ಡಾ|| ರಮೇಶ ಕಾಮತ್ ಮಾಮ್ಮಾನಿ ನಿರ್ದೇಶನ ಕೆಲೀಲೆ ೪ಚೆಂ ಕೊಂಕಣಿ ಸಿನೇಮ “ಅಂತ್ಯಾರಂಭ ಅಧಿಕೃತ ಜಾವನು ೧೬ವೇಂ ಬೆಂಗಳೂರು ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವಾಂತು “ಅನ್‌ಸಂಗ್ ಇನ್‌ಕ್ರೆಡಿಬಲ್ ಇಂಡಿಯಾ – ಫಿಲ್ಮ್ಸ್ ಫ್ರಮ್ ಲಿಟಲ್ ನೋನ್ ಲ್ಯಾಂಗ್ವೇಜಸ್” ವಿಭಾಗಾಂತು ಆಯ್ಕೆ ಜಾಲ್ಲ್ಯಾ ಮ್ಹೊಣು ಆಜಿ ಸಕ್ಕಾಣಿ ಡಾ|| ರಮೇಶ ಕಮತ್ ಮಾಮ್ಮಾನಿ ಮ್ಯಾಸೇಜ್ ಘಾಲ್ನು ಸಂತೋಷ ವಾಂಟೂನು ಘೆತ್ಲ್ಯಾ. ಹೇ ಹರ್‍ಯೇಕ ಕೊಂಕಣಿಗಾಂಕ ಅಭಿಮಾನಾಚೆ ವಿಷಯು ಮ್ಹಳಯಾರಿ ಚ್ಹೂಖ ಜಾಯಸನಾ. ೧೬ವೇ ಬೆಂಗಳೂರು ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ ಮಾರ್ಚ್ ೧ ತಾಕೂನು ೮, ೨೦೨೫ ಪರಿಯಂತ ಬೆಂಗಳೂರ್‍ಚೆ ಓರಿಯನ್ ಮಾಲ್ ಹಾಂಗಾ ಸಂಪನ್ನ ಜಾವಚೆ ಆಸ್ಸಾ.
ಬೆಂಗಳೂರು ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ ವೈಶಿಷ್ಠ್ಯಪೂರ್ಣ ಆನಿ ಗುಣಮಟ್ಟಾಚೆ ಜಾಗತಿಕ ಆನಿ ಪ್ರಾದೇಶಿಕ ಸಿನೇಮಾ ಉತ್ಸವ ಆಚರಣ ಕೊರಚೆ ಏಕ ಮುಖೇಲ ಕಾರ್ಯಕ್ರಮ ಜಾವ್ನಸ್ಸಾ. ಜಗಾತ್ತಾಚೆ ಸಕ್ಕಡೆಚಾನ ಚಲನಚಿತ್ರ ನಿರ್ಮಾಪಕ, ಸಿನೇಮಾ ಉದ್ಯಮಾಚೆ ವೃತ್ತಿಪರ ಆನಿ ಸಿನಿಮಾ ಉತ್ಸಾಹಿ ಲೋಕಾಂಕ ಏಕತ್ರ ಕೊರನು ಘೆಲೀಲೆ ಏಕ ವರಸಾಂತು ತಯಾರ ಜಾಲೀಲೆ ವೈಶಿಷ್ಠ್ಯಪೂರ್ಣ ಚಲನಚಿತ್ರಾಂಚೆ ಆನಿ ಸಿನೇಮಾ ಜಗಾಚೆ ಅನಾವರಣ ಕರತಾ.
ಘೆಲೀಲೆ ವರ್ಷ ಬೆಂಗಳೂರಾಂತು ಚಲೀಲೆ ೧೫ವೇಂ ಆವೃತ್ತಿಚೆ ಅದ್ಭುತ ಯಶ ಪಾವಲ್ಯಾ. ಹಾಂತು ೨೦೦ ಪಶಿ ಚ್ಹಡ ಚಲನಚಿತ್ರ ಪ್ರದರ್ಶಿತ ಜಾಲೀಲೆ, ೬೦ ಪಶಿ ಚ್ಹಡ ರಾಷ್ಟ್ರಾಂಚೆ ೧೩ ಪರದೆಂತು ೪೦೦ ಪ್ರದರ್ಶನ ಚಲ್ಲ್ಯಾ. ಆನಿ ೧೨,೦೦೦ ಪಶಿ ಚ್ಹಡ ಲೋಕ ಪ್ರತಿನಿಧಿ ಜಾವನು ವಾಂಟೊ ಘೆತ್ತಿಲೆ. ೧ ಲಕ್ಷ ಪಶಿ ಚ್ಹಡ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವಾಚೆ ವೀಕ್ಷಣ ಕೆಲ್ಲಿ. ಆನಿ ತಾಂತುಲೆ ಕ್ವಾಲಿಟಿಕ ಖುಶಿ ಪಾವಲೆ. ತಾರೀಪು ಕೆಲ್ಲೆ. ಅವುಂದು ಪೊರು ಪಶಿ ಚ್ಹಡ್ತೆ ನಿರೀಕ್ಷಾ ಕೊರಯೇತ.
ಡಾ|| ರಮೇಶ ಕಾಮತ್ ಆನಿ ತಾಂಗೆಲೆ ಸಗಳೇ ಚಿತ್ರತಂಡಾಕ ಹೇ ಅತ್ಯುತ್ತಮ ಯಶಾ ಖಾತ್ತಿರಿ ಅಭಿನಂದನ ಪಾವಯತಾ ಆಪಣೇಲೆ ೭೩ ವರ್ಷಾಚೆ ವಯಾಂತೂ ಮಾತೃಭಾಸ ಕೊಂಕಣಿ ಖಾತೇರಿ ವಾವರೋ ಕರತಾ ಆಸ್ಸುಚೆ ಡಾ|| ರಮೇಶ ಕಾಮತ್ ಮಾಮ್ಮಾಂಕ ಅಭಿನಂದನ ಪಾವಯಚಾಕ ತಾಂಗೆಲೆ ಕೊಂಕಣಿ ಸಿನೇಮ ವೀಕ್ಷಣ ಕೊರನು, ಅಭಿಪ್ರಾಯ ಸಾಂಗೂನು ಮುಖಾರಿ ವರೇನ ತಾನ್ನಿ ಆನ್ನೀಕೆ ಚ್ಹಡ ಕೊಂಕಣಿ ಸಿನೇಮ ತಯಾರ ಕೊರಚಾಕ ಪ್ರಾತ್ಸಾಹ ದಿವಕಾ ಮ್ಹೊಣು ಸಕಡಾಲಾಗ್ಗಿ ವಿನಂತಿ ಕರತಾ.
ವಿಶೇಷ ಸೂಚನಾ : ಖಂಚೇಯಿ ಗಾಂವಾಚೆ ಜಿ.ಎಸ್.ಬಿ., ಎಸ್.ಬಿ ಜಾಂವೊ ಇತರ ಕೊಂಕಣಿ ಸಮಾಜಾಚಾನ ಹೇ ಕೊಂಕಣಿ ಸಿನೇಮ ಪ್ರದರ್ಶನ ಕೊರಚಾಕ ಇಚ್ಛಾ ಕೆಲಯಾರಿ ಕೇವಲ ಸ್ಕ್ರೀನಾ(ಪರದೆ)ಚೆ ವ್ಯವಸ್ಥಾ ಕೆಲಯಾರಿ ಪುರೊ. ಉಚಿತ ಜಾವ್ನು ಯವ್ನು ತಾನ್ನಿ ಪ್ರದರ್ಶನ ದಿವನು ವತ್ತಾತಿ. ಚಡ್ತೆ ಮಾಹಿತಿಕ ಮೊ : ೯೮೪೫೧ ೯೩೪೩೨ (ಡಾ|| ರಮೇಶ ಕಾಮತ್) ಜಾಂವೊ ೯೮೪೫೨೦೭೪೨೮ (ಶ್ರೀ ದಾಮೋದರ ನಾಯಕ) ಹಾಂಗೆಲೆ ಸಂಪರ್ಕ ಕೊರಯೇತ.
कॊंकणि भाषॆक पाव्विलॆ गौरव!!! “अंत्यारंभसिनेम १६वें बॆंगळूरु अंतरराष्ट्रीय चलनचित्रोत्सवांतु भागि
डा॥ रमेश कामत् माम्मानि निर्देशन कॆलीलॆ ४चॆं कॊंकणि सिनेम “अंत्यारंभ अधिकृत जावनु १६वें बॆंगळूरु अंतरराष्ट्रीय चलनचित्रोत्सवांतु “अन्संग् इन्क्रॆडिबल् इंडिया – फिल्म्स् फ्रम् लिटल् नोन् ल्यांग्वेजस्” विभागांतु आय्कॆ जाल्ल्या म्हॊणु आजि सक्काणि डा॥ रमेश कमत् माम्मानि म्यासेज् घाल्नु संतोष वांटूनु घॆत्ल्या. हे हर्येक कॊंकणिगांक अभिमानाचॆ विषयु म्हळयारि च्हूख जायसना. १६वे बॆंगळूरु अंतरराष्ट्रीय चलनचित्रोत्सव मार्च् १ ताकूनु ८, २०२५ परियंत बॆंगळूर्चॆ ओरियन् माल् हांगा संपन्न जावचॆ आस्सा.
बॆंगळूरु अंतरराष्ट्रीय चलनचित्रोत्सव वैशिष्ठ्यपूर्ण आनि गुणमट्टाचॆ जागतिक आनि प्रादेशिक सिनेमा उत्सव आचरण कॊरचॆ एक मुखेल कार्यक्रम जाव्नस्सा. जगात्ताचॆ सक्कडॆचान चलनचित्र निर्मापक, सिनेमा उद्यमाचॆ वृत्तिपर आनि सिनिमा उत्साहि लोकांक एकत्र कॊरनु घॆलीलॆ एक वरसांतु तयार जालीलॆ वैशिष्ठ्यपूर्ण चलनचित्रांचॆ आनि सिनेमा जगाचॆ अनावरण करता.
घॆलीलॆ वर्ष बॆंगळूरांतु चलीलॆ १५वें आवृत्तिचॆ अद्भुत यश पावल्या. हांतु २०० पशि च्हड चलनचित्र प्रदर्शित जालीलॆ, ६० पशि च्हड राष्ट्रांचॆ १३ परदॆंतु ४०० प्रदर्शन चल्ल्या. आनि १२,००० पशि च्हड लोक प्रतिनिधि जावनु वांटॊ घॆत्तिलॆ. १ लक्ष पशि च्हड अंतरराष्ट्रीय चलनचित्रोत्सवाचॆ वीक्षण कॆल्लि. आनि तांतुलॆ क्वालिटिक खुशि पावलॆ. तारीपु कॆल्लॆ. अवुंदु पॊरु पशि च्हड्तॆ निरीक्षा कॊरयेत.
डा॥ रमेश कामत् आनि तांगॆलॆ सगळे चित्रतंडाक हे अत्युत्तम यशा खात्तिरि अभिनंदन पावयता आपणेलॆ ७३ वर्षाचॆ वयांतू मातृभास कॊंकणि खातेरि वावरो करता आस्सुचॆ डा॥ रमेश कामत् माम्मांक अभिनंदन पावयचाक तांगॆलॆ कॊंकणि सिनेम वीक्षण कॊरनु, अभिप्राय सांगूनु मुखारि वरेन तान्नि आन्नीकॆ च्हड कॊंकणि सिनेम तयार कॊरचाक प्रात्साह दिवका म्हॊणु सकडालाग्गि विनंति करता.
विशेष सूचना : खंचेयि गांवाचॆ जि.ऎस्.बि., ऎस्.बि जांवॊ इतर कॊंकणि समाजाचान हे कॊंकणि सिनेम प्रदर्शन कॊरचाक इच्छा कॆलयारि केवल स्क्रीना(परदॆ)चॆ व्यवस्था कॆलयारि पुरॊ. उचित जाव्नु यव्नु तान्नि प्रदर्शन दिवनु वत्ताति. चड्तॆ माहितिक मॊ : ९८४५१ ९३४३२ (डा॥ रमेश कामत्) जांवॊ ९८४५२०७४२८ (श्री दामोदर नायक) हांगॆलॆ संपर्क कॊरयेत.