ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಆನಿ ಹೋಲಿ ಸ್ಪಿರಿಟ್ ಚರ್ಚ್, ಸಿ.ಎಲ್.ಸಿ ಬಜಾಲ್ ಹಾಂಗೆಲೆ ಸಹಯೋಗಾಂತು ದಿನಾಂಕ ೨೮.೦೭.೨೦೨೪ ದಿವಸು ಮಂಗಳೂರ್ಚೆ ಬಜಾಲ್ ಹಾಂಗಾ ಗಾದ್ಯಾಂತ್ ಉಡ್ಕಾಂಣಾಂ-೨೦೨೪ ಸಾಂಪ್ರದಾಯಿಕ ಕ್ರೀಡೋತ್ಸವ ತಶೀಚಿ ಸಂಗೀತ ಮನೋರಂಜನಾ ಕಾರ್ಯಕ್ರಮ ಚಲ್ಲೆ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಸಮಾರಂಭಾಚೆ ಅಧ್ಯಕ್ಷ ಪಣ ಘೆತ್ತಿಲೆ. ತಾನ್ನಿ ಉಲೋನು “ಹರಯೆಕ್ಲ್ಯಾನಿ ಕೊಂಕಣಿ ಮಾತೃಭಾಷೆಚೆ ಮಹತ್ವ ಕೋಳ್ನು ಘೇವ್ನು ಭಾಷೆಚೆ ಪೋಷಣ ಕೊರಕಾಮ್ಹಳ್ಳೆ. ಹೋಲಿ ಸ್ಪಿರಿಟ್ ಚರ್ಚ್ ಧರ್ಮಗುರು ರೆ|ಫಾ ಆಂಡ್ರ್ಯು ಡಿಸೋಜಾ ತಾನ್ನಿ ಕಾರ್ಯಕ್ರಮ ಉದ್ಘಾಟನ ಕೆಲ್ಲಿ. ಸಮಾರಂಭಾಂತು ಸಬಾರ ಗಣ್ಯ ಲೋಕ ಉಪಸ್ಥಿತ ವ್ಹರಲೀಲೆ. ಮಾಗಿರಿ ಹೂಡಿಲೆ ಚಿಕ್ಲಾ ಗಾದ್ದೆಂತು ವೆಗವೆಗಳೆ ಸಾಂಪ್ರದಾಯಿಕ ಕ್ರೀಡಾ ಆಯೋಜನ ಕೆಲೀಲೆ. ಕೊಂಕಣಿಚೆ ವೆಗವೆಗಳೆ ಗಾಯಕ ತಾಕೂನು ಸಂಗೀತ ಕಾರ್ಯಕ್ರಮ ತಶೀಚಿ ವೆಗಳೆ ಸಾಂಸ್ಕೃತಿಕ ಕಾರ್ಯಕ್ರಮ ಚಲ್ಲೆ. ವೇದಿಕೆರಿ ಚರ್ಚ್ ಉಪಾಧ್ಯಕ್ಷ ಮೌರಿಸ್ ಸೋಜ್, ಕಾರ್ಯದರ್ಶಿ ಲಿಡಿಯಾ ಲೋಬೊ, ಲಿಸ್ಟನ್ ಸೋಜ್, ಮೆಲ್ವಿನ್ ಪಿಂಟೊ ಸೊಯರೆ ಜಾವ್ನು ಆಯ್ಯಿಲೆ. ಕಾರ್ಯಕ್ರಮಾಂತು ಅಕಾಡೆಮಿ ಸದಸ್ಯಜಾಲೀಲೆ ನವೀನ್ ಕೆನ್ಯೂಟ್ ಲೋಬೊ, ಸಪ್ನಾ ಮೇ ಕ್ರಾಸ್ತಾ, ರೋನಾಲ್ಡ್ ಕ್ರಾಸ್ತಾ ಸ್ಥಳೀಯ ಕಾರ್ಪೊರೇಟರ್ ಶೋಭಾ ಪೂಜಾರಿ ಉಪಸ್ಥಿತ ವ್ಹರಲೀಲೆ.