ಭಾಷೆಚೆ ಅಸ್ವಿತ್ವಚೆ ಸಾಂಗಾತಾಕ ಅಭಿವೃದ್ಧಿ ಕಾರ್ಯಯ್ ಮುಖ್ಯ: ಡಾ ಕಸ್ತೂರಿ ಮೋಹನ ಪೈ
ಗೋಯಾಂತ ರಾಜ್ಯ ಭಾಷೆಚೆ ಸ್ಥಾನ ಮಾನ ಘೆತ್ತಿಲೆ ಕೊಂಕಣಿ ಭಾಷೆಕ ಆಮ್ಮಿ ಕೊಕಣಿ ಭಾಷಿಗಾನಿ ಉಲಯಿಲ್ಯಾರಿ, ಭಾಸ ಅಸ್ತಿತ್ವ ಆಸಲ್ಯಾರ ಜಾಯನಾ ತೆಂ ಅಭಿವೃದ್ಧಿಚೆ ವಾಟೆರ ನಿರಂತರ ಜಾವನು ವಾಡತಾನಾ, ಮಾತ್ರ ಸಾರ್ಥಕತಾ ಪಾವತಾ ಅಶಿಂ ವಿಶ್ವ ಕೊಂಕಣಿ ಕೇಂದ್ರಾಚೆ ಕಾರ್ಯದರ್ಶಿ ಡಾ.ಕಸ್ತೂರಿ ಮೋಹನ ಪೈ ಹಾನಿ ಸಾಂಗಲೆಂ. ತಾನಿ ಶಕ್ತಿನಗರಾಚೆ ವಿಶ್ವ ಕೊಂಕಣಿ ಕೇಂದ್ರಾಂತ ಕೊಂಕಣಿ ಮಾನ್ಯತಾ ದಿನಾಚರಣೆಚೆ ಅಂಗ ಜಾವನು ತಾ. ೨೦-೦೮-೨೦೨೪ ಚಲೆಲ್ಯಾ ಸಭಾ ಕಾರ್ಯಕ್ರಮಾಂತ ರಾಷ್ಟ್ರ ಮಾನ್ಯತೆಚೆ ಕೊಂಕಣಿ ಬದ್ದಲ ಉಲಯಿಲಿಂಚಿ.
೧೯೯೨ರಲ್ಲಿ ರಾಷ್ಟ್ರಭಾಷೆಚೆ ಮಾನ್ಯತೆ ಮೆಳೆಲೆ ನಂತರ ಶಾಳೆಂತ ಕೊಂಕಣಿ ಶಿಕ್ಷಣಾ ದಶಕಾ ದಾಕುನು ಸಕ್ರಿಯ ಜಾವನು ಆಸಾ. ಅತಾಂ ಎಂ.ಎ. ಶಿಕ್ಷಣಯ ಘೆವಯೆತ. ಪಠ್ಯ ರಚನಾ, ಮುದ್ರಣ, ಶಿಕ್ಷಣ ಸರ್ವ ವ್ಯವಸ್ಥ ಕೆಲಾಂ. ಕೊಂಕಣಿ ಅಕಾಡೆಮಿಚೆ ಸ್ಥಾಪನಾ ನಂತರ ವಿಶ್ವ ಕೊಂಕಣಿ ಕೇಂದ್ರಚೆ ಸ್ಥಾಪನಾ ಮುಖಾಂತರ ಕೊಂಕಣಿ ಚಟುವಟಿಕೆಂತ ನಿರಂತರ ಜಾವನು ರಾಕುನು ಆಯಲೆ ಕೊಂಕಣಿ ಭಾಷಿಕಾಂಗೆಲೊ ಭಾಷಾ ಪ್ರೇಮ, ವಿಶ್ವಾಸ, ಸಂಘಟನಾಶಕ್ತಿ ಸಾಕ್ಷಿ ಜಾವನು ಆಸಾ ಅಶಿಂ ಹಾನಿ ಆಭಿಪಾಯ್ರ ಸಾಂಗಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ‌ಎ. ನಂದಗೋಪಾಲ್ ಶೆಣೈ ಹಾನಿ ದಿವೊ ಲಾವನು, ಸ್ವಾಗತ ಕರನು ಪ್ರಾಸ್ತಾವಿಕ ಉತ್ರಂ ಸಾಂಗಲೆಂ. ದೇಶಾಂತ ಹಜಾರ ಘಟಲೆ ಭಾಸ ಆಸಲ್ಯಾರೀಯ ರಾಷ್ಟ್ರ ಭಾಷೆಚೆ ಮಾನ್ಯತಾ ೨೨ ಭಾಷೆಚೆ ಪೈಕಿ ಕೊಂಕಣಿನಯ ಸ್ಥಾನ ಘೆತಲ್ಯಾ. ಭಾಷೆ ನಿಮಿತ್ತ ಆಮಿ ಕಸ ಜಾಲ್ಯಾಂಚಿ. ತಶಿಂ ಆಮ್ಮಿ ಭಾಷೆ ಖತೀರ ಕಸಲೆ ಕೆಲ್ಯಾಂ ಮ್ಹೊಣಚೆ ವಿಚಾರಾಕ ಹೆಂ ಏಕ ಅವಕಾಶ.
ಮಾನ್ಯತಾ ದಿವಸಾಚೆ ಸಂಭ್ರಮಾಚೆ ಮಾಗಶಿ ಭಾಷಾ ಮಾನ್ಯತೆಕ ಶ್ರಮ ಘೆತಿಲೆ ತಂಡಾಂತ ಆಶಿಲೆಂ ಕುಡ್ಪಿ ಜಗದೀಶ್ ಶೆಣೈ ಆನಿ ಗಿಲ್ಬರ್ಟ್ ಡಿ ಸೋಜಾ ಹಾಂಕಾ ಮಾನ ಕರನು ಗೌರವ ದಿಲೆಂ.
ಹ್ಯಾ ಸಂದರ್ಭಾರಿ ವಿ.ಕೊ.ಕೇಂದ್ರಾಚೆ ಕೊಂಕಣಿ ಸಾಧಕಾಂಗೆಲೊ ಕೀರ್ತಿ ಮಂದಿರಾಂತ ‘ದಿಯೋಗ್ ಬಸ್ತ್ಯಾಂವ್ ಸಿದ್ಧಿ’ ಭಾವಚಿತ್ರ ಹಾಂಗೆಲೆ ಬಾಯಲ ಮೇರಿ ಮಾರ್ಗರೆಟ್ ಹಾನಿ ಅನಾವರಣ ಕೆಲೆಂ. ಈ ಸಂದರ್ಭಾರ ತಾಂಗೆಲೆ ಕುಟುಂಬ ಹಾಜರ ಅಶಿಲಿಂಚಿ.
ಸಿದ್ದಿ ಸಮುದಾಯಾಚೆ ಸಾವೇರ್ ಸಿದ್ಧಿ ಉಲೊವನು ಕೊಂಕಣಿ ಭಾಷಿಗ ಸಿದ್ಧಿ ಸಮುದಾಯಾಚೆ ಭಾಷಾ ಶಬ್ದಾಚೆ ಸಂಗ್ರಹ ಕೋಶ ಯೋಜನೆಚೆ ಸೊಪನಾಕ ಸರ್ವಾಲೊ ಸಹಕಾರ ಮಾಗಲೆ.

ಕೊಂಕಣಿ ಎಂ.ಎ. ಶಿಕ್ಷಣ ಘೆವಚೆ ವಿದ್ಯಾರ್ಥಿಂ ಆನಿ ಶಿಕ್ಷಕಾಂಕ ಪೂರಾಯ ಧಾ ಹಜಾರ ರುಪಯಿ ಪುರಸ್ಕಾರ ದಿವನು ಸನ್ಮಾನ ಕೆಲೆಂ. ಅನಿವಾಸಿ ಭಾರತೀಯ ಸಂಘಟನಾಂತ ಆಸುಚೆ ಚಿಕಾಗೋಚೆ ಡಾ. ಆಸ್ಟಿನ್ ಡಿ ಸೋಜಾ ಪ್ರಭು, ಸಪನ್ ಶೆಣೈ ಆನಿ ದೇವಿಕಾ ಶೆಣೈ ಕ್ಯಾಲಿಫೋರ್ನಿಯಾ ದಾಕುನು ದಿಲೆಲೆ ಶುಭ ಸಂದೇಶ ಪ್ರಸಾರ ಕೆಲೆಂ.
ಶಿರಸಿಚೆ ನಿಸರ್ಗ ಸಾಂಸ್ಕೃತಿಕ ಕಲಾ ಟ್ರಸ್ಟ್ ಕೋಟೆ ಮನೆ ಹಾಂಗಾಚೆ ಲಕ್ಷ್ಮೀ ಸಿದ್ಧಿ ಆನಿ ತಂಡಾ ಥಾವನ ಸಿದ್ಧಿ ಲೋಕವೇದ ನೃತ್ಯ ವೈವಿಧ್ಯ, ಬಜ್ಪೆ ಕುಡುಬಿ ಸಮಾಜ ಸೇವಾ ಸಂಘಾಚೆ ಶೇಖರ ಗೌಡ ಆನಿ ತಂಡಾ ಥಾವನ ಕುಡುಬಿ ಲೋಕವೇದ ನೃತ್ಯ ವೈವಿಧ್ಯ, ಮಂಗಳೂರು ಮರೋಳಿ ಸಬಿತಾ ಕಾಮತ್ ತಂಡಾ ಥಾವನ ಜಿ.ಎಸ್. ಬಿ ಸಮಾಜಾಚೆ ನವವಧುಕ ಬಾಮಣಾಲೆ ತರಪೇನ ಘರ ಭೊರಚೆ ಸಂಪ್ರದಾಯಾಚೆ ವೊವಿಯೊ ಗೀತ ಗಾಯನ ಪ್ರದರ್ಶನ ಚಲ್ಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ಗಿಲ್ಬರ್ಟ್ ಡಿ.ಸೋಜಾನ ವಂದನ ಕೆಲೆಂ. ವಿಶ್ವಸ್ಥ ಮಂಡಳಿಚೆ ಕೋಶಾಧಿಕಾರಿ ಬಿ.ಆರ್. ಭಟ್, ಡಿ. ರಮೇಶ್ ನಾಯಕ್, ಶಕುಂತಲಾ ಆರ್. ಕಿಣಿ, ಬ್ಯಾಂಕ ಆಫ್ ಮಹಾರಾಷ್ಟ್ರ ಅದಲೆ ಅಧಿಕಾರಿ ಅಲೆನ ಸಿ ಎ ಪಿರೆರಾ, ದಾಯ್ಜಿ ವಲ್ಡ ಮುಖೇಲ ಹೇಮಾಚಾರ್‍ಯ, ನಾಮನೆಚೆ ಯಕ್ಷಗಾನ ಕಲಾವಿದ ಪ್ರಭಾಕರ ಜೋಷಿ, ಸಿ.ಡಿ ಕಾಮತ, ಬಜ್ಪೆ ಕುಡುಬಿ ಸಮಾಜಾಚೆ ಗುರಿಕಾರ ಮೋಹನ ಗೌಡ, ಸಿ.ಎ ಜಯಂತ ಶೆಣೈ ನಗರ, ಕೇಂದ್ರಾಚೆ ಆಡಳಿತಾಧಿಕಾರಿ ಡಾ. ಬಿ ದೇವದಾಸ್ ಪೈ, ಉಪಸ್ಥಿತ ಆಶಿಲಿಂಚಿ. ಸುಚಿತ್ರಾ ಎಸ್. ಶೆಣೈ ನ ಕಾರ್ಯಕ್ರಮ ನಿರೂಪಣ ಕೆಲೆಂ.