ಹಾಲಾಡಿ ಲಕ್ಷ್ಮೀದೇವಿ ವಾಸುದೇವ ಕಾಮತಾಂಗೆಲೆ “ಆಶೀರ್ವಾದ” ಹಾಂತು ಗುರುವಂದನಾ ಕಾರ್ಯಕ್ರಮ ಭಕ್ತಿ ಶೃದ್ಧಾ ಪೂರ್ವಕ ಜಾವನು ಚಲ್ಲೆ. ಧೂವ ಶ್ರೀಮತಿ ವಿಜಯಾ ಸದಾಶಿವ ಕಾಮತಾಂಗೆಲೆ ಘರ ಶಿರಡಿ ಸಾಯಿಬಾಬಾ ಮಂದಿರಾಂತು ಚಲೀಲೆ ಹೇ ಕಾರ್ಯಕ್ರಮಾಂತು ಕುಂದಾಪುರ್‍ಚೆ ಶ್ರೀಮತಿ ರಶ್ಮಿರಾಜ್ ತಶೀಚಿ ಶ್ರೀಮತಿ ಉಷಾ ಆಚಾರ್ಯ ಪಂಗ್ಡಾಚಾನ ವಿಷ್ಣು ಸಹಸ್ರನಾಮ, ಸ್ತೋತ್ರ, ಭಜನಾ ಕಾರ್ಯಕ್ರಮ ಚಲ್ಲೆ.
ಮಾಗಿರಿ ಚಲೀಲೆ ಸರಳ ಸಮಾರಂಭಾಂತು ಘರ್‍ಚೆ ಧೂವ ಶ್ರೀಮತಿ ಶ್ವೇತಾ ರವೀಂದ್ರ ನಾಯಕ ತಾಂಕಾ ಸನ್ಮಾನ ಕೆಲ್ಲೆ. “ಆಶೀರ್ವಾದ” ಆವಾರಾಂತು ಸುಮಾರು ಚಾರ ವರಸಾಚಾನ ಚರಡುಂವಾ ಶಿಬಿರ ಹೊಳೇಮಾ ಲಕ್ಷ್ಮೀದೇವಿ ಬರಶಿ ಯಶಸ್ವಿ ಜಾವನು ಪೂರ್ಣ ಕೆಲೀಲೆ ಕೀರ್ತಿ ಶ್ವೇತಾ ರವೀಂದ್ರ ನಾಯಕಾಂಕ, ಹಾಜೇನ ಇದರಿಂದ ಸ್ಪೂರ್ತಿಪಾವ್ನು ಆಪ್ಪಣ ಶಿಕ್ಷಕಿ ಜಾವ್ಕಾ ಮ್ಹಣಚೆ ಇಚ್ಛೇನಿ ‘ಮೊಂಟೆಸರಿ ಚರಡುಂವಾ ಶಿಕ್ಷಣ’ ತರಬೇತಿ ಘೆವಚಾಕ ಉಡುಪಿಚೆ ತರಬೇತಿ ಸಂಸ್ಥೆಕ ಸೇರ್‍ವಲಟ. ದೋನ ಚರಡುಂವಾಲೆ ಆವಯಿ ಸತತ ಶ್ರಮ, ಶೃದ್ಧೆನಿ ಶಿಕೂನು ಉನ್ನತ ಶ್ರೇಣಿಂತು ಉತ್ತಿರ್ಣ ಜಾವ್ನು ಕುಂದಾಪುರಾಂತು ಶಿಕ್ಷಕಿ ಜಾವ್ನು ಕಾರ್ಯ ನಿರ್ವಹಣ ಕರತಾ ಆಸ್ಸಾತಿ.
ಹೇ ವೇಳ್ಯಾರಿ ಶಿಕ್ಷಕ ಶ್ರೀ ದಿನೇಶ್ ಪ್ರಭು ತಾನ್ನಿ ಉಲೋನು “ಶ್ವೇತಾನಿ ಶಿಕ್ಷಕಿ ಜಾಲೀಲೆ ವಾಟ ಸಕಡಾನಿ ಅನುಸರಣ ಕೊರಚೆ ವರಿ ಆಸ್ಸಾ, ಕಿತಯಾಕ ಮ್ಹಳಯಾರಿ ಏಕಳೀ ಶಿಕ್ಷಕಿಕ ತಾಳ್ಮೆ ತಶೀಚಿ ಚರಡುವಾಂಕ ಶಿಕಯಚೆ ನೈಜ ಕೌಶಲ್ಯ ಆಸ್ಸುಕಾ, ಹೇ ಶ್ವೇತಾ ತಾನ್ನಿ ತರಬೇತಿಕ ವಚ್ಚೆ ಪಯಲೇಚಿ ಘೆತಲೀಂತಿಮ್ಹೊಣು ಸಾಂಗೂನು ದೇವು ಬರೇ ಕೊರೊ ಮ್ಹಳ್ಳೆ. ಶ್ರೀಮತಿ ಲಕ್ಷ್ಮೀದೇವಿ ಕಾಮತ ತಾನ್ನಿ ಶ್ವೇತಾಕ ಸನ್ಮಾನ ಕೊರನು ಚಾಂಗ ಜಾವೋ ಮ್ಹಳ್ಳೆ. ಅಖೇರಿಕ ಶ್ರೀಮತಿ ವಿಜಯಾ ಕಾಮತ್ ತಾನ್ನಿ ಆಬಾರ ಮಾನಲೆ.