ಗಂಗೊಳ್ಳಿ ಟೌನ್ ಸೌಹಾರ್ದ ಸಹಕಾರಿ ಘೆಲೀಲೆ ೨೦೨೪-೨೦೨೫ಚ್ಯಾ ಓಳೀಂತ(ಸಾಲಿನಲ್ಲಿ) ೧.೧೪ ಕೋಟಿ ರೂ. ನಿವ್ವಳ ಫಾಯದೋ ಮೇಳಯಿಲೇಂ ಆಸ್ಸುನು, ಸಹಕಾರಿಚೆ ಸದಸ್ಯಾಂಕ ಶೇ. ೧೭ ಮುನಾಫೆ ವಾಂಟೊ ದಿವಚಾಕ ಆಡಳಿತ ಮಂಡಳೀನ ಠರಯಲಾ. ಸಹಕಾರಿಕ ಒಟ್ಟು ೩೮೩೨ ಸದಸ್ಯ ಆಸ್ಸಾತಿ. ಸಹಕಾರಿಚೆ ಕಾರ್ಯಶೀಲ ಭಾಂಡವಾಲ ೧೦೦.೮೦ ಕೋಟಿ ರೂ.ಆನಿ ೮೫.೫೬ ಕೋಟಿ ರೂ. ಡಿಪೊಝಿಟ(ಠೇವಣಿ) ಆಸಾ. ೨೪.೫೪ ಕೋಟಿ. ರೂ. ವೆಗವೆಗಳೆ ಬ್ಯಾಂಕಾಂತು ದವರ್‍ಲ್ಯಾ. ಅಶ್ಶಿ ಮ್ಹೊಣು ಗಂಗೊಳ್ಳಿ ಟೌನ್ ಸೌಹಾರ್ದ ಸಹಕಾರಿ ಅಧ್ಯಕ್ಷ ಜಿ.ವೆಂಕಟೇಶ ಶೆಣೈ ತಾನ್ನಿ ಸಾಂಗ್ಲೆ. ಗಂಗೊಳ್ಳಿಚೆ ಶ್ರೀ ವೀರ ವಿಠಲ ಸಭಾಗೃಹಾಂತು ಆರತಾಂ ಚಲೀಲೆ ಗಂಗೊಳ್ಳಿ ಟೌನ್ ಸೌಹಾರ್ದ ಸಹಕಾರಿಚೆ ೧೦೫ವೇ ಜನರಲ್ ಬಾಡಿ (ವಾರ್ಷಿಕ ಸಾಮಾನ್ಯ ಸಭಾ)ಚೆ ಅಧ್ಯಕ್ಷಪಣ ಘೇವ್ನು ತಾನ್ನಿ ಉಲಯತಾಲೆ.
ತ್ವರಿತ ತಶೀಚಿ ಉತ್ಕೃಷ್ಟ ಸೇವಾ ಸಹಕಾರಿಚೆ ಗ್ರಾಹಕಾಂಕ ದಿವಚಾಕ ಆನಿ ಸದಸ್ಯಾಂಕ ನಗ್ದಿ ನಾಶೀ (ನಗದು ರಹಿತ) ವೇಪಾರು ಚಲಯಚಾಕ ಸಹಕಾರಿ ವಾವರೋ ಕರೀತ ಆಸ್ಸಾ. ೨೦೨೫-೨೬ಚ್ಯಾ ಓಳೀಂತ ಘೆವ್ಕಾ ಜಾಲೀಲೆ ಅಭಿವೃದ್ಧಿ ಕಾರ್ಯಕ್ರಮ ಖಾತೇರಿ ಆಡಳಿತ ಮಂಡಳಿ ಮಹತ್ವಾಚೆ ಠರಾವು ಘೆತ್ತಿಲೆ ಆಸ್ಸುನು, ತ್ಯಾ ಏಕ್ಕಾ ನಂತರ ಏಕ ಕಾರ್ಯರೂಪಾಕ ಹಾಡತಾತಿ. ತುಮ್ಮಿ ಸಗಳೇ ಗಂಗೊಳ್ಳಿ ಟೌನ್ ಸೌಹಾರ್ದ ಸಹಕಾರಿ ಸದಸ್ಯಾನಿ ಸಂಸ್ಥೆಚ್ಯಾ ವಯ್ರಿ ದವರೀಲೆ ಭರ್‍ವಸಽಚಿ ಸಹಕಾರಿಯ ಅಭಿವೃದ್ಧಿಕ ಕಾರಣ ಮ್ಹೊಣೂ ತಾನ್ನಿ ಸಾಂಗ್ಲೆ.
ಸಹಕಾರಿಚೆ ಉಪಾಧ್ಯಕ್ಷ ಜಿ.ವಿಶ್ವನಾಥ ಆಚಾರ್ಯ, ನಿರ್ದೇಶಕ ಜಾಲೀಲೆ ಎನ್.ಮಾಧವ ಕಿಣಿ, ಬಿ.ರಾಘವೇಂದ್ರ ಪೈ, ಜಿ.ವೇದವ್ಯಾಸ ಆಚಾರ್ಯ, ನಾಗಪ್ರಸಾದ್ ಪೈ ಎಂ.ಜಿ., ಮಾಲಾ ಕೆ.ನಾಯಕ್, ಗೀತಾ ಜಿ.ನಾಯಕ್, ಮಹಾಬಲ ಪೂಜಾರಿ, ಕಿರಣ್ ಫಿಲಿಪ್ ಪಿಂಟೋ, ಜಿ.ವೆಂಕಟೇಶ ನಾಯಕ್, ಯು.ವಿಷ್ಣು ಪಡಿಯಾರ್, ಉಪಸ್ಥಿತ ವ್ಹರಲೀಲೆ. ಹೇಂಚಿ ವೇಳ್ಯಾರಿ ಸಹಕಾರಿಚೆ ಮಾಜಿ ಅಧ್ಯಕ್ಷ ಎಂ.ಮಧುಕರ ಪೈ, ಮಾಜಿ ನಿರ್ದೇಶಕ ಡಾ.ಕಾಶೀನಾಥ ಪೈ, ಸದಸ್ಯ ಸುದನೇಶ ಶ್ಯಾನುಭಾಗ್, ಭಾಂಗ್ರಾಚೆ ಪರೀಕ್ಷಕ ಜಿ.ಉದಯ ಕುಮಾರ್ ಶೇಟ್, ಉಪ್ಪುಂದ ಶಾಖಾಧಿಕಾರಿ ರಾಜೇಶ ಪ್ರಭು, ಮ್ಹಾಲ್ಗಡೊ ಸಹಾಯಕ ಗಿರೀಶ್ ಶ್ಯಾನುಭಾಗ್ ತಾಂಕಾ ಆತ್ಮೀಯ ಸನ್ಮಾನ ಕೊರನು ಆದರ ದಾಖಯಿಲೆ.
ಸಹಕಾರಿ ನಿರ್ದೇಶಕ ಎಸ್.ವೆಂಕಟರಮಣ ಆಚಾರ್ಯ ತಾನ್ನಿ ಯೆವಕಾರ ಕೆಲ್ಲಿ. ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಗಣೇಶ ನಾಯಕ್ ಕಾರ್ಯಕ್ರಮ ನಿರ್ವಹಣ ಕೆಲ್ಲಿ. ನಿರ್ದೇಶಕ ಕೆ.ಪರಮೇಶ್ವರ ನಾಯಕ್ ತಾನ್ನಿ ಆಬಾರ ಮಾನಲೆ.