೆ ನಿಮಿತ್ತ್ಯಾನ ಬ್ರಹ್ಮಾಂಡ ಮಸ್ತ ವೇಗ ಜಾವ್ನು ವಿಸ್ತಾರ ಜಾತ್ತಾ ಆಸ್ಸಾ. ಹಾಜೇನ ನಕ್ಷತ್ರ ಪುಂಜ ಮಧೇ ಮಸ್ತ ಅಂತರ ನಿರ್ಮಾಣ ಜಾವ್ನು ತ್ಯಾ ಆಮ್ಗೆಲೆ ದೃಷ್ಠಿಪಥಾಚಾನ ದೂರ ಜಾಲಯಾರಿ ಆಶ್ಚರ್ಯ ನಾ ಕಂಯಿ. ಹೇ ಕಾಳೊ ಪದಾರ್ಥ ಆನಿ ಕಾಳೆಂ ಶಕ್ತಿಂಚೆ ರಹಸ್ಯ ಸೊದ್ಲೆ ಮ್ಹಳಯಾರಿ ವಿಜ್ಞಾನಾಕ ಸೃಷ್ಠಿ ರಹಸ್ಯ ಮಸ್ತ ಕೋಳಚಾಕ ಪುರೊ.

डार्क् म्याटर् आनि डार्क् एनर्जि

हे ब्रह्मांड म्हण्चॆ विस्मयाचॆ आगर. आम्मि मनुष्य सान्सान विषयाक लडायि कॊरनु घॆताति, अहं पाव्ताति, द्वेश, क्रोध दाखयता शत्रुवरि घर्षण कॊरनु घॆत्ता वांचुनु जीवन व्यर्थ कॊरनु घॆताति. जालयारि हे ब्रह्मांडा भित्तरि आस्सुचॆ विस्मयाचॆ माहिति कॊरनु घॆत्ता घॆलयारि आम्मि कित्तुलॆ अल्प म्हण्चॆ माहिति आम्का मॆळ्ता. मात्र न्हंहि रात्तिंतु आम्गॆलॆ दोळ्याक दॆक्कु पॊड्चॆ मिणमिण हुजवाडो यव्चॆ नक्षत्र आस्सुचॆ हे ब्रह्मंडाचॆ खालि शॆ.५% प्रदेशांतु मात्र म्हणचॆ आन्नेक अत्याशर्याचॆ विषयु, व्हरलीलॆ शॆ. ९५% प्रदेश आन्नीकॆ अगोचर जाव्नू आस्सा. तश्शि जालयारि थंयि कस्सलॆ आस्सा?
आम्मि रात्तिक आकाशांतु कोट्यंतर नक्षत्र पळयताति. नक्षत्रपुंज (ग्यालक्सि), निहारिका ह्या सक्कड मेळ्नु ब्रह्मांडाचॆ ऒट्टु द्रव्यराशि आनि ऒट्टु शक्तिचॆ खालि शे.५ तित्तुलॆ मात्र आम्का (विज्ञानाक) कळ्ळिलॆ म्हळयारि तुम्का आश्चर्यशि दिसलेरिचि ऒप्पुनु घॆवकाचि जालीलॆ विषयु. विज्ञानि लोकानि आर्त कॆलीलॆ एक अंदाजा प्रकार ब्रह्मांडाचॆ सुमार शे.२७ तित्तुलॆ वांटॊ ‘काळो पदार्थ’ (आचिडिञ ऒचिणणeडि) आनि व्हरलीलॆ शे. ६८ वांटॊ `काळॆं शक्ति(आचिडिञ इटिeडिgथि)नि भरल्या. विशेष खब्बर म्हळयारि हे दॊन्नीचि आम्गॆलॆ सादा दोळ्याक दॆक्कुपणा, जांवॊ मनुष्या निर्माण कॆलीलॆ आधुनिक उपकरणाक वरेन सॊद्दुनु काडचाक आजिवरेन जाय्नि. जालयारि तांकास्सुचॆ गुरुत्वाकर्षणॆचॆ प्रभाव आनि ब्रह्मांडाचॆ अभिवृद्धि वय्चॆ ताज्जेन पॊड्चॆ परिणाम मूखांतर त्या आस्सा म्हण्चॆ दृढीकरण कॆल्ल्या.

कश्शि वारॆं दोळ्याक दीस्ना जालयरीचि त्या पोव्विल तॆद्ना चाम्माक तंपाचॆ अनुभव जालील तॆद्ना आम्मि वारॆं आस्स म्हॊणु समजितातिकि, तशी घाणि आय्ल सत्ता नांक दांपूनु घेव्नु ताज्जॆ अस्तित्वाक मान्यता दित्ताकि तशीचि हे वरेन म्हणयेत. आम्मि दोळ्यांतु पळॆयिलॆ मात्र सत्य न्हंहि, दोळ्याक दीस्नाश्शिलॆ वरेन मस्त अंश हे ब्रह्मांडांतु आस्सा म्हण्चॆ विज्ञान वरेन कबूलि करता.
१. काळो पदार्थ (आचिडिञ ऒचिणणeडि): आम्का सकडांक एक प्रश्नॆ आस्सा. कस्सलॆ म्हळयारि हे ब्रह्मांड खंचेयि आधार नाशि कश्शि राब्बूनु आस्सुचाक पुरॊ म्हण्चॆ. ताक्का जवाब हे काळो पदार्थ म्हण्ता विज्ञान. ग्यालक्सिंक धॊरनु दवरूनु ताज्जॆ अगोचर बंधन आस्सुचॆ वरि कॊरचॆ काळो पदार्थ ताकूनु एकचूरु हुजवाडो उत्सर्जन करिना(भाय्रि घाल्ना), हिरूनु घेना जांवॊ परावर्तित करना (प्रतिफलिसुवुदिल्ल). त्या कारणानि दूरदर्शक सहायानि काळॊ पदार्थ डैरॆक्ट् जाव्नु पळयचाक जायना. आत्त तुमका ग्यालक्सि म्हळयारि कस्सलॆ म्हण्चॆ प्रश्नो यव्नास्सुक पुरॊ. सूर्य एक नक्षत्र जालयारि सूर्या तस्सालॆ सबार नक्षत्र, धूळ, अनिल आनि हे काळॊ पदार्थ मेळ्नास्सुचॆ गुरुत्वाकर्षणॆचॆ शक्तीन एक्कडॆ धॊरनु आस्सुचॆ व्हड व्यवस्थॆचि ग्यालक्सि जांवॊ नक्षत्र पुंज. आम्गॆलॆ सूर्यु तागॆलॆ ग्रह आनि वॆगळॆ नक्षत्र बरशि क्षीरपथ (ऒiटञथि Wचिथि) म्हणचॆ ग्यालक्सिंतु आस्सा. खालि दोळ्यांतु जांवॊ आधुनिक उपकरणानि हे पळयचाक जायना, जालयारीचि नक्षत्र पुंज जांवॊ ग्यालक्स्कि समूह आम्मि लॆक्कूनु घॆत्तिलॆ पशि जोरानु घूव्ता आस्सुचॆ विज्ञानि लोकांगॆलॆ नजराक आयल्या. फक्नॆ आमगॆलॆ दोळ्याक दॆक्कु पॊड्चॆ नक्षत्र, धूळ आनि वायु(अनिल) हाज्जॆ गुरुत्वाकर्षण मात्र आश्शिलॆ जालयारि तांचॆ गुणधर्म प्रकार हे ग्यालक्सि इत्लॆ भित्तरि शिंपडूनु (चदुरि) दूर दूर वत्ताश्शिलॆ. खंचकि चड्तॆ पदार्थानि तांका धॊरनु दवरीलॆ कारणानि त्या सक्कड एक्का कडेन स्थिर जावनु राबल्ल्या. ताक्काचि काळॊ पदार्थ जांवॊ डार्क् म्याटर म्हॊणु विज्ञानि लोक आपयताति.

२. काळॆं शक्ति (आचिडिञ इटिeडिgथि): काळॆं शक्ति म्हणचॆ ब्रह्मांडाक मस्त जोरानि विस्तार करता आस्सुचॆ दोळ्याक दॆक्कु पड्नात्तिलॆ निगूढ बळ म्हणताति. सोपारनोवा घड्नु ब्रह्मांडाचॆ रचन जाल्लॆ, पय्लॆ एकदं घडीलॆ कारणानि ताज्जॆ वेग च्हड आश्शिलॆ, हळु हळु त्या वेग निधान जात्ता आयल्या म्हॊणु विज्ञानि लोकानि समजूनु घॆत्तिलॆ. उदकाक खंचतरि एक व्हड पदार्थ पडल्यारि पयलेक थंयि जोराचॆ ल्हारां(अलॆ) उटयता, हळु हळु त्या हगूर जात्ता यव्नु अखेरिक राब्बूनु सॊड्त न्हंहिवे? तश्शि. जालयारि वीसा शेकड्याचॆ अखेरिक तान्नि अध्ययन करताना तांका ब्रह्मांडाचॆ परिस्थिति ताज्जॆ विरुद्ध जाव्नु आस्सुचॆ नजराक आय्लॆ. ब्रह्मांडाचॆ विस्तारपण हगूर जावचॆ बदलाक ताज्ज वेग च्हड च्हड जात्ता आस्सुचॆ तांगॆलॆ नजराक आय्लॆ. खंचतरि एक त्राणाचॆ निरंतर प्रवाह नातलेरि अश्शि जावचाक साध्यना. जालयारि त्या शक्ति खंचॆ म्हणचॆ तांगॆलॆ नजराक येनि. त्या कारणानि ताक्का विज्ञानीन काळॆं शक्ति जांवॊ डार्क् ऎनर्जि म्हॊणु आपयलॆ. हे निगूढ काळॆं शक्ति गुरुत्वाकर्षणॆक विरुद्ध जाव्नु नक्षत्रपुंजा(ग्यालक्सि)ंक दूर दूर धूंगुळ्ता आस्सा. काळॊ पदार्थ ऒट्टु दवरचाक कारण जालयारि काळॆं शक्ति त्या पदार्थांक दूर धूंगुळ्ता. हाजेन स्थिरता आनि विस्तार दॊन्नी एक्का वेळ्यारि घड्ता आसलेरिचि काळॆं शक्तिचॆ त्राण च्हड आस्सुचॆ निमित्त्यान ब्रह्मांड मस्त वेग जाव्नु विस्तार जात्ता आस्सा. हाजेन नक्षत्र पुंज मधे मस्त अंतर निर्माण जाव्नु त्या आम्गॆलॆ दृष्ठिपथाचान दूर जालयारि आश्चर्य ना कंयि. हे काळॊ पदार्थ आनि काळॆं शक्तिंचॆ रहस्य सॊद्लॆ म्हळयारि विज्ञानाक सृष्ठि रहस्य मस्त कोळचाक पुरॊ.