ಉಡುಪಿಚೆ ತೆಂಕಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಶ್ರೀ ಶಾರದಾ ಮಹೋತ್ಸವ ಸಮಿತಿಚಾನಿ ನವರಾತ್ರಿ ಪ್ರಯುಕ್ತ ಶಿವಪ್ರಭಾ ಯಕ್ಷ ವಿಶ್ವ ಬಳಗ ಶಿವಪುರ ಹಾಂಗಾಚೆ ವಿದ್ಯಾರ್ಥಿಂಗೆಲಿ ಕೊಂಕಣಿ ಯಕ್ಷಗಾನ – ಶ್ರೀ ಕೃಷ್ಣ ಪುಷ್ಪ ವಿಲಾಸ ಪ್ರರ್ದರ್ಶನ ಆಯೋಜನ ಕೆಲೆಲೆ. ರತ್ನಾಕರ ಶೆಣೈ ಶಿವಪುರ ಹಾಂಗೆಲೆ ನಿರ್ದೇಶನ ಆನಿ ಭಾಗವತಿಕೆರಿ ಯಕ್ಷಗಾನ ಚಲ್ಲೆ. ಮದ್ದಲೆ ವಾಜ್ಜಿಲೆ ಆನಂದ್ ಭಟ್, ಚೆಂಡೆರಿ ಪ್ರದೀಪ್ ಭಟ್, ಗಣೇಶ್ ಶೆಣೈ ಆನಿ ಸಂದೇಶ್ ಹಾನ್ನಿ ಸಾಥ ದಿಲೆ. ಹ್ಯಾಚ ಸಂದರ್ಭಾರ ಯಕ್ಷಗಾನ ಕ್ಷೇತ್ರಾಂತು ವಿಶಿಷ್ಟ ಸಾಧನಾ ಕೆಲೆಲೆ, ಅಂತರರಾಷ್ಟ್ರೀಯ ಆರ್ಯಭಟ ಪ್ರಶಸ್ತಿ ಪುರಸ್ಕೃತ, ಫುಕಟ ಶಂಬರಿಕಯೀ ಚಡ ವಿದ್ಯಾರ್ಥಿಯಾಂಕ ಕನ್ನಡ, ಕೊಂಕಣಿ, ತುಳು ಭಾಷೆಂತುಲಿ ತರಬೇತಿ ದೀವನು ಯಕ್ಷಗಾನ ಪ್ರದರ್ಶನ ದಿಲೆಲೆ ಭಾಗವತ ರತ್ನಾಕರ ಶೆಣೈ ಶಿವಪುರ ಹಾಂಕಾ ಸನಮಾನ ಚಲೊ. ದೇವಳಾಚೆ ಮೊಕ್ತೇಸರ ಪಿ. ವಿ. ಶೆಣೈ, ಜಿ.ಎಸ್.ಬಿ. ಯುವಕ ಮಂಡಳಿಚೊ ಅಧ್ಯಕ್ಷ ನಿತೇಶ್ ಶೆಣೈ ಆದಿ ಗಣ್ಯ ಉಪಸ್ಥಿತ ಆಶಿಲೆ.