ಜಿ.ಎಸ್.ಎಸ್.ಎಸ್.ಚಾರಿಟೇಬಲ್ ಫೌಂಡೇಶನ್, ಬೆಂಗಳೂರು ಹಾನ್ನಿ ಶಾಳಾ/ಕಾಲೇಜಾಂತು ವಾಚ್ಚುಚೆ ಆರ್ಥಿಕ ಜಾವ್ನು ಮಾಕಶಿ ವ್ಹರಲೀಲೆ ಗೌಡ ಸಾರಸ್ವತ ಬ್ರಾಹ್ಮಣ ಲೋಕಾಂಗೆಲೆ ಚರಡುವಾಂಕ ಯುನಿಫಾರ್ಮ, ಪುಸ್ತಕ, ಬೋಧನಾ ಶುಲ್ಕ ಆದಿ ಖರ್ಚಾಕ ಉಪಯೋಗ ಜಾವಚಾಕ ಉಚಿತ ವಿದ್ಯಾರ್ಥಿವೇತನ ದಿತ್ತಾ. ಘೆಲೀಲೆ ೧೫ ವರ್ಷಾಂತು ಹಾನ್ನಿ ೯೦ ಲಕ್ಷ ರೂಪಾಯಿ ದುಡ್ಡು ೫೫೦೦ ಪಶಿ ಚ್ಹಡ ಚಾರಕ್ಯಾಂಕ ವಿದ್ಯಾರ್ಥಿವೇತನ ರೂಪಾನಿ ವಾಂಟಿಲಾ. ಘೆಲೀಲೆ ೨೦೨೨-೨೦೨೩ಚೆ ಏಕ್ಕಾ ಸಾಲಾಂತು ಹಾನ್ನಿ ೨೬೭ ವಿದ್ಯಾರ್ಥಿಂಕ ೧೧,೪೪,೦೦೦/- ರೂಪ್ಪಯಿ ವಾಂಟಿಲಾ.

ಅವುಂದು ಆಗಸ್ಟ್ ೧೫ಕ ಬೆಂಗಳೂರು ಶ್ರೀ ಕಾಶೀಮಠಾಂತು ವಿದ್ಯಾರ್ಥಿವೇತನ ವಿತರಣಾ ಕಾರ್ಯಕ್ರಮ ಆನಿ ಪ್ರತಿಭಾನ್ವಿತ ವಿದ್ಯಾರ್ಥ್ಯಾಂಕ ಸನ್ಮಾನ ಕಾರ್ಯಕ್ರಮ ಚಲ್ಲೆ. ಹೇ ವೇಳ್ಯಾರಿ ಎಸ್‌ಎಸ್‌ಎಲ್‌ಸಿ ಆನಿ ಪಿಯುಸಿಂತು ಶೇ.೯೦ ಪಶಿ ಚ್ಹಡ ಅಂಕ ಜೊಡಲೀಲೆ ತಶೀಚಿ ಪದವಿ, ಇಂಜಿನಿಯರಿಂಗ್ ಆನಿ ವೃತ್ತಿಪರ ಕೋರ್ಸಾಂತು ಶೇ.೭೫ ಪಶಿ ಚ್ಹಡ ಅಂಕ ಜೊಡಲೀಲೆ ವಿದ್ಯಾರ್ಥ್ಯಾಂಕ ಪ್ರತಿ ವರ್ಷ ಪ್ರಧಾನ ಕೊರನು ಗೌರವ ದಿತ್ತಾ ಆಯ್ಯಿಲೆ ಆಸ್ಸಾ. ಅವುಂದು ಒಟ್ಟಾರೆ ತಸ್ಸಾಲೆ ೪೪ ಲೋಕ ಸಾಧಕ ಆಸ್ಸಾತಿ. ಆನಿ ಸುಮಾರ ೨೨೫ ಪಶಿ ಚ್ಹಡ ವಿದ್ಯಾರ್ಥ್ಯಾಂಕ ಸುಮಾರ ೧೦ ಲಾಕ ರೂಪ್ಪಯಾ ಪಶಿ ಚ್ಹಡ ವಿದ್ಯಾರ್ಥಿವೇತನ ವಾಂಟಿಲಾ.
ಉದ್ಯಮಿ ಶ್ರೀ ಜಿ ಜಿ ಶೆಣೈ ತಾನ್ನಿ ಗೌಡ ಸಾರಸ್ವತ ಸೇವಕ ಸಮಾಜ ಆನಿ ಜಿ‌ಎಸ್‌ಎಸ್‌ಎಸ್ ಚಾರಿಟೇಬಲ್ ಫೌಂಡೇಶನ್ ಹಾಜ್ಜೆ ಅಧ್ಯಕ್ಷ ಜಾವ್ನಾಸ್ಸತಿ. ಹಾಂಗೆಲೆ ಸಾಧನೆ ಖಾತ್ತಿರಿ ಸಕ್ಕಲ ದಿಲೀಲೆ ಲಿಂಕ್ ಮೂಖಾಂತರ ತಾಂಗೆಲೆ ವೆಬ್‌ಸೈಟಾಕ ವಚ್ಚುನು ಚಡ್ತೆ ಮಾಹಿತ ಘೆವಯೇತ ಮ್ಹೊಣು ಜಿ‌ಎಸ್‌ಎಸ್ ಸಮಾಜ, ಮಲ್ಲೇಶ್ವರಂ, ಬೆಂಗಳೂರ್‍ಚೆ ಉಪಾಧ್ಯಕ್ಷ ಶ್ರೀ ಪ್ರಕಾಶ್ ಕಿಣಿ ತಾನ್ನಿ ಕಳಯಲಾ.