ಬೊಂಬೈಚೆ ಜಿ.ಎಸ್.ಬಿ. ಎಸ್.(GSBS ) ವೈದ್ಯಕೀಯ ಟ್ರಸ್ಟ್ ತರಪೇನಿ ಸ್ತನ ಕ್ಯಾನ್ಸರ್ ತಪಾಸಣಾ ಶಿಬಿರ

ಬೊಂಬೈಚೆ ಜಿ.ಎಸ್.ಬಿ. ಎಸ್.(GSBS ) ವೈದ್ಯಕೀಯ ಟ್ರಸ್ಟ್ ತರಪೇನಿ ಚಲಾಯಿಸೂನು ಘೇವ್ನು ಎತ್ತಾ ಆಶ್ಶಿಲೆ ಬಾಯ್ಲಮನ್ಶೆಲೆ ಸ್ತನ ಕ್ಯಾನ್ಸರ್ ಪತ್ತೋ ಕೊರಚೆ ಶಿಬಿರಾಚೆ ಸರಣಿಂತು ಆನ್ನೇಕ ಶಿಬಿರ ಮೇ ೧೨, ೨೦೨೫ ಕ ಚಲಯಿಲೆ. ಪ್ರಾಯೋಜಕ ಜಾಲೀಲೆ ಡಾ. ನಿರಂಜನಿ ನಾಯಕ್ ಆನಿ ತಾಂಗೆಲೆ ಬಾಂವ ಶ್ರೀ ವಿಶ್ವನಾಥ ಆಚಾರ್ಯ, ಪ್ರತಿ ವರ್ಷ ಹೇ ಕಾರ್ಯಕ್ರಮ ದೊಗ್ಗಽ ಮೇಳ್ನು(ಜಂಟಿ ಜಾವ್ನು) ಆಪಣೇಲೆ ಆವಯಿ-ಬಾಪಯಿ ಜಾಲೀಲೆ ದಿವಂಗತ ಶ್ರೀಮತಿ ಕಾಮಾಕ್ಷಿ ಆಚಾರ್ಯ ಆನಿ ಶ್ರೀ ಜನಾರ್ಧನ ಆಚಾರ್ಯ ತಾಂಗೆಲೆ ಸ್ಮರಣಾರ್ಥ ಪ್ರಾಯೋಜನ ಕರತಾ ಆಯ್ಲಿಂತಿ. ಅಸ್ಸಾಲೆ ಬರೇ ಕಾರ್ಯಕ್ರಮ ಆಯೋಜನ ಕೊರನು ಸಬಾರ ಬಾಯ್ಲಮನ್ಶೆಂಕ ಉಪಕಾರ ಕೊರಚೆ ತಾಂಗೆಲೆ ಬದ್ಧತಾ ಖಾತೇರಿ ಜಿ‌ಎಸ್‌ಬಿ‌ಎಸ್ ವೈದ್ಯಕೀಯ ಟ್ರಸ್ಟ್ ಆಬಾರ ಮಾನತಾ ಆನಿ ತಾಂಗೆಲೆ ಆವಯಿ-ಬಾಪಯಿಂಕ ವರೇನ ಆಬಾರ ಮಾನಚೆ ಏಕ ಉತ್ಕೃಷ್ಟ ಕಾರ್ಯ ಮ್ಹಳಯಾರಿ ಚ್ಹೂಖ ಜಾಯಸನಾ.
ಕಾರ್ಯಕ್ರಮಾಚೆ ಪ್ರಕಾರ, ಹೇ ಶಿಬಿರಾಚೆ ವ್ಯವಸ್ಥಾ ಟ್ರಸ್ಟಾಚೆ ನೌಕರ ವೃಂದಾನಿ ಕ್ರಮಾರಿ ಚಾಂಗ ಜಾವನು ಕೆಲ್ಲ್ಯಾ. ಶಿಬಿರಾಂತು ನೋಂದ ಜಾಲೀಲೆ ಸರ್ವ ೨೪ ರೋಗಿಂಕ, ತಾಂಕಾ ಅನ್ಕೂಲ ಆಸ್ಸುಚೆ ವೇಳ್ಯಾರಿ ತಪಾಸ ಕೊರಚೆ ಅವಕಾಶ ದಿವನು ಮದದ್ ಕೆಲ್ಲ್ಯಾ. ತ್ಯಾ ನಿಮಿತ್ತ್ಯಾನಿ ತಾನ್ನಿ ಆಪಣೇಲೆ ಪಾಳಿ ಯವ್ಚೆ ಪರಿಯಂತ ರಾಕ್ಕೂನು ಭೊಸಕಾ ಜಾಲೀಲೆ ಕಷ್ಟ ನಾಶ್ಶಿಲ್ಲೆ. ಹರ್‍ಯೇಕ್ಲ್ಯಾಕ ಚಾರ ಹಂತಾಚೆ ತಪಾಸ ಕೊರಚೆ ಗರಜ ಆಶ್ಶಿಲೆ.

ದಂತ ತಪಾಸಣ ಡಾ. ಶಾಲಿನಿ ರೂಪನಾರಾಯಣ್, ಡಾ. ಸ್ವಾತಿ ಸಾತೌಟೆ ಮತ್ತು ಡಾ. ಪ್ರತೀಕ್ ಸತ್ಪುಟೆ ತಾನ್ನಿ ಕೆಲ್ಲಿ.
ಮುಖಾವಯ್ಲೆ ಹಂತ ಮ್ಹಳಯಾರಿ ಗರ್ಭಕಂಠಾಚೆ ಕ್ಯಾನ್ಸರ್ ಖಾತೇರಿ ಸ್ತ್ರೀರೋಗತಜ್ಞಾಂಕ ಭೆಟ್ಟುಚೆ. ಡಾ. ನೂತನ್ ಪೈ ಆನಿ ಡಾ. ಮೀರಾ ನಾಯಕ್ ತಾನ್ನಿ ಹಾಜ್ಜೆ ತಪಾಸಣ ಕೊರನು, ರೋಗಿನ ನಿಮ್ಗಿಲೀಲೆ ಸರ್ವ ಪ್ರಶ್ನೆಂಕ ಸಮಾಧಾನಾನಿ ಜವಾಬ ದಿಲ್ಲಿ.
ಶಿಬಿರಾಕ ಆಯ್ಯಿಲೆ ಹರ್‍ಯೇಕ ರೋಗಿಲೆ ಮ್ಯಾಮೊಗ್ರಫಿ ಘೆವಚೆ ಕಾಮ ವರೇನ ಚಲ್ಲೆ. ಶಿಬಿರಾಂತು ಕೌಶಲ್ಯಪೂರ್ಣ ತಂತ್ರಜ್ಞಾನಿ ವಾಂಟೊ ಘೇವ್ನು ಹೇ ಕಾರ್ಯ ಸುಲಲಿತ ಕೆಲ್ಲಿ. ಸೋನಾಲಜಿಸ್ಟ್ ಡಾ. ರಿತೀಶ್ ದಳವಿ ತಾನ್ನಿ ತ್ಯಾ ಪರೀಕ್ಷಾ ಕೆಲ್ಲಿ ಆನಿ ಪಾಂಚ ದಿವಸಾನಿ ತಾಜ್ಜೆ ರಿಪೋರ್ಟ್ ರೋಗಿಂಕ ದಿಲ್ಲಿ. ಜಿ.ಎಸ್.ಬಿ.ಎಸ್. ವೈದ್ಯಕೀಯ ಟ್ರಸ್ಟ್ ತರಪೇನಿ ಹೇ ಸರ್ವ ಸೇವೆ ಕೆಲೀಲೆ ಡಾಕ್ಟರಾಂಕ ಆನಿ ತಂತ್ರಜ್ಞಾಂಕ ಮುಕ್ತಕಂಠಾನಿ ಶ್ಲಾಘನ ಕೆಲ್ಲಿ.
ಬಾಯ್ಲಮನ್ಶೆಲೆ ಸ್ತನ ಕ್ಯಾನ್ಸರ್ ಶಿಬಿರ ಯಶಸ್ವಿ ಜಾವನು ಚಲಾಯಿಸೂನು ದಿಲೀಲ್ಯಾಕ ಜಿ.ಎಸ್.ಬಿ.ಎಸ್. ವೈದ್ಯಕೀಯ ಟ್ರಸ್ಟಾಚೆ ಟ್ರಸ್ಟಿ ಆನಿ ಕಾರ್ಯದರ್ಶಿ ಶ್ರೀಮತಿ ಗೀತಾ ಪೈ ತಾನ್ನಿ ವಾಂಟೊ ಘೆತ್ತಿಲೆ ಸರ್ವ ವೈದ್ಯಾಂಕ, ಪ್ರಾಯೋಜಕಾಂಕ ಆನಿ ವೈದ್ಯಕೀಯ ಟ್ರಸ್ಟ್ ಉದ್ಯೋಗಿಂಕ ಹೃತ್ಪೂರ್ವಕ ಜಾವನು ಧನ್ಯವಾದ ಸಮರ್ಪಣ ಕೆಲ್ಲಿ.

बॊंबैचॆ जि.ऎस्.बि. ऎस्.(GSBS ) वैद्यकीय ट्रस्ट् तरपेनि स्तन क्यान्सर् तपासणा शिबिर
बॊंबैचॆ जि.ऎस्.बि. ऎस्.(GSBS ) वैद्यकीय ट्रस्ट् तरपेनि चलायिसूनु घेव्नु ऎत्ता आश्शिलॆ बाय्लमन्शॆलॆ स्तन क्यान्सर् पत्तो कॊरचॆ शिबिराचॆ सरणिंतु आन्नेक शिबिर मे १२, २०२५ क चलयिलॆ. प्रायोजक जालीलॆ डा. निरंजनि नायक् आनि तांगॆलॆ बांव श्री विश्वनाथ आचार्य, प्रति वर्ष हे कार्यक्रम दॊग्गऽ मेळ्नु(जंटि जाव्नु) आपणेलॆ आवयि-बापयि जालीलॆ दिवंगत श्रीमति कामाक्षि आचार्य आनि श्री जनार्धन आचार्य तांगॆलॆ स्मरणार्थ प्रायोजन करता आय्लिंति. अस्सालॆ बरे कार्यक्रम आयोजन कॊरनु सबार बाय्लमन्शॆंक उपकार कॊरचॆ तांगॆलॆ बद्धता खातेरि जि‌ऎस्‌बि‌ऎस् वैद्यकीय ट्रस्ट् आबार मानता आनि तांगॆलॆ आवयि-बापयिंक वरेन आबार मानचॆ एक उत्कृष्ट कार्य म्हळयारि च्हूख जायसना.
कार्यक्रमाचॆ प्रकार, हे शिबिराचॆ व्यवस्था ट्रस्टाचॆ नौकर वृंदानि क्रमारि चांग जावनु कॆल्ल्या. शिबिरांतु नोंद जालीलॆ सर्व २४ रोगिंक, तांका अन्कूल आस्सुचॆ वेळ्यारि तपास कॊरचॆ अवकाश दिवनु मदद् कॆल्ल्या. त्या निमित्त्यानि तान्नि आपणेलॆ पाळि यव्चॆ परियंत राक्कूनु भॊसका जालीलॆ कष्ट नाश्शिल्लॆ. हर्‍येक्ल्याक चार हंताचॆ तपास कॊरचॆ गरज आश्शिलॆ.
दंत तपासण डा. शालिनि रूपनारायण्, डा. स्वाति सातौटॆ मत्तु डा. प्रतीक् सत्पुटॆ तान्नि कॆल्लि.
मुखावय्लॆ हंत म्हळयारि गर्भकंठाचॆ क्यान्सर् खातेरि स्त्रीरोगतज्ञांक भॆट्टुचॆ. डा. नूतन् पै आनि डा. मीरा नायक् तान्नि हाज्जॆ तपासण कॊरनु, रोगिन निम्गिलीलॆ सर्व प्रश्नॆंक समाधानानि जवाब दिल्लि.
शिबिराक आय्यिलॆ हर्‍येक रोगिलॆ म्यामॊग्रफि घॆवचॆ काम वरेन चल्लॆ. शिबिरांतु कौशल्यपूर्ण तंत्रज्ञानि वांटॊ घेव्नु हे कार्य सुललित कॆल्लि. सोनालजिस्ट् डा. रितीश् दळवि तान्नि त्या परीक्षा कॆल्लि आनि पांच दिवसानि ताज्जॆ रिपोर्ट् रोगिंक दिल्लि. जि.ऎस्.बि.ऎस्. वैद्यकीय ट्रस्ट् तरपेनि हे सर्व सेवॆ कॆलीलॆ डाक्टरांक आनि तंत्रज्ञांक मुक्तकंठानि श्लाघन कॆल्लि.
बाय्लमन्शॆलॆ स्तन क्यान्सर् शिबिर यशस्वि जावनु चलायिसूनु दिलील्याक जि.ऎस्.बि.ऎस्. वैद्यकीय ट्रस्टाचॆ ट्रस्टि आनि कार्यदर्शि श्रीमति गीता पै तान्नि वांटॊ घॆत्तिलॆ सर्व वैद्यांक, प्रायोजकांक आनि वैद्यकीय ट्रस्ट् उद्योगिंक हृत्पूर्वक जावनु धन्यवाद समर्पण कॆल्लि.

GSBS Medical Trust in its series of Women’s Breast Cancer detection camp, one more camp
was held on Tuesday the 12 th of May 2025. The Sponsor Dr.Niranjani Nayak and her
Brother Sri Vishwanath Acharya, jointly sponsor this program every year in the memory of
their late parents Smt.Kamakshi Acharya and Sri Janardhan Acharya. Medical Trust is
grateful to their initiative in sponsoring this program, an act of gratitude to their parents.
As the program goes, this camp arrangements were well planned one by the Trust’s
employees. All the registered patients. ( only 24 ) patients are given their timings for check
up according to their convenience so they do not have to wait for their turn to come. Each
one had to pass 4 stages,
The dental check up was done by Dr.Shalini Rupnarayan, Dr.Swati Satoute & Dr. Pratik
Satpute.
Next stage was to meet the Gynecologist for cervical Cancer. Dr. Nutan Pai and Dr. Mira Naik
did this check up and patiently answered all the queries by the patients.
Mammography on each patient is a time consuming one and technicians have the skill to
conduct this . The Sonologist Dr.Ritish Dalvi did the reading and the results were given to
the patients within 5 days.
This service by the Medical Trust is well appreciated by all.
Smt. Gita Pai, profusely thanked the doctors, sponsors and the Employees of the medical
Trust for successfully completing the Camp.

Report by
Smt. Gita R. Pai