ಗಂಗಾವತಿ ಶಹರಾಚೆ ಜ್ಞಾನ ಗಣಪತಿ ದೇವಳಾಚೆ ಸಭಾಂಗಣಾಂತು ದೋನ ದಿವಸಾಚೆ ದೈವಜ್ಞ ಸಾಂಜೆ ೨೦೨೫ ಉತ್ಸವ ಅತೀವ ವೈಭವಾರಿ ಸಂಪನ್ನ ಜಾಲ್ಲೆ. ಹಿಂದು ಸನಾತನ ಧರ್ಮಾಚೆ ಸಾಂಪ್ರದಾಯಿಕತಾ ಆನಿ ವೈಭವಾಚೆ ಪ್ರತಿಬಿಂಬ ಹೇ ಉತ್ಸವಾಂತು ಅನಾವರಣ ಜಾವನು ಸರ್ವ ಸಮಾಜ ಬಾಂದವಾನಿ ತಾರೀಪು ಕೆಲ್ಲಿ.
ಉತ್ಸವಾಂತು ದಾರಲ್ಯಾಂಕ ಆನಿ ಬಾಯಲಾಂಕ ಖೇಳಧಾಂವ್ಡಿ, ರಂಗೋಲಿ, ಭಾಷಣ, ಪ್ರಬಂಧ, ಫ್ಯಾನ್ಸಿ ಡ್ರೆಸ್, ಆದರ್ಶ ದಂಪತಿಂಗೆಲೆ ವೆಂಚಣಿ, ಜಾನಪದ ಗಾನ, ಶ್ಲೋಕ ಪಠಣ ತಶೀಚಿ ನೃತ್ಯ ಸ್ಪರ್ಧಾ ಆಯೋಜನ ಕೊರನು ವಾಂಟೊ ಘೆತ್ತಲ್ಯಾಂಕ ಉಮೇದ ದಿಲೀಲೆ.
ಗಂಗಾವತಿಚೆ ಯಶೋದಾ ಆಸ್ಪತ್ರೆಚೆ ಸಹಕಾರಾನಿ ಉಚಿತ ರಕ್ತದಬಾವ(ರಕ್ತದೊತ್ತಡ) ಗೋಡಮೂತ ಆನಿ ರಕ್ತ ಪರೀಕ್ಷಾ ಆರೋಗ್ಯ ಶಿಬಿರ ಆಯೋಜನ ಕೆಲೀಲೆ. ಡಾ. ಸತೀಶ್ ರಾಯಕರ ತಶೀಚಿ ಡಾ. ಪ್ರಭಾ ರಾಯಕರ ತಾಂಗೆಲೆ ಶಂಬರಿ ಪಶಿ ಚ್ಹಡ ಸಮಾಜ ಬಾಂಧವಾನಿ ಆರೋಗ್ಯ ತಪಾಸಣಾ ಶಿಬಿರಚೆ ಪ್ರಯೋಜನ ಘೆತ್ಲೆ. ಸದ್ಭಾವನ ಸೇವಾ ಸಂಸ್ಥೆಚೆ ಪ್ರಾಯೋಜಕತ್ವಾರಿ ಚಲೀಲೆ ಹೇ ಕಾರ್ಯಕ್ರಮಾಂತು ಮಸ್ತ ಲೋಕ ಗಣ್ಯ ಉಪಸ್ಥಿತ ಉರ್ನು, ಸಮಾರಂಭ ಯಶ ಪಾವಚಾಕ ಮದತ್ ಕೆಲ್ಲೆ.
ಕಾರ್ಯಕ್ರಮಾಚೆ ಪ್ರಾಯೋಜಕ ಜಾಲೀಲೆ ಸದ್ಭಾವನ ಸೇವಾ ಸಂಸ್ಥೆಚೆ ಸುಬ್ರಹ್ಮಣ್ಯ ರಾಯಕರ, ದಿನೇಶ ರೇವಣಕರ ಕಾರಟಗಿ, ಪ್ರಶಾಂತ ಪಾಲನಕರ, ಚಂದ್ರಕಾಂತ ಕನಕಗಿರಿ, ಅಶೋಕ ಕುರ್ಡೆಕರ, ತಶೀಚಿ ವೈಷ್ಣವಿ ಊರಾಯಕರ ಆನಿ
ವೆಂಕಟೇಶರಾಯಕರ್, ರಾಘವೇಂದ್ರ ವೆರ್ಣಿಕರ, ಆನಂದ ವೇರ್ಣಿಕರ, ಶ್ವೇತಾ ವೇರ್ಣಿಕರ ಹೇ ಸಂದರ್ಭಾರಿ ಉಪಸ್ಥಿತ ವ್ಹರಲೀಲೆ.