ಗಂಗೊಳ್ಳಿ ಟೌನ್ ಸೌಹಾರ್ದ ಸಹಕಾರಿಚೆ ೨೦೨೩-೨೦೨೪ ಸಾಲಾಂತು ೧.೦೯ ಕೋಟಿ ರೂ. ನಿವ್ವಳ ಮುನಾಪೋ ಜೋಡಿಲೆ ಆಸ್ಸುನು ಮೆಂಬರಾಂಕ ಶೇ. ೧೭ ಪಾಲು ಮುನಾಫೆ ದಿವಚಾಕ ಆಡಳಿತ ಮಂಡಳಿಚಾನ ತೀರ್ಮಾನ ಘೆತ್ಲ್ಯಾ. ಸಹಕಾರಿಚೆ ಮೆಂಬರಾ ಅಂಕಡೊ ೪೧೯೩ ಜಾಲ್ಲ್ಯಾ, ಸಹಕಾರಿಚೆ ದುಡಿಯುವ ಬಂಡವಾಳ ೮೭.೭೭ ಕೋಟಿ ರೂ. ಆನಿ ೭೭.೫೯ ಕೋಟಿ ರೂ. ಠೇವಣಿ ಆಸ್ಸಾ. ೨೭.೦೧ ಕೋಟಿ. ರೂ. ವೆಗವೆಗಳೆ ಬ್ಯಾಂಕಾಂತು ದವರ್‍ಲ್ಯಾ ಮ್ಹೊಣು ಗಂಗೊಳ್ಳಿ ಟೌನ್ ಸೌಹಾರ್ದ ಸಹಕಾರಿಚೆ ಅಧ್ಯಕ್ಷ ಜಿ.ವೆಂಕಟೇಶ ಶೆಣೈ ತಾನ್ನಿ ಸಾಂಗ್ಲೆ.
ಗಂಗೊಳ್ಳಿಯ ಶ್ರೀ ವೀರ ವಿಠಲ ಸಭಾಗೃಹಾಂತು ಆರತ ಚಲೀಲೆ ಗಂಗೊಳ್ಳಿ ಟೌನ್ ಸೌಹಾರ್ದ ಸಹಕಾರಿಚೆ ೧೦೪ವೇಂ ಸಾಮಾನ್ಯ ಸಭಾಚೆ ಅಧ್ಯಕ್ಷತಾ ಘೇವ್ನು ಉಲಯತಾಲೆ.
ಸಹಕಾರಿಯ ಉಪಾಧ್ಯಕ್ಷ ಜಿ.ವಿಶ್ವನಾಥ ಆಚಾರ್ಯ, ನಿರ್ದೇಶಕ ಎನ್.ಮಾಧವ ಕಿಣಿ, ಎಸ್.ವೆಂಕಟರಮಣ ಆಚಾರ್ಯ, ಜಿ.ವೇದವ್ಯಾಸ ಆಚಾರ್ಯ, ನಾಗಪ್ರಸಾದ್ ಪೈ ಎಂ.ಜಿ., ಎಚ್.ಗಣೇಶ ಕಾಮತ್, ಮಹಾಬಲ ಪೂಜಾರಿ, ಕಿರಣ್ ಫಿಲಿಪ್ ಪಿಂಟೋ, ಜಿ.ವೆಂಕಟೇಶ ನಾಯಕ್, ಯು.ವಿಷ್ಣು ಪಡಿಯಾರ್, ಮುಖ್ಯ ಕಾರ್ಯರ್ವಹಣಾಧಿಕಾರಿ ಗಣೇಶ ನಾಯಕ್ ಉಪಸ್ಥಿತ ವ್ಹರಲೀಲೆ. ಹೇಂಚಿ ವೇಳ್ಯಾರಿ ಸಹಕಾರಿಂತು ೨೫ ವರ್ಷ ಮುಖ್ಯಕಾರ್ಯನಿರ್ವಹಣಾಧಿಕಾರಿ ಜಾವ್ನು ಸೇವಾ ಪಾವಯಿಲೆ ಶ್ರೀ ಗಣೇಶ ನಾಯಕ್ ತಾಂಕಾ ಸನ್ಮಾನ ಕೊರನು ಗೌರವ ಕೆಲ್ಲೆ.
ಸಹಕಾರಿಚೆ ನಿರ್ದೇಶಕ ಕೆ.ಗೋಪಾಲಕೃಷ್ಣ ನಾಯಕ್ ತಾನ್ನಿ ಯೇವ್ಕಾರ ಕೆಲ್ಲೆ. ಸಭಾಚೆ ಸೂಚನಾ ಪತ್ರ ನಿರ್ದೇಶಕಿ ಮಾಲಾ ಕೆ.ನಾಯಕ್ ತಾನ್ನಿ ವಾಚ್ಲೆ. ನಿರ್ದೇಶಕ ಬಿ.ರಾಘವೇಂದ್ರ ಪೈ ತಾನ್ನಿ ಸ್ವರ ಸಂಚಲನ ಕೆಲ್ಲಿ. ನಿರ್ದೇಶಕ ಕೆ.ಪರಮೇಶ್ವರ ನಾಯಕ್ ತಾನ್ನಿ ಅಖೇರಿಕ ಆಬಾರ ಮಾನಲೆ.