ಗಂಗಾವತಿ ಶಹರಾಚೆ ರಾಮಲಿಂಗೇಶ್ವರ ಬಡಾವಣೆಂತುಲೆ ಶ್ರೀ ಜ್ಞಾನ ಗಣಪತಿ ತಶೀಚಿ ಶ್ರೀ ನಾಗದೇವಾಲೆ ದೇವಳಾಚೆ ದೈವಜ್ಞ ಸಮಾಜ ಸೇವಾ ಟ್ರಸ್ಟ್ ಹಾಜ್ಜೆ (ರಿ) ನವೀನ ಕಾರ್ಯಕಾರಿ ಸಮಿತಿ ರಚನ ಜಾಲ್ಲ್ಯಾ.
ದೇವಳಾಚೆ ನೂತನ ಸಭಾಭವನಾಂತು ಆಯ್ತವಾರ ಸಾಂಜವಾಳಾ ಚಲೀಲೆ ಹೇ ಸಭಾಚೆ ಅಧ್ಯಕ್ಷಪಣ ಸೇವಾ ಟ್ರಸ್ಟಾಚೆ (ರಿ) ನವೀನ ಅಧ್ಯಕ್ಷ ಮಂಜುನಾಥ ನಾಗಪ್ಪ ವೇರ್ಣಕರ ತಾನ್ನಿ ಘೆತ್ತಿಲೆ.
ಸಭಾಂತು ಮೇ. ೧೬ ತಾಕೂನು ದೇವಳಾಂತು ೧೨ ವೇಂ ವರ್ಷಾಚೆ ವರ್ಧಂತಿ ಉತ್ಸವ ಪ್ರಯುಕ್ತ ಗಂಗಾವತಿಕ ಶುಭಾಗಮನ ಕೊರಚೆ ಕರ್ಕಿ ದೈವಜ್ಞ ಪೀಠಾಧಿಪತಿ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಮಹಾಸ್ವಾಮ್ಯಾಂಕ ತ್ಯಾ ದಿವಸು ಬೈಕ್ ರ್‍ಯಾಲಿ ತಶೀಚಿ ಮಹಿಳಾ ಮಂಡಳಿ ತರಪೇನಿ ಪೂರ್ಣಕುಂಭ ಬರಶಿ ಸ್ವಾಗತ ಕೊರಚೆ ತಶೀಚಿ ಪೂಜ್ಯ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಮೇ. ೧೬ ಕ ಸಭಾಭವನಾಚೆ ವಯರಿ ನವೀನ ಜಾವನು ೪ ಕೂಡ ನಿರ್ಮಾಣಾಕ ಶಂಕುಸ್ಥಾಪನಾ, ದೇವಳಾಚೆ ಸಭಾಭವನ ತಶೀಚಿ ಅನ್ನಪೂರ್ಣ ಭೋಜನಾಲಯಾಚೆ ಉದ್ಘಾಟನ ಮಾಗಿರಿ ಪೂಜ್ಯ ಸ್ವಾಮ್ಯಾಂಗೆಲೆ ಪಾದಪೂಜಾ ತಶೀಚಿ ಗೌರವಾರ್ಪಣ ಕಾರ್ಯಕ್ರಮ ಚಲ್ತಾ. ಮೇ. ೧೯ ಕ ಚೊಲ್ಚೆ ಉಚಿತ ಸಾಮೂಹಿಕ ಉಪನಯನ ಕಾರ್ಯಕ್ರಮ, ಮೇ. ೧೬ ತಾಕೂನು ಮೇ. ೧೯ ಪರಿಯಂತ ಚೊಲಚೆ ಸರ್ವ ಕಾರ್ಯಕ್ರಮ, ಕಾರ್ಯಕ್ರಮ ನಿರ್ವಹಣ ಕೊರಚೆ ಖಾತ್ತಿರಿ ದೈವಜ್ಞ ಸಮಾಜ ಸೇವಾ ಟ್ರಸ್ಟ್‌ನ (ರಿ) ನೂತನ ಕಾರ್ಯಕಾರಿ ಸಮಿತಿ ಸಭೆಂತು ಸಮಿತಿಕ ನವೀನ ಜಾವನು ವಿಂಚೂನು ಆಯಲೀಲೆ ಸರ್ವ ಸದಸ್ಯಾನಿ ಸಮಗ್ರ ಜಾವನು ಚರ್ಚಾ ಕೆಲ್ಲಿ.
ಮಾಗಿರಿ ಸಭೆಂತು ದೈವಜ್ಞ ಸಮಾಜ ಸೇವಾ ಟ್ರಸ್ಟ್ (ರಿ) ಹಾಜ್ಜೆ ನವೀನ ಪದಾಧಿಕಾರಿ ಆನಿ ಆಡಳಿತ ಸಮಿತಿ ವಿಂಚಣಿ(ಆಯ್ಕೆ) ಚಲ್ಲಿ. ಅಧ್ಯಕ್ಷ ಜಾವನು ಮಂಜುನಾಥ ನಾಗಪ್ಪ ವೇರ್ಣಕರ, ಉಪಾಧ್ಯಕ ಜಾವನು ವೆಂಕಟೇಶ ನಾಗಪ್ಪ ರಾಯ್ಕರ, ದಿನೇಶ ಕಮಲಾಕರ ಶೇಠ, ಖಜಾಂಚಿ ಜಾವನು ರವಿ ರಂಗನಾಥ ವೆರ್ಣೆಕರ, ಪ್ರಧಾನ ಕಾರ್ಯದರ್ಶಿ ಜಾವನು ಸುಧೀರ (ಮಂಜುನಾಥ) ನಾರಾಯಣ ದಿವಾಕರ, ಸಹಕಾರ್ಯದರ್ಶಿ ಜಾವನು ರವಿ ಎಮ್.ರಾಯ್ಕರ, ಬಾಲಾಜಿ ಎನ್. ಪಾಲನಕರ, ಉಲ್ಲಾಸ ಎಸ್ ಪಾಲನಕರ, ಗಣೇಶ ಡಿ. ರೇವಣಕರ, ವಕ್ತಾರ ಜಾವನು ರಾಘವೇಂದ್ರ ಜಿ. ಪಾಲನಕರ ವೆಂಚೂನು ಆಯಲೆ. ಆಡಳಿತ ಸಮಿತಿ ಸದಸ್ಯ ಜಾವನು ಆನಂದ ಸುಬ್ರಾಯ ವೇರ್ಣೆಕರ, ದಿಗಂಬರ ಎನ್ ಕುರ್ಡೆಕರ, ಹರಿಶ ಎಸ್ ರಾಯ್ಕರ, ವಿನಾಯಕ ವಿ ಕುರ್ಡೆಕರ, ಅಶೋಕ ಎಸ್.ಕುರ್ಡೆಕರ, ಮಹಿಳಾ ಸದಸ್ಯ ಜಾವನು ಸುಜಾತ ಎ. ಕುರ್ಡೆಕರ ಹಾನ್ನಿ ಸಕ್ಕಡ ವೆಂಚೂನು ಆಯಲೆ.