ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೊ ವಿಶ್ವವಸು ನಾಮ ಸಂವತ್ಸರಾಚೆ ವಸಂತಮಾಸಾಚರಣ ಮಾರ್ಚ್ ೩೦ ತಾಕೂನು ಮೇ ೧೨ ಪರಿಯಂತ ಶ್ರೀ ಕ್ಷೇತ್ರ ಹರಿದ್ವಾರ ಶ್ರೀ ಕಾಶೀಮಠಾಚೆ ಶ್ರೀ ವ್ಯಾಸಾಶ್ರಮಾಂತು ಸಂಪನ್ನ ಜಾವಚೆ ಆಸ್ಸಾ ಮ್ಹೊಣು ಕೋಳ್ನು ಆಯಲಾ. ೨೦೨೫ -೨೦೨೬ ವರ್ಷ (ಪೂಜ್ಯ ಸುಧೀಂದ್ರ ತೀರ್ಥ ಸ್ವಾಮೆಂ ೩೧ ಮಾರ್ಚ್ ೧೯೨೬ಕ ಜನ್ಮಿಲೆ) ಪೂಜ್ಯ ಸ್ವಾಮ್ಯಾಂಗೆಲೆ ಪ್ರಿಯಗುರು ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೊ ಜನ್ಮ ಶತಮಾನೋತ್ಸವ ವರ್ಷ ಜಾವನಾಸ್ಸುನು ತತ್ಸಂಬಂಧ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಕ ಪರಮಪ್ರಿಯ ಜಾಲೀಲೆ ತಾಂಗೆಲೆ ವೃಂದಾವನ ಆಸ್ಸುಚೆ ಆನಿ ಶ್ರೀ ವೇದವ್ಯಾಸಾಂಗೆಲೆ ದಿವ್ಯ ಸಾನಿಧ್ಯ ಆಸ್ಸುಚೆ ಹರಿದ್ವಾರಾಚೆ ವ್ಯಾಸಾಶ್ರಮಾಂತು ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಪೂಜ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಅವಂದೂಚೆ ವಸಂತಮಾಸ ಆಚರಣ ಕರತಾತಿ. ಹೇ ಸಂದರ್ಭಾರಿ ಸಂವ್ಸಾರ ಪಾಡವೊ (ಮಾರ್ಚ್ ೩೦), ಶ್ರೀ ರಾಮನವಮಿ(ಎ.೬), ಹನುಮಾನ್ ಜಯಂತಿ(ಎ.೧೨), ಅಕ್ಷಯ ತೃತೀಯ(ಎ.೩೦), ವೇದವ್ಯಾಸ ಜಯಂತಿ(ಮೇ.೧೦), ನರಸಿಂಹ ಜಯಂತಿ (ಮೇ.೧೧) ವೈಶಾಖ ಪುನ್ನವ (ಮೇ.೧೨) ಕಾರ್ಯಕ್ರಮ ಪೂಜ್ಯ ಶ್ರೀಮದ್ ಸಂಯಮೀಂದ್ರ ಸ್ವಾಮ್ಯಾಂಗೆಲೆ ದಿವ್ಯ ಸಾನಿಧ್ಯಾರಿ ವಿಜೃಂಭಣೆರಿ ಚಲ್ತಾ.
ಮಾರ್ಚ್ ೩೦ ತಾಕೂನು ಎಪ್ರಿಲ್ ೧೦ರ ತನಕ ವಿವಿಧ ವಾಹನ ಪೂಜಾ ಚಲ್ತಾ. ಹೇ ಮಧೇ ಎಪ್ರಿಲ್ ೧೪ಕ ಪೂಜ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಜನ್ಮ ನಕ್ಷತ್ರಾಚೆ ದಿವಸಾಂತು ಜನ್ಮ ಶತಾಬ್ಧಿ ಆರಾಧನೋತ್ಸವು ಚಲ್ತಾ. ತೆದಿವಸು ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಪೂಜ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಸ್ವರ್ಣ ಪಾದುಕೇಕ, ವೃಂದಾವನಾಕ ಸ್ವರ್ಣ ಪುಷ್ಪಾರ್ಚನ,, ಪವಮಾನಾಭಿಷೇಕ ಚಲ್ತಾ. ಶ್ರೀ ವೇದವ್ಯಾಸ ದೇವಾಕ ವಿಶೇಷ ಪೂಜಾ, ಹೋಮ-ಹವನಾದಿ ಕಾರ್ಯಕ್ರಮ ಚಲ್ತಾ ಮ್ಹೊಣು ಮಾಹಿತಿ ಆಸ್ಸಾ.
ಪೂಜ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ವಸಂತಮಾಸ ಆನಿ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಆರಾಧನೋತ್ಸವು ಹರಿದ್ವಾರಾಂತೂ ಚಲಚಾ ವೊಚ್ಚುನು ಸಮಾಜ ಬಾಂದವಾಂಕ ಹೇ ವೇಳ್ಯಾರಿ ಹರಿದ್ವಾರಾಕ ವಚ್ಚೆ ನಿಮಿತ್ತ್ಯಾನಿ ದೀನ್ಪಟ್ಟ ಮುನಾಪೋ ಮೆಳ್ತಾ. ಮಾತ್ರ ಶ್ರೀ ವ್ಯಾಸರಘುಪತಿಕೆ ಕೃಪಾಕಟಾಕ್ಷಾಕ ಪಾತ್ರ ಜಾವಚೆ ಸದವಕಾಶ ವರೇನ ಲಾಭ್ತಾ.