ಸಂಘಟನೇನಿ ಸೇವಾ ಹೇ ಜಿ‌ಎಸ್‌ಬಿ ಹಿತರಕ್ಷಣಾ ವೇದಿಕೆಚೆ ವಿಶೇಷ ಜಾವ್ನಾಸ್ಸುನು, ಸಂಘಟನೆ ಒಟ್ಟು ಸಮಾಜಮುಖಿ ಕಾರ್ಯಾಂಕ ಒತ್ತು ದಿವನು ಅಖೇರಿಚೆ ಮನುಷ್ಯಾಕ ವರೇನ ಪಾವಚೆ ಮೂಖಾಂತರ ಸಗಳೆ ಸಮಾಜಾಕ ಮಾದರಿ ಸಂಘಟನ ಜಾಲ್ಲ್ಯಾ ಮ್ಹೊಣು ಪುತ್ತೂರ್‍ಚೆ ಆನಂದಾಶ್ರಮ ಸೇವಾ ಟ್ರಸ್ಟ್ ಸಂಸ್ಥಾಪಕಿ ಡಾಪಿ.ಗೌರಿ ಪೈ ತಾನ್ನಿ ಸಾಂಗ್ಲೆ. ತಾನ್ನಿ ಜಿ‌ಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆ ನೇತೃತ್ವಾರಿ ಮುದರಂಗಡಿ ಸಮರ್ಪಣಾ ಚಾರಿಟೆಬಲ್ ಟ್ರಸ್ಟ್ ಸಹಯೋಗಾರಿ ಆ.೨೫ಕ ಉಡ್ಪಿಚೆ ಅಮೃತ್ ಗಾರ್ಡನ್ ಸಭಾಭವನಾಂತು ಚಲೀಲೆ ಜಿ‌ಎಸ್‌ಬಿ ವಿದ್ಯಾರ್ಥಿ ವೇತನ ವಿತರಣ, ಶೈಕ್ಷಣಿಕ ದತ್ತು ಸ್ವೀಕಾರ ಯೋಜನ, ಶೈಕ್ಷಣಿಕ ಪ್ರೇರಣ ಕಾರ್ಯಾಗಾರ ಆನಿ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮಾಚೆ ಉದ್ಘಾಟನೆ ಸಮಾರಂಭಾಂತು ಉಲಯತಾಲೆ. ಭಾಗವಹಿಸಿ ಮಾತನಾಡಿದರು. ದಿಕ್ಸೂಚಿ ಭಾಷಣ ಕೆಲೀಲೆ ಬೆಂಗಳೂರು ಆರ್‌ಎನ್‌ಎಸ್ ಸಮೂಹ ಸಂಸ್ಥೆ ಸಿ‌ಇ‌ಒ ಡಾ ಸುಧೀರ್ ಕೆ. ಎಲ್. ಉಲೋನು, ಆವಯಿ-ಬಾಪಯಿಲೆ, ಗುರುಂಗೆಲೆ ಆನಿ ಲೋಕಾಚೆ ಋಣ ವಿಸರನಾಶಿ ಜೀವಮಾನಾಂತು ಪಾರಿಗತ ಕೊರಕಾ, ದಿಲೀಲೆ ವಿದ್ಯಾರ್ಥಿ ವೇತನ ಚಾಂಗಾಕ ವಾಪರೂನು ನೌಕರಿ, ಉದ್ಯಮ, ವೇಪಾರು ಶೂರ ಕೆಲ್ಲೆ ನಂತರ ಥೊಡೆ ವಾಂಟೊ ಸಮಾಜಾಕ ಪರತೂನು ದಿವ್ಕಾ ಮ್ಹೊಣು ಕಾನ್ವುತ್ರ ಸಾಂಗ್ಲೆ. ನಿವೃತ್ತ ಲೆಕ್ಕಪರಿಶೋಧಕ ಕೆ. ಕಮಲಾಕ್ಷ ಕಾಮತ್ ತಾನ್ನಿ ಅಧ್ಯಕ್ಷತಾ ಘೆತ್ತಿಲೆ.ಜಿ‌ಎಸ್‌ಬಿ ಹಿತರಕ್ಷಣಾ ವೇದಿಕಾ ಸಮಾಜಾಂತು ಆಶ್ಶಿಲ್ಯಾಲೆ ಆನಿ ನಾಶ್ಶಿಲ್ಯಾಲೆ ಮಧೇಚೆ ಕೊಂಡಿ ಜಾವನು ಕಾಮ ಕರತಾ ಆಸ್ಸಾ ಮ್ಹೊಣು ತಾರೀಪು ಕೆಲ್ಲೆ.

ಬೆಂಗಳೂರಿನ ಆಭರಣ ಟೈಮ್‌ಲೆಸ್ ಜುವೆಲರಿ ಪ್ರೈ.ಲಿ. ಆಡಳಿತ ನಿರ್ದೇಶಕ ಡಾ ಪ್ರತಾಪ್ ಮಧುಕರ್ ಕಾಮತ್ , ಮಂಗಳೂರ್‍ಚೆ ಶ್ರೀ ವೆಂಕಟರಮಣ ದೇವಳಾಚೆ ಆಡಳಿತ ಟ್ರಸ್ಟಿ ಎಂ.ಕಿರಣ್ ಪೈ, ದುಬಾಯಾಚೆ ಮನಿ ಕ್ಲಿನಿಕ್ ಸಂಸ್ಥಾಪಕ ಡಾ ಚಂದ್ರಕಾಂತ ಭಟ್, ಮಂಗಳೂರ್‍ಚೆ ಎಲ್ಕೋಡ್ ಟೆಕ್ನಾಲಜಿಸ್ ಸಂಸ್ಥೆಚೆ ಸಹ ಸಂಸ್ಥಾಪಕ ರಾಜೇಂದ್ರ ಶೆಣೈ, ಮುಂಬಯಿಚೆ ಕಾಮತ್ ಅವರ್ ಟೈಮ್‌ಸ್ ಐಸ್ ಕ್ರೀಮ್ ಪ್ರೈ.ಲಿ.ಯ ನಿರ್ದೇಶಕ ಗಿರೀಶ್ ರಮಾನಾಥ ಪೈ, ಗ್ಲೋಬಲ್ ಚೇಂಬರ್ ಆಫ್ ಸಾರಸ್ವತ್ ಎಂಟ್ರಪ್ರೇನರ್‌ಸ್ ನಿರ್ದೇಶಕಿ ಪ್ರತೀಕ್ಷಾ ಪೈ, ಸತ್ಯಗ್ರೂಪ್‌ಸ್‌ಚೆ ಸತ್ಯಭಾಮ ಕಾಮತ್, ವಿದ್ಯಾಪೋಷಕ ನಿಧಿ ವಿದ್ಯಾರ್ಥಿ ವೇತನ ಯೋಜಚೆ ಸಂಯೋಜಕ ವಿಜಯ್ ಕುಮಾರ್ ಶೆಣೈ, ಸಹ ಸಂಯೋಜಕ ಸುಬ್ರಹ್ಮಣ್ಯ ಪ್ರಭು ಉಪಸ್ಥಿತ ವ್ಹರಲೀಲೆ.
ಉದ್ಯಮಿ ದಿ ರಘುನಂದನ್ ಶ್ರೀನಿವಾಸ್ ಕಾಮತ್ ತಾಂಕಾ ಶ್ರದ್ಧಾಂಜಲಿ ಪಾವಯಲಿ. ಬೈಲೂರ್‍ಚೆ ಹೊಸಬೆಳಕು ಸೇವಾ ಟ್ರಸ್ಟ್ ಹಾಜೆ ತನುಲಾ ತರುಣ್ ತಾಂಕಾ ೨ ಲಾಕ್ ರೂ. ದೇಣಿಗಾ ದಿವನು ಗೌರವ ಕೆಲ್ಲೆ. ವಿದ್ಯಾಪೋಷಕ ನಿಧಿ ವಿದ್ಯಾರ್ಥಿ ವೇತನ ಯೋಜನೆಚೆ ಅಧ್ಯಕ್ಷ ಎಸ್.ಎಸ್.ನಾಯಕ್ ತಾನ್ನಿ ಯೇವ್ಕಾರ ಕೆಲ್ಲಿ. ವೇದಿಕೆ ಅಧ್ಯಕ್ಷ ಜಿ. ಸತೀಶ್ ಹೆಗ್ಡೆ ಕೋಟ ತಾನ್ನಿ ಪ್ರಸ್ತಾವನ ಕೆಲ್ಲಿ. ಸಂಯೋಜಕ ಆರ್. ವಿವೇಕಾನಂದ ಶೆಣೈ ತಾನ್ನಿ ಆಬಾರ ಮಾನಲೆ. ಪ್ರ. ಕಾರ್ಯದರ್ಶಿ ಸಾಣೂರು ನರಸಿಂಹ ಕಾಮತ್ ತಾನ್ನಿ ಸ್ವರಸಂಚಾಲನ ಕೆಲ್ಲಿ.