ಕೊಂಕಣಿ ಮಾನ್ಯತಾ ದಿನಾಚರಣೆ ಪ್ರಯುಕ್ತ ಆಕಾಡೆಮಿಚಾನ ಮನೋರಂಜನಾ ಸ್ಪರ್ಧಾ

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಾಂಡ್ ಸೊಭಾಣ್ (ರಿ.) ಹಾಂಗೆಲೆ ಸಹಯೋಗಾರಿ ದಿನಾಂಕ ೨೦.೦೮.೨೦೨೫ಕ ಸಕ್ಕಾಣಿ ೯.೦೦ ತಾಕೂನು ಸಾಂಜವಾಳಾ ೪.೦೦ ಪರ್ಯಂತ ಶಕ್ತಿನಗರಾಚೆ ಕಲಾಂಗಣ್ ಸಭಾಂಗಣಾಂತು ಕೊಂಕಣಿ ವಿವಿಧ ಮನೋರಂಜನಾ ಸ್ಪರ್ಧಾ ಏರ್ಪಾಟ ಕೊರನು ಕೊಂಕಣಿ ಮಾನ್ಯತಾ ದಿನಾಚರಣ ಕೊಂಕಣಿಚೆ ದ್ವಜರೋಹಣ ಮೂಖಾಂತರ ವೈಭವಯುತ ಜಾವನು ಆಚರಣ ಕರತಾತಿ. ಸಕ್ಕಾಣಿ ೯.೦೦ ಘಂಟ್ಯಾಕ ಸಮ್ಮ ಜಾವನು ಉದ್ಘಾಟನಾ ಸಮಾರಂಭ ಬರಶಿ ವೆಗವೆಗಳೆ ಸ್ಪರ್ಧಾ ಚಲ್ತಾ. ಸಾಂಜವಾಳಾ ೪.೦೦ ಘಂಟ್ಯಾಕ ಸ್ಪರ್ಧಾ ವಿಜೇತಾಂಕ ಬಹುಮಾನ ಆನಿ ಪ್ರಮಾಣಪತ್ರ ದಿವನು ಸಮಾರೋಪ ಸಮಾರಂಭ ಆಚರಣ ಚಲ್ತಾ.

ಪ್ರೌಢ ಶಾಲೆ (೮ಚೆ ಕ್ಲಾಸಾಚಾನ ೧೦ಚೆಂ ತರಗತಿ) ಆನಿ ಕಾಲೇಜು ವಿಭಾಗಾಂತು (ಪಿಯುಸಿ ಆನಿ ಡಿಗ್ರಿ ಒಟ್ಟು ಜಾವನು ತಶೀಚಿ ವೆಗಳೆ ಕೋರ್ಸು ಮೇಳ್ನು) ಹೇ ಸ್ಪರ್ಧಾ ಚಲ್ತಾ. ಹರ್‍ಯೇಕ ಪಂಗ್ಡಾಕ ೨೦ ಮಿನಿಟ ವೇಳು ದಿತ್ತಾತಿ. ಹೇ ಸಂದಭಾರಿ ಲ್ಹಾನ ನಾಟ್ಕಳಿ, ಭಾವಗೀತಾ, ಕಾಮಿಡಿ, ವೊವಿಯೊ, ಗುಮಟ್, ಸಂಗೀತ, ನೃತ್ಯ ಆದಿ ಕಲಾ ಪ್ರಸ್ತುತ ಕೊರಯೇತ. ಸ್ವರ ಸಂಚಾಲಕ (ಎಂ.ಸಿ.) ಸಹಿತ ಪಂಗ್ಡಾಂತು ಕನಿಷ್ಟ ೧೦ ಚಾನ ಗರಿಷ್ಟ ೧೫ ಸದಸ್ಯ ಆಸ್ಸುಯೇತ. ಸ್ಪರ್ಧಾ ಸಮ್ಮ ಜಾವನು ೧೦.೦೦ ಘಂಟ್ಯಾಕ ಸೂರು ಜಾತ್ತಾ. ಚಾಂಗ ಪಂಗ್ಡಾಚೆ ಪ್ರದರ್ಶನಾಕ ಆಕರ್ಷಕ ನಗ್ದಿ ಬಹುಮಾನ ತಶೀಚಿ ಅತ್ಯುತ್ತಮ ನಿರೂಪಕಾಂಕ ಪ್ರಥಮ, ದ್ವಿತೀಯ ಆನಿ ತೀಸರೇಚೆ ಬಹುಮಾನ ದಿತ್ತಾತಿ. ಆಸಕ್ತ ಶಾಲಾ- ಕಾಲೇಜಾಚೆ ಸಂಸ್ಥೆಚಾನ ಆಪಣೇಲೆ ಸಂಸ್ಥೆ ತರಪೇನಿ ಸ್ಪರ್ಧಾ ಕೊರಚೆ ಸ್ಪರ್ಧಾಳುಂಗೆಲೆ ನಾಂವ ನೋಂದ ಕೊರಚಾಕ ಅಖೇರಿಚೆ ದಿವಸು ೧೬ ಆಗಸ್ಟ್ ೨೦೨೫ ಸಾಂಜವಾಳಾ ೫.೩೦ ಭಿತ್ತರಿ. ನಾಂವ ನೋಂದ ಕೊರಚಾಕ ರಿಜಿಸ್ಟ್ರಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಹಾನಗರ ಪಾಲಿಕೆ ಕಟ್ಟಡ, ಲಾಲ್ ಭಾಗ್, ಮಂಗಳೂರು-೫೭೫೦೦೩ ಜಾಂವೊ Kksa1994@gmail.com ಇ- ಮೇಯ್ಲ್ ಮೂಲಕ ನೋಂದ ಕೊರಯೇತ.