ಆರತಾಂ ಬೆಂಗಳೂರಾಂತು ಚಲೀಲೆ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಾಂತು ವಾಂಟೊ ಘೆತ್ತಿಲೆ, ಪ್ರಶಸ್ತಿ ವಿಜೇತ ನಿರ್ದೇಶಕ ಡಾ|| ರಮೇಶ ಕಾಮತ್ ಹಾನ್ನಿ ನಿರ್ದೇಶನ ಕೆಲೀಲೆ ಪ್ರತಿಷ್ಠಿತ ಕೊಂಕಣಿ ಸಿನೇಮ ಅಂತ್ಯಾರಂಭ ದಿನಾಂಕ. ೧೫-೦೬-೨೦೨೫ ದಿವಸು ಚೆನ್ನೈಂತು ಚಲೀಲೆ ಎಸ್.ಜಿ.ಎಸ್. (SಉS) ಸಭಾ ಕಾರ್ಯಕ್ರಮಾಂತು ಯಶಸ್ವಿ ಜಾವ್ನು ಪ್ರದರ್ಶಿತ ಜಾಲ್ಲೆ. ಸಾಂಜವಾಳಾ ೪ ಘಂಟ್ಯಾಕ ಆನಿ ಸಾಂಜವಾಳಾ ೬ ಘಂಟ್ಯಾಕ ಒಟ್ಟು ದೋನ ಪ್ರದರ್ಶನ ಭರಲೀಲೆ ಪೇಕ್ಷಕಾಲೆ ಉಪಸ್ಥಿತೀರಿ ಚಲ್ಲೆ. ಆಯ್ಯಿಲೆ ಸಕ್ಕಡ ಸಿನೇಮ ಪಳೋನು ಆನಂದ ಪಾವಲೆ. ಆನಿ ಸಿನೇಮಾಚೆ ಪ್ರದರ್ಶನ ಜಾಲ್ಲ ನಂತರ ಉಟಾನು ರಾಬ್ಬೂನು ಕ್ಲಾಪ್ಸ್ ಮಾರಲೆ. ಹೇ ಸಂದರ್ಭಾರಿ ಸಿನೇಮಾಚೆ ನಿರ್ದೇಶಕ ಡಾ|| ರಾಮೇಶ ಕಾಮತ, ಸಹಾಯಕ ನಿರ್ದೇಶಕ ಅನಂತ್ ನಾಯಕ್ ಸಗ್ರಿ ಆನಿ ದಾಮೋಧರ್ ನಾಯಕ್ ತಾಂಕ್ನಾ ಎಸ್.ಜಿ.ಎಸ್. (SಉS) ಸಭಾ ಸಮಿತಿ ತರಪೇನ ಗೌರವಾರ್ಪಣ ಚಲ್ಲೆ.
ಹೇ ಕಾರ್ಯಕ್ರಮ ಅತೀವ ವೈಭವಾರಿ ಚಲಯಿಲೆ ಖಾತೇರಿ ಕಾರ್ಯದರ್ಶಿ ಶ್ರೀ ಪ್ರವೀಣ್ ಕಾಮತ್ ಜಿ, ಖಜಾಂಚಿ ಶ್ರೀ ಸುರೇಶ್ ಶಾನಬೋಗ್ ಜಿ, ಸಮಿತಿ ಸದಸ್ಯ ಶ್ರೀ ಸೂರ್ಯಕಾಂತ್ ಶೆಣೈ ಜಿ ಆನಿ‌ಎಸ್.ಜಿ.ಎಸ್. (SಉS) ಸಭಾಚೆ ವೆಗಳೆ ಸಕ್ಕಡ ಪದಾಧಿಕಾರಿಂಕ ಸಿನೇಮಾ ತಂಡಾ ತರಪೇನ ಆಬಾರ ಮಾನಲೆ. ವ್ಯವಸ್ಥಾಪಕ ಪ್ರಶಾಂತ್ ಬಾಳಿಗಾ ಜಿ ತಾನ್ನಿ ಮಸ್ತ ಕಾಳಜೀನಿ `ಅಂತ್ಯಾರಂಭ ಕೊಂಕಣಿ ಸಿನೇಮಾ ತಂಡಾಕ ಚೆನ್ನೈ ರೈಲ್ವೆ ನಿಲ್ದಾಣಾಂತು ಆಪೋನು ವ್ಹರನು ಪರತ ಹಾಡ್ನು ಪಾವಯಿಲೆ. ಎಸ್.ಜಿ.ಎಸ್. (SಉS) ಸಭಾ ಹಾನ್ನಿ ದಿಲೀಲೆ ಅಗತ್ಯ ಸಹಕಾರ ಆನಿ ಚಾಂಗ ಉಪಚಾರ ಖಾತೇರಿ ಚಿತ್ರತಂಡಾನಿ ಆಬಾರ ವ್ಯಕ್ತ ಕೆಲ್ಲ್ಯಾ.
ಹೇ ಸಂದರ್ಭಾರಿ ಚೆನ್ನೈ, ಪುದುಚೇರಿ ಮತ್ತು ಕೇರಳಾಚೆ ನೌಕಾಪಡೆಚೆ ಉಸ್ತುವಾರಿ ಘೆವನು ಆಶ್ಶಿಲೆ ಓSಒ ಹಾಜ್ಜೆ ರಿಯರ್ ಅಡ್ಮಿರಲ್ ಶ್ರೀ ಸತೀಶ್ ಶೆಣೈ ತಾನ್ನಿ ವರೇನ ಯವ್ನು ಕೊಂಕಣಿ ಸಿನೇಮಾ ವೀಕ್ಷಣ ಕೆಲ್ಲೆ. ಏಕ್ಕಾ ವಾಕ್ಯಾಂತು ಸಾಂಕಾ ಮ್ಹಳಯಾರಿ “ಚೆನ್ನೈ ಕಾರ್ಯಕ್ರಮ ಆಪಣೇಲೆ ಜೀವನಾಂತು ವಿಸರಚಾಕ ಜಾಯ್ನಾತ್ತಿಲೆ ತಸ್ಸಾಲೆ ಘಟನಾ. ಮ್ಹೊಣು ಅಂತ್ಯರಂಭ ಸಿನೇಮಾಚೆ ನಿರ್ದೇಶಕ ಡಾ|| ರಮೇಶ ಕಾಮತ್ ತಾನ್ನಿ ಸಾಂಗ್ಲ್ಯಾ.
ಅಖೇರಿಕ ಎಸ್.ಜಿ.ಎಸ್. ಸಭಾ ತಾಕೂನು ಸಕ್ಕಡ ಪ್ರೇಕ್ಷಕಾಂಕ ರುಚಿಕರ ಜಾಲೀಲೆ ಆಮ್ಚಗೇಲೆ ಜವಣಾಚೆ ವ್ಯವಸ್ಥಾ ಕೆಲೀಲೆ.
आरतां बॆंगळूरांतु चलीलॆ अंताराष्ट्रीय चलनचित्रोत्सवांतु वांटॊ घॆत्तिलॆ, प्रशस्ति विजेत निर्देशक डा॥ रमेश कामत् हान्नि निर्देशन कॆलीलॆ प्रतिष्ठित कॊंकणि सिनेम अंत्यारंभ दिनांक. १५-०६-२०२५ दिवसु चॆन्नैंतु चलीलॆ ऎस्.जि.ऎस्. (SउS) सभा कार्यक्रमांतु यशस्वि जाव्नु प्रदर्शित जाल्लॆ. सांजवाळा ४ घंट्याक आनि सांजवाळा ६ घंट्याक ऒट्टु दोन प्रदर्शन भरलीलॆ पेक्षकालॆ उपस्थितीरि चल्लॆ. आय्यिलॆ सक्कड सिनेम पळोनु आनंद पावलॆ. आनि सिनेमाचॆ प्रदर्शन जाल्ल नंतर उटानु राब्बूनु क्लाप्स् मारलॆ. हे संदर्भारि सिनेमाचॆ निर्देशक डा॥ रामेश कामत, सहायक निर्देशक अनंत् नायक् सग्रि आनि दामोधर् नायक् तांक्ना ऎस्.जि.ऎस्. (SउS) सभा समिति तरपेन गौरवार्पण चल्लॆ.
हे कार्यक्रम अतीव वैभवारि चलयिलॆ खातेरि कार्यदर्शि श्री प्रवीण् कामत् जि, खजांचि श्री सुरेश् शानबोग् जि, समिति सदस्य श्री सूर्यकांत् शॆणै जि आनिऎस्.जि.ऎस्. (SउS) सभाचॆ वॆगळॆ सक्कड पदाधिकारिंक सिनेमा तंडा तरपेन आबार मानलॆ. व्यवस्थापक प्रशांत् बाळिगा जि तान्नि मस्त काळजीनि `अंत्यारंभ कॊंकणि सिनेमा तंडाक चॆन्नै रैल्वॆ निल्दाणांतु आपोनु व्हरनु परत हाड्नु पावयिलॆ. ऎस्.जि.ऎस्. (SउS) सभा हान्नि दिलीलॆ अगत्य सहकार आनि चांग उपचार खातेरि चित्रतंडानि आबार व्यक्त कॆल्ल्या.
हे संदर्भारि चॆन्नै, पुदुचेरि मत्तु केरळाचॆ नौकापडॆचॆ उस्तुवारि घॆवनु आश्शिलॆ ओSऒ हाज्जॆ रियर् अड्मिरल् श्री सतीश् शॆणै तान्नि वरेन यव्नु कॊंकणि सिनेमा वीक्षण कॆल्लॆ. एक्का वाक्यांतु सांका म्हळयारि “चॆन्नै कार्यक्रम आपणेलॆ जीवनांतु विसरचाक जाय्नात्तिलॆ तस्सालॆ घटना. म्हॊणु अंत्यरंभ सिनेमाचॆ निर्देशक डा॥ रमेश कामत् तान्नि सांग्ल्या.
अखेरिक ऎस्.जि.ऎस्. सभा ताकूनु सक्कड प्रेक्षकांक रुचिकर जालीलॆ आम्चगेलॆ जवणाचॆ व्यवस्था कॆलीलॆ.