ಗೌಡ ಸಾರಸ್ವತ ಸೇವಕ ಸಮಾಜ(ರಿ) ಮಲ್ಲೇಶ್ವರಂ ಬೆಂಗಳೂರು ಹಾನ್ನಿ ಬೆಂಗಳೂರ್‍ಚೆಸೆಂಚುರಿ ಬಿಲ್ಡರ್‍ಸ್ ಹಾಂಗೆಲೆ ಸಹಯೋಗಾನಿ ಸೆಂಚುರಿ ಸಂಗೀತೋತ್ಸವ ಮ್ಹಣ್ಚೆ ವೈಶಿಷ್ಠ್ಯಪೂರ್ಣ ಕಾರ್ಯಕ್ರಮ ಆಜಿ ದಿನಾಂಕ. ೦೧-೦೫-೨೦೨೪ ದಿವಸು ಧೋಂಪಾರಾ ೩-೦೦ ಘಂಟ್ಯಾಚಾನ ಮಲ್ಲೇಶ್ವರಂ ಶ್ರೀ ಕಾಶೀಮಠಾಂತು ಆಯೋಜನ ಕೆಲೀಲೆ. ಹೇ ಸಂದರ್ಭಾರಿ ನಿರಂತರ ಜಾವ್ನು ಭಕ್ತಿಗೀತಾ, ಕೊಂಕಣಿ ಕವಿವರ್ಯಾನಿ ಬರೆಯಿಲೆ ಭಾವಗೀತಾ, ನಾಮಾಧಿಕ ಪಂ. ರಾಮದಾಸ ಕಾಮತ ತಾಂಗೆಲೆ ಪದ, ಭರತ ನಾಟ್ಯ ನಾಚ, ಸ್ಟ್ಯಾಂಡಪ್ ಹಾಸ್ಯ, ಪೊರನೆ ಕನ್ನಡ ಆನಿ ಹಿಂದಿ ಸಿನೇಮಾ ಪದ ಆದಿ ಸಾಂಸ್ಕೃತಿಕ ಕಾರ್ಯಾವಳಿ ಚೋಲ್ನು ಅಖೇರಿಕ ಕೊಳೆಂಬೆ ಜವಣಾ ಬರಶಿ ಸೆಂಚುರಿ ಸಂಗೀತೋತ್ಸವು ಸಂಪನ್ನ ಜಾಲ್ಲೆ.

ಸೆಂಚುರಿ ಸಂಗೀತೋತ್ಸವಾಂತು ಅಶ್ವಿನ್ ಪ್ರಭು ಮೈಸೂರು, ನಾಗೇಂದ್ರ ನಾಯಕ್ ಬೆಳ್ತಂಗಡಿ, ದೀಪ್ತಿ ಪ್ರಭು ಉಪ್ಪಿನಂಗಡಿ, ಜಾನ್ಹವಿ ಕಾಮತ್, ಪೂರ್ವಿ ನಾಯಕ್, ಡಾ. ಶಿವಾನಿ ನಾಯಕ್, ಡಾ. ಸುಹಾಸ್ ಮುರಳಿ, ಬೇಬಿ ಸ್ತುತಿ ಮಲ್ಯ, ಆಶಿಶ್ ಕಾಮತ್, ಪುತ್ತೂರು ನರಸಿಂಹ ನಾಯಕ್, ವಿನಾಯಕ್ ಪೈ, ಗುರುದತ್ತ ಪ್ರಭು ಹಾನ್ನಿ ಸಂಗೀತಗಾರ ಜಾವ್ನು ಅಯ್ಯಿಲೆ. ಜೈದೀಪ್ ದೀಪಕ್ ಪ್ರಭು ತಾನ್ನಿ ಹಾಸ್ಯ ಕಾರ್ಯಕ್ರಮ ಚಲಾಯಿಸೂನು ದಿಲಯಾರಿ, ಕುಂ ಸಮೃದ್ಧಿ ಭಟ್ ಆನಿ ಕುಂ. ಶರಧಿ ಭಟ್ ತಾನ್ನಿ ನೃತ್ಯ ಕಾರ್ಯಕ್ರಮ ಚಲೋನು ದಿಲ್ಲೆ. ಪುತ್ತೂರು ನರಸಿಂಹ ನಾಯಕ್, ನಿಕಿತಾ ಕಿಣಿ ತಾನ್ನಿ ಸೂತ್ರ ಸಂಚಾಲನ ಕೆಲ್ಲೆ.