ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನ ಅಕಾಡೆಮಿ ಸಭಾಂಗಣಾಂತು ಸಪ್ಟೆಂಬರ್ ೦೬, ೨೦೨೫ಕ ‘ಕಾವ್ಯಾಂ ವ್ಹಾಳೊ-6’ ಶೀರ್ಷಿಕೆಂತು ಕವಿಗೋಷ್ಟಿಯನ್ನು ಆಯೋಜನ ಕೆಲೀಲೆ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಸಮಾರಂಭಾಚೆ ಅಧ್ಯಕ್ಷಪಣ ಘೆತ್ತಿಲೆ. ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲೋನು `ಅಕಾಡೆಮಿಕ ಕೊಂಕಣಿ ಲೋಕಾನಿ ಕೆದನಾಂಯಿಲಾಗ್ಗಿ ಆಸ್ಸುಕಾ, ಆನಿ ಕೊಂಕಣಿ ಯುವ ಕವಿಂಕ ವೇದಿಕಾ ಮೆಳ್ಕಾ ಮ್ಹಣಚೆ ಉದ್ದೇಶಾನಿ ಅಸ್ಸಾಲೆ ಕಾರ್ಯಕ್ರಮ ಆಯೋಜನ ಕರತಾತಿ ಆಸತಾತಿ, ಹರಯೆಕ್ಲ್ಯಾನಿ ಹಾಜ್ಜೆ ಮುನಾಪೊ ಘೆವ್ಕಾ.. ಮ್ಹಣ್ಚೆ ಆಪೋವ್ನಿ ದಿಲ್ಲೆ.
ಕೊಂಕಣಿಚೆ ಮ್ಹಾಲ್ಗಡೆ ಸಾಹಿತಿ ಶ್ರೀ ಹೇಮಾಚಾರ್ಯತಾನ್ನಿ ಮುಖೇಲ ಸೊಯರೆ ಜಾವ್ನು ವಾಂಟೊ ಘೇವ್ನು “ಖಂಚೇಯಿ ಏಕಳೋ ನಾಟಕಕಾರ, ನಟ, ನೃತ್ಯಗಾರ, ಚಿತ್ರಕಾರ ಜಾವಕಾ ಜಾಲಯಾರೀಚಿ ತಾಣೆ ಜನ್ಮಿತಾನಾ ಕವಿ ಜಾವನು ಜನ್ಮುಕಾ, . ಕಾದಂಬರಿ, ಲ್ಹಾನಕಾಣಿ, ಕಾಣಿ, ಹಾಜ್ಜೆ ಮುಖಾರ್‍ಚೆ ಕವಿತೇಕ ತಾಜ್ಜೇಚಿ ಜಾಲೀಲೆ ಪ್ರಾಶಸ್ತ್ಯಾ ಆಸ್ಸಾ. ಕಾವ್ಯ ರಚಯಿತಾಲೊ ಜೀವನಾಂತು ಚಾಂಗ ಕೊರಚಾಕ ಶಕ್ತಾ ಮ್ಹೊಣು ತಾನ್ನಿ ಸಾಂಗ್ಲೆ.
ಶ್ರೀ ರೊನಾಲ್ಡ್ ಕ್ರಾಸ್ತಾ ತಾನ್ನಿ ಕವಿಗೋಷ್ಟಿ ಚಲೋನು ದಿಲ್ಲಿ. ಹಾಂತು ಶ್ರೀ ರೋಶನ್ ಎಮ್ ಕಾಮತ್ ವಾಮಂಜೂರು, ಕು. ಅಲ್ರೀಶಾ ರೊಡ್ರಿಗಸ್, ಶ್ರೀಮತಿ ಚಂದ್ರಿಕಾ ಮಲ್ಯ, ಶ್ರೀ ಸ್ಟೆಫನ್ ವಾಸ್ ಕೆಲರಾಯ್, ಶ್ರೀಮತಿ ಎಸ್. ಜಯಶ್ರೀ ಶೆಣೈ, ಶ್ರೀ ಪೆದ್ರು ಪ್ರಭು ತಾಕೊಡೆ (ಪೀಟರ್ ಡಿಸೋಜ), ಶ್ರೀಮತಿ ಸೋನಿಯಾ ಡಿಕೋಸ್ತ, ಶ್ರೀ ಕೆರನ್ ಮಾಡ್ತಾ, ಶ್ರೀ ವಲೇರಿಯನ್, ಮೊರಾಸ್ ತಾಕೊಡೆ, ಶ್ರೀ ಚಾರ್ಲ್ಸ್ ಲೋಬೊ ಆದಿ ಕೊಂಕಣಿ ಕವಿವರ್ಯಾನಿತಾಂಗತಾಂಗೆಲೆ ಕವಿತಾ ಪ್ರಸ್ತುತ ಕೆಲ್ಲಿ.