ಕರ್ನಾಟಕ ಕೋಂಕಣೀ ಸಾಹಿತ್ಯ ಅಕಾದೇಮೀನ 07 ಫೇಬ್ರುವಾರೀ 2026 ದಿಸಾ ಅಕಾದಮೀಚ್ಯಾ ಸಭಾಭವನಾಂತ ಕಾವ್ಯಾ ವ್ಹಾಳೊ-11 ನಾಂವಾಚೀ ಕವಿತಾ ಗೋಷ್ಟಿ (ಮೇಳಾವಣೀ) ಘಡೋವನ ಹಾಡಲೀ. ಹ್ಯಾ ಕಾರ್ಯಕ್ರಮಾಚೇ ಅಧ್ಯಕ್ಷಪದ ಅಕಾದೇಮೀಚೇ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ಹಾಂಣೀ ಕೇಲೇಂ. ಪ್ರಸ್ತಾವನಾಂತ ಉಲಯತನಾ ತಾನ್ನಿ ಫಾಟಲ್ಯಾ ವರ್ಸಾ ೮ ಮಾರ್ಚಾಕ ಆಂತರರಾಷ್ಟ್ರೀಯ ಬಾಯಲಾಂ ದಿಸಾ ವೇಳ್ಯಾರಿ ಬಾಯಲಾಂ ಖಾತೀರ ಕಾವ್ಯಾಂ ವ್ಹಾಳೊ ಹೀ ಕಾರ್ಯಾವಳ ಸುರೂ ಜಾಲೀ, ಆನೀ ಆಜಿ ಕಾವ್ಯಾಂ ವ್ಹಾಳೊ ೧೧ವ್ಯಾ ಆವೃತ್ತೀಂತ ಪಾವಲ್ಯಾ. ಕರ್ನಾಟಕ ಸರಕಾರ ಕೋಂಕಣೀ ಸಮಾಜಾ ಖಾತೀರ ಕರ್ನಾಟಕ ಕೋಂಕಣೀ ಸಾಹಿತ್ಯ ಅಕಾದೇಮೀಚೀ ಸ್ಥಾಪನ ಕರೂನ ಕೋಂಕಣೀ ಭಾಶೇಚೇ ಉದರಗತೀಚೇರ ಬಽಲ ದಿಲಾ. ಹೇ ಬಾಬತೀಂತ ಕರ್ನಾಟಕ ಕೋಂಕಣೀ ಸಾಹಿತ್ಯ ಅಕಾದೇಮೀಕ ಫಾಟಲ್ಯಾ ಏಪ್ರೀಲಾಂತ ಸುರೂ ಜಾಲ್ಲ್ಯಾ ಕಾವ್ಯಾಂ ವ್ಹಾಳೊ ಕವಿತಾ ಮೇಳಾವ್ಯಾಂತ ಕೋಂಕಣೀ ಕವೀಂನೀ ಸಾದರ ಕೇಲ್ಲೋ ಕವಿತಾಂ ಸಂಗ್ರಹ `ಕಾವ್ಯಾಂ ವ್ಹಾಳೊ ಹೇಂ ಪುಸ್ತಕ ಛಾಪೂನ, ಉಜವಾಡಾಕ ಹಾಡಚಾಕ ಆನಂದ ಜಾತಾ. ಮ್ಹಳ್ಳೆ.
ಏಪ್ರಿಲ ೨೦೨೫ ಸಾವನ ಸುರೂ ಜಾಲ್ಲ್ಯಾ ಕಾವ್ಯಾಂ ವ್ಹಾಳೋ ಕವಿತಾ ಮೇಳಾವ್ಯಾಂತ ಕೋಂಕಣೀ ಕವೀಂನೀ ಸಾದರ ಕೇಲ್ಲ್ಯಾ ಕವಿತಾಂ ಸಂಗ್ರಹ ಭಾಗ-೧, ಮುಖೇಲ ಸೋಯರೀ, ನಾಮನೇಚೀ ಗಾಯಿಕಾ ಜೀನಾ ಪರೇರಾ ಹಾಂಣೀ ಉಕ್ತಾವಣ ಕೇಲೇಂ ಆನೀ ತಾಂಕಾಂ ಬರೇಂ ಮಾಗಲೇಂ. ಮಾಗೀರ ಉಲಯಲೋ ತಾನೀ ಕಾದಂಬರೀ, ಲಘುಕಥಾ, ಕಥಾ ಹಾಜ್ಜೆ ಮುಖಾರ ಕವಿತೆಂಕ ತಾಜ್ಜೇಚಿ ಜಾಲೀಲೆ ಮಹತ್ವ ಆಸ್ಸಾ. ಕವಿತಾ ರಚಯತಾಲೊ ಜೀವನಾಂತು ಸಾಧನಾ ಕರತಾ. ಅಶೀಚಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿನಿ ಕೊಂಕಣಿಚೆ ಸರ್ವ ಕ್ಷೇತ್ರಾಂತು ವಾವರೋ ಕೊರಚೆ ಲೋಕಾಂಕ ಗುರ್ತು ಕೊರನು ಮಾನ್ಯತಾಯ ಆನೀ ಮಾನ ದಿವಪಾ ಖಾತೀರ ತಾಂಣೀ ಅಕಾದೇಮೀಕ ಅಭಿನಂದನ ಕೆಲಿ.
ಕೊಂಕಣಿ ಭಾಶೇಚಿ ಮ್ಹಾಲಗಡಿ ಕಾರ್ಯಕರ್ತೆ ಆನೀ ನಾಮನೇಚೀ ಕವೀ ಶ್ರೀಮತೀ ಜ್ಯೂಲಿಯೆಟ್ ಮೊರಾಸ್ ಹಾಂಕಾಂ ಗೌರವ ಪೂರ್ವಕ ಸನ್ಮಾನು ಕೆಲಿ. ನಾಮನೇಚೀ ಕವಿ ಜಾಲೀಲೆ ಶ್ರೀ ವಿನ್ಸೆಂಟ್ ಆಳ್ವ ಹಾಂಣೀ ಕವಿಗೋಷ್ಟಿ ಚಲೋನು ಕವಿ, ಕವಿತಾ ವಿಷಯಾಚೇರಿ ಸವಿಸ್ತಾರ ವಿವರ ದಿಲಿ. ಮ್ಯಾಕ್ಸಿಂ ಲುದ್ರಿಗ್ ಬೊಂದೆಲ್, ಸೀಮಾ ಕಾಮತ್, ಜಗದೀಶ್ ಭಂಡಾರಿ, ಮಾರ್ಟಿನ್ ಆರ್. ಡಿಸೋಜಾ, ಸಿ. ಸಿಲ್ವಿಯಾ ಸುವಾರಿಸ್, ವನಿತಾ ನಾಯಕ್, ರೋಶನ್ ಕ್ರಾಸ್ತಾ, ಜೊಯ್ಸ್ ಪಿಂಟೊ ಮತ್ತು ಫೆಲ್ಸಿ ಲೋಬೊ ಆದಿ ಕವಿಮಿತ್ರಾನಿ ಆಪಣೇಲೆ ಕವಿತಾ ವಾಚನ ಕೆಲಿ.
ಅಕಾಡೆಮಿ ಸಾಂದೊ ಜಾಲೀಲೆ ಶ್ರೀ ರೊನಾಲ್ಡ್ ಕ್ರಾಸ್ತಾ ಕಾರ್ಯಕ್ರಮ ಚಲೋನು ದಿವನು, ಆಬಾರ ಮಾನಲೆ. ಆನ್ನೇಕ ಸಾಂದೊ ಶ್ರೀ ಸಮರ್ಥ್ ಭಟ್ ಉಪಸ್ಥಿತ ವ್ಹರಲೀಲೆ.
‘काव्यां व्हाळॊ- ११’ कॊंकणि कविगोष्टि
कर्नाटक कोंकणी साहित्य अकादेमीन ०७ फेब्रुवारी २०२६ दिसा अकादमीच्या सभाभवनांत काव्या व्हाळॊ-११ नांवाची कविता गोष्टि (मेळावणी) घडोवन हाडली. ह्या कार्यक्रमाचे अध्यक्षपद अकादेमीचे अध्यक्ष श्री जोकिं स्ट्यानि आल्वारिस् हांणी केलें. प्रस्तावनांत उलयतना तान्नि फाटल्या वर्सा ८ मार्चाक आंतरराष्ट्रीय बायलां दिसा वेळ्यारि बायलां खातीर काव्यां व्हाळॊ ही कार्यावळ सुरू जाली, आनी आजि काव्यां व्हाळॊ ११व्या आवृत्तींत पावल्या. कर्नाटक सरकार कोंकणी समाजा खातीर कर्नाटक कोंकणी साहित्य अकादेमीची स्थापन करून कोंकणी भाशेचे उदरगतीचेर बऽल दिला. हे बाबतींत कर्नाटक कोंकणी साहित्य अकादेमीक फाटल्या एप्रीलांत सुरू जाल्ल्या काव्यां व्हाळॊ कविता मेळाव्यांत कोंकणी कवींनी सादर केल्लो कवितां संग्रह `काव्यां व्हाळॊ हें पुस्तक छापून, उजवाडाक हाडचाक आनंद जाता. म्हळ्ळॆ.
एप्रिल २०२५ सावन सुरू जाल्ल्या काव्यां व्हाळो कविता मेळाव्यांत कोंकणी कवींनी सादर केल्ल्या कवितां संग्रह भाग-१, मुखेल सोयरी, नामनेची गायिका जीना परेरा हांणी उक्तावण केलें आनी तांकां बरें मागलें. मागीर उलयलो तानीकादंबरी, लघुकथा, कथा हाज्जॆ मुखार कवितॆंक ताज्जेचि जालीलॆ महत्व आस्सा. कविता रचयतालॊ जीवनांतु साधना करता. अशीचि कर्नाटक कॊंकणि साहित्य अकाडॆमिनि कॊंकणिचॆ सर्व क्षेत्रांतु वावरो कॊरचॆ लोकांक गुर्तु कॊरनु मान्यताय आनी मान दिवपा खातीर तांणी अकादेमीक अभिनंदन कॆलि.
कॊंकणि भाशेचि म्हालगडि कार्यकर्तॆ आनी नामनेची कवी श्रीमती ज्यूलियॆट् मॊरास् हांकां गौरव पूर्वक सन्मानु कॆलि. नामनेची कवि जालीलॆ श्री विन्सॆंट् आळ्व हांणी कविगोष्टि चलोनु कवि, कविता विषयाचेरि सविस्तार विवर दिलि. म्याक्सिं लुद्रिग् बॊंदॆल्, सीमा कामत्, जगदीश् भंडारि, मार्टिन् आर्. डिसोजा, सि. सिल्विया सुवारिस्, वनिता नायक्, रोशन् क्रास्ता, जॊय्स् पिंटॊ मत्तु फॆल्सि लोबॊ आदि कविमित्रानि आपणेलॆ कविता वाचन कॆलि.
अकाडॆमि सांदॊ जालीलॆ श्री रॊनाल्ड् क्रास्ता कार्यक्रम चलोनु दिवनु, आबार मानलॆ. आन्नेक सांदॊ श्री समर्थ् भट् उपस्थित व्हरलीलॆ.