ವಿಶ್ವಕೊಂಕಣಿ ಕೇಂದ್ರ, ಮಂಗಳೂರು

ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ  ಯೋಜನೆಂತ ವೆಂಚುನ್ ಆಯಿಲ್ಲೆ ದ .ಕ  ಆನಿ  ಉಡುಪಿ   ಜಿಲ್ಲೆಂತಲೆ ಕಾಲೇಜ  ವಿದ್ಯಾರ್ಥಿಂಕ    ‘ಕ್ಷಿತಿಜ’  ತೀನಿ  ದಿವಸಾಚೆ
ಉಚಿತ ಕೌಶಲ್ಯ ತರಬೇತ ಶಿಬಿರ ವಿಶ್ವ ಕೊಂಕಣಿ ಕೇಂದ್ರಾಂತ  ತಾ. 28-06-2024 ಥಾವನ 30-06 -24 ಮೆರೆನ  ಆಯೋಜನ ಕೆಲ್ಲೆಂ. ಹೆಂ ಶಿಬಿರಾಂತು  ವೆವೆಗಳೇ ಗಾಂವಾ ಥಾಕುನ ಆಯಿಲೆ ಯುವ ವಿದ್ಯಾರ್ಥಿಕ  ಯೋಗ  ಶಿಕ್ಷಣ ತಾಕುನ  ಮೃದು  ಕೌಶಲ್ಯ, ಜೀವನ ಕೌಶಲ್ಯ, ಮ್ಹಾಲ್ಗಡೆ ಒಟ್ಟು  ಸಹಬಾಳ್ವೆ ಜೀವನಾಂತ   ಕಲೆಚೊ ಅಗತ್ಯ, ಯುವ ಉದ್ಯಮ ಕಾರಾಂಕ  ಪ್ರೇರಣಾ ಉಪನ್ಯಾಸ, ಅಶಿಂ ವೆವೆಗಳೆ ಕ್ಷೇತ್ರಾಚೆ ಜ್ನಾನ ಆನಿ ತಾಂಗೆಲೆ ಭವಿಷ್ಯಾಚೆ ಶಿಕ್ಷಣ ಆನಿ ವೃತ್ತಿ ಜೀವನಾ ಖಾತೀರ ಆತ್ಮ ವಿಶ್ವಾಸ ವೃದ್ಧಿ ಕರಚೆ ವೆವೆಗಳೇ ವಿಚಾರ ಭಾಸಾ ಭಾಸ ಚಲ್ಲೆಂ. ಶಿಬಿರಾಚೆ ಉಗ್ತಾವಣ ಸಮಾರಂಭಾಂತ ಮುಖೇಲ ಸೊಯರೆ ಜಾವನು ಆಯಿಲೆ ನಿವೃತ್ತ ಬ್ಯಾಂಕ ಅಧಿಕಾರಿ ಬಾಲಚಂದ್ರ ರಾವ್  ಹಾನಿ
ಶಿಬಿರಾರ್ಥಿಂಕ  ಸ್ಫೂರ್ತಿದಾಯಕ ಸಂದೇಶ ದಿಲ್ಲೆಂ. ಮ್ಹಾಲ್ಗಡೆ  ಲೇಕ ತಪಾಸಕ
ಸಿ.ಎ  ಜಯಂತ ಶೆಣೈ ನಗರ, ಸಿ.ಎ ಸುರೇಂದ್ರನಾಯಕ, ವೇದಮೂರ್ತಿ ಬಿ ಗಣಪತಿ ಭಟ್ ಉಳ್ಳಾಲ ಉಪಸ್ಥಿತ
ಆಶಿಲಿಂ.  ವಿಶ್ವ ಕೊಂಕಣಿ ಕೇಂದ್ರ   ಅಧ್ಯಕ್ಷ ಸಿ. ಎ. ನಂದಗೋಪಾಲ್ ಶೆಣೈ ಹಾನ್ನಿ ಸೊಯರೆಂಕ  ಸ್ವಾಗತ
ಕೆಲೆಂ. ಉಪಾಧ್ಯಕ್ಷ ಗಿಲ್ಬರ್ಟ್ ಡಿಸೋಜ, ಖಜಾಂಚಿ ಬಿ. ಆರ್ ಭಟ್, ಡಾ. ಬಿ. ದೇವದಾಸ ಪೈ ಉಪಸ್ಥಿತ
ಆಶಿಲಿಂ. ಪ್ರಸಿದ್ಧ ರಂಗಭೂಮಿ ಕಲಾವಿದ ಕಾಸರಗೋಡು ಚಿನ್ನಾ ಹಾನ್ನಿ ರಂಗಭೂಮಿಚೆ  ಪ್ರಾತ್ಯಕ್ಷಿಕಾ ದಿಲೆಂ.
ಕುಡ್ಪಿ ವಿದ್ಯಾ ಶೆಣೈ, ಪ್ರೀತಮ್ ಕಾಮತ್, ಕ್ಯಾರೋಲ್ ಪಾಯಸ್, ಸುಮತಿ ಪೈ, ರಾಜೇಂದ್ರ ಭಟ್, ವಿಶೇಷ ತರಬೇತು
ದಾರ ಜಾವನು ಆಶಿಲಿಂಚಿ.
ಯೋಗಗುರು ಶ್ರೀ ಗೋಪಾಲಕೃಷ್ಣ ಭಟ್ ದೇಲಂಪಾಡಿ ಹಾನಿ ದೋನಿ ದಿವಸಾಚೆ  ಯೋಗ ತರಬೇತಿ ದಿಲೆಂ.  
 ಶ್ರೀನಿವಾಸ ಭಟ್, ವಂದನಾ ಕಿಣಿ, ಪ್ರಹ್ಲಾದ್  ಪೈ  ಹಾನಿ
ವಿಶೇಷ ಉಪನ್ಯಾಸ ದಿಲೆಂ. ಕ್ಯಾಲಿಫೋರ್ನಿಯಾಚೆ  ಯುವ ಉದ್ಯಮಿ ಸುಶೀಲ್ ಪಡಿಯಾರ ಹಾನ್ನಿ ಶಿಬಿರಾರ್ಥಿಂಗೆಲೆ
ಸಾಂಗಾತಾಕ  ಆನ್ ಲೈನ್ ಮುಖಾಂತರ ಸಂವಾದ ಕೆಲೆಂ. ಹ್ಯಾ
ಸಂಧರ್ಬಾರಿ ಮಂಗಳೂರು ವಿಶ್ವವಿದ್ಯಾನಿಲಯ 2024 ಇಸವಿಚೆ  ಎಂಕಾಂ ಪರೀಕ್ಶೆಂತು ಪಯಲೆ
ರಾಂಕ್ ಘೆತಿಲೆ ವಿದ್ಯಾಕಲ್ಪಕಚೆ ಸಾಯಿಬ್ರಕಟ್ಟೆ ನಂದಿತಾ ಹೆಗ್ಡೆ ಹಾಂಕಾ ಅಭಿನಂದನ ಕರನ್ ಮಾನ್ ದಿಲೆಂ. ಶಿಬಿರಾಂತ
ಕಾರ್ಕಳಾಚೆ ವಾತ್ಸಲ್ಯ ಧಾಮ ಆನಿ ಶಕ್ತಿನಗರಾಚೆ ರಮಾಶಕ್ತಿ ಮಿಶನ ಹಾಂಗಾಚಿ ಮ್ಹಾಲ್ಗಡಿ ಲೋಕಯ್ ಭಾಗ ಘೆವನು
ಖುಶಿ ಪಾವಲಿಂ.