ಕುಮ್ಟಾಚೆ ಶ್ರೀ ಮಹಾಲಸಾ ನಾರಾಯಣೀ ಶಾಂತೇರಿ ದೇವಳಾಂತು ಶ್ರೀ ಶಾರದ ನವರಾತ್ರೋತ್ಸವ ಅಕ್ಟೋಬರ್ ೩ಕ ಘಟ ಸ್ಥಾಪನ, ಸಪ್ತಶತಿ ಪಾರಾಯಣ ಬರಶಿ ಸೂರ ಜಾಲೀಲೆ ಆಸ್ಸುನು ಅಕ್ಟೋಬರ್ ೧೮ ಪರ್ಯಂತ ಚಲ್ತಾ. ತತ್ಸಂಬಂಧ ಅ. ೮ಕ ಷ್ಯಷ್ಠಿ ಪೂಜಾ ಆನಿ ಗಣಾಂಕ ದರ್ಶನ ಮುಖೇನ ತೀರ್ಥ ಪ್ರಸಾದ ವಾಂಟೂಚೆ ಚಲ್ಲೆ. ಅಕ್ಟೋಬರ ೧೨ಕ ದಸರಾ, ಸಕ್ಕಾಣಿ ಪೂಡೆ ಕದ್ರ ಹಾಡಚೆ. ಸಾಂಜವಾಳಾ ದಸರಾ ಉತ್ಸವು ಚಲ್ತಾ. ಕುಳಾಂವಿಂಕ ಪ್ರಸಾದ ವಾಂಟೂಚೆ. ಅಕ್ಟೋಬರ್ ೧೭ಕ ಮಹಾಪುನ್ನವ, ಧೋಂಪಾರಾ ೩ ಘಂಟ್ಯಾಕ ಮಹಾಮಂಗಳಾರ್ತಿ, ಮಹಾ‌ಅನ್ನಸಂತರ್ಪಣ, ರಾತ್ತಿಕ ಕುಳಾವಿ ಮಹಾಸಭಾ, ದೇವಿಕ ಅಂಗವಾಣ ಮುಖಾಂತರ ಆಯ್ಯಿಲೆ ಕಾಪಡಾಚೆ ಲಿಲಾವ. ಮಹಾಮಂಗಳಾರ್ತಿ, ದರ್ಶನ ಮುಖೇನ ಕೌಲಪ್ರಸಾದ ವಾಂಟಪ ಆದಿ ಕಾರ್ಯಕ್ರಮ ಚಲ್ತಾ. ಆನಿ ಅಕ್ಟೋಬರ್ ೧೮ಕ ಸಾಂಜವಾಳಾ ಪುಷ್ಪಾಲಂಕಾರ ಬರಶಿ ರುಪ್ಯಾ ರಥಾಂತು ಶ್ರೀ ದೇವಿಲೆ ನಗರೋತ್ಸವು, ರಾತ್ತಿಕ ಅಷ್ಟಾವಧಾನ, ಮಹಾಮಂಗಳಾರ್ತಿ, ದರ್ಶನ ಮುಖೇನ ಕೌಲ ಪ್ರಸಾದ ವಾಂಟಪ ಆದಿ ಧಾರ್ಮಿಕ ಕಾರ್ಯಕ್ರಮ ಚಲ್ತ ಮ್ಹೊಣು ಮಾಹಿತಿ ಮೆಳ್ಳ