ಶ್ರೀ ಕಾಶೀಮಠಾಧೀಶಾಂಗೆಲೆ ಚಾತುರ್ಮಾಸು ವಾಲ್ಕೇಶ್ವರ ಶ್ರೀ ಕಾಶೀಮಠಾಂತು :

ಸಂಸ್ಥಾನ ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಕ್ರೋಧಿ ನಾಮ ಸಂವತ್ಸರಾಚೆ (೨೦೨೪ಚೆ) ಚಾತುರ್ಮಾಸು ವಾಲ್ಕೇಶ್ವರಾಂತು ಆಸ್ಸುಚೆ ಶ್ರೀ ಕಾಶೀಠಾಂತು ಚಲ್ತಾ. ವಾಲ್ಕೇಶ್ವರ ಕಾಶೀ ಮಠಾಚೆ ತಾಜ್ಜೇಚಿ ಏಕ ವೈಶಿಷ್ಠತಾ ಆಸ್ಸಾ. ಕಸ್ಸಲೆ ಮ್ಹಳಯಾರಿ ಶ್ರೀ ಕಾಶೀ ಮಠ ಸಂಸ್ಥಾನಾಚೆ ೭ವೇಂ ಯತಿವರ್ಯ ಶ್ರೀಮದ್ ಮಾಧವೇಂದ್ರ ತೀರ್ಥ ಸ್ವಾಮ್ಯಾನಿ ಜೀವಂತ ಸಮಾಧಿ ಘೆತ್ತಿಲೆ ಜಾಗೋ ಹೇ ವಾಲ್ಕೇಶ್ವರ ಮಠ. ಆಜೀಕ ವರೇನ ಹಾಂಗಾಸ್ಸುಚೆ ಸಜೀವ ವೃಂದಾವನಾ ತಾಕೂನು ಅಪಾರ ಆಧ್ಯಾತ್ಮಿಕ, ಧನಾತ್ಮಕ ಶಕ್ತಿ ಪ್ರಕಟ ಜಾತ್ತಾ ಆಸ್ಸ ಮ್ಹಣಚಾಕ ಥಂಯಿ ಘಡೀಲೆ ಮಸ್ತ ಪವಾಡಾಚಿ ಸಾಕ್ಷಿ. ತಾಜ್ಜ ಬರಶಿ ೧೯೧೪ ಇಸ್ವೆಂತು ಮುಕ್ತಿ ಪಾವ್ವಿಲೆ ಶ್ರೀಮದ್ ವರದೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ವೃಂದಾವನ ವರೇನ ಹಾಂಗಾ ಆಸ್ಸಾ. ಶಂಬರ ಬಽರಿ ವರ್ಷಾ ಮಾಕಸೀಚೆ ಹೇ ಮಠಾಚೆ ಜೀರ್ಣೋದ್ದಾರ ಜಾವ್ನು ಫೆಬ್ರವರಿಂತು ಪೂಜ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಪುನರ್ ಪ್ರತಿಷ್ಠಾ ವೈಭವಾರಿ ಘಡೀಲೆ ಸಕಡಾಂಕ ಗೊತ್ತಾಸ್ಸಾ.
ಅವುಂದೂಚೆ ಪೂಜ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆಂ ಚಾತುರ್ಮಾಸು ವರೇನ ಹೇ ವಾಲ್ಕೇಶ್ವರ ಮಠಾಂತೂ ಘಡ್ತಾ. ದಿನಾಂಕ. ೦೭-೦೭-೨೦೨೪ ದಿವಸು ಶ್ರೀ ವಾಲ್ಕೇಶ್ವರ ಮಠಾಂತು ಶ್ರೀಮದ್ ವರದೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ಆರಾಧನ ಚಲ್ತಾ. ದಿನಾಂಕ. ೨೨-೦೭-೨೦೨೪ಕ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ಆರಾಧನಾ ಚಲ್ತಾ. ದಿನಾಂಕ. ೨೫-೦೭-೨೦೨೪ ದಿವಸು ಶ್ರೀಮದ್ ಸಂಯಮಿಂದ್ರ ತೀರ್ಥ ಸ್ವಾಮೆಂ ತಾಂಗೆಲೆ ಕ್ರೋಧಿನಾಮ ಸಂವತ್ಸರಾಚೆ ಚಾತುರ್ಮಾಸ ಆರಂಭ ಕರತಾತಿ. ಪ್ರಾತಃಕಾಲಾರಿ ಶ್ರೀ ಸಂಸ್ಥಾನಾಚೆ ದೇವಾಂಕ ಪಂಚಾಮೃತಾಭಿಷೇಕ, ಗಂಗಾಭಿಷೇಕ, ಲಘುವಿಷ್ಣು ಅಭಿಷೇಕ, ಶತಕಲಶಾಭಿಷೇಕ, ಮಾಗಿರಿ ಪವಮಾನ ಅಭಿಷೇಕ, ತಪ್ತ ಮುದ್ರಾಧಾರಣ, ಸಾಂಜವಾಳಾ ಮೃತ್ತಿಕಾ ಪೂಜನ ಮಾಗಿರಿ ಚೊಲ್ಚೆ ಸಭಾ ಕಾರ್ಯಕ್ರಮಾಂತು ಸ್ವಾಮೆಂ ಆಶೀರ್ವಚನ ದಿತ್ತಾತಿ. ಮುಖಾರಿ ಶ್ರೀಮದ್ ಮಾಧವೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ದಿನಾಂಕ ೦೯-೦೮-೨೦೨೪ಕ ಚಲ್ತಾ. ದಿನಾಂಕ. ೧೦-೦೮-೨೦೨೪ಕ ಭಜನಾ ಸಪ್ತ ಆರಂಭ ಜಾವ್ನು ದಿನಾಂಕ. ೧೭-೦೮-೨೦೨೪ ದಿವಸು ಮುಕ್ತಾಯ ಜಾತ್ತಾ. ದಿನಾಂಕ ೧೮-೦೯-೨೦೨೪ ದಿವಸು ಮೃತ್ತಿಕಾ ವಿಸರ್ಜನ ಜಾತ್ತಾ. ಮಾಗಿರಿ ವೆಗವೆಗಳೆ ವಾಹನ ಪೂಜಾ ಚಲ್ತಾ.
ಹೇ ಸಂದರ್ಭಾರಿ ಭಕ್ತ ಬಾಂಧವಾಂಕ ವಿಶೇಷ ಸೇವಾ ಚಲಾಯಿಸುಚಾಕ ಅವಕಾಶ ಆಸ್ಸುನು ಚಡ್ತೆ ಮಾಹಿತಿಕ ಆನಿ ಸೇವಾ ವಿವರಾಚೆ ಮಾಹಿತಿಕ ಶ್ರೀ ವಾಲ್ಕೇಶ್ವರ ಕಾಶೀಮಠಾಚೆ ಮೊಬೈಲ್ ನಂ. +೯೧೭೯೭೭೨೪೫೧೬೮ಕ ಸಂಪರ್ಕು ಕೊರಯೇತ.

ಶ್ರೀ ಗೋಕರ್ಣ ಪರ್ತಗಾಳಿ ಮಠಾಧೀಶಾಂಗೆಲೆ ಚಾತುರ್ಮಾಸು ಬೆಂಗಳೂರ್‍ಚೆ ಶ್ರೀ ದ್ವಾರಕಾನಾಥ ಭವನಾಂತು :

ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಕ ೨೦೨೫ ಮ್ಹಣಚೆ ಐತಿಹಾಸಿಕ ವರ್ಷ. ಶ್ರೀ ಮಠ ಸ್ಥಾಪನ ಜಾವ್ನು ೫೫೦ ವರ್ಷ ಭರತಾ. ತತ್ಸಂಬಂಧ ೫೫೦ ಕೋಟಿ ಶ್ರೀ ರಾಮನಾಮ ತಾರಕ ಮಂತ್ರ ಜಪ ಅಭಿಯಾನ ಮಠಾಚೆ ಶಿಷ್ಯ ಬಾಂಧವಾನಿ ವ್ಹಡ ಅಂಕಡ್ಯಾರಿ ಆಸ್ಸುಚೆ ೧೧೫ ಪಶಿ ಚ್ಹಡ ಕೇಂದ್ರಾಂತು ಆರಂಭ ಜಾಲೀಲೆ ಆಸ್ಸುನು ತತ್ಸಂಬಂಧ ವಿಶಿಷ್ಠ ಧಾರ್ಮಿಕ ಕಾರ್ಯಕ್ರಮ ಮುಖಾರಿ ವರ್ಷ ಚೊಲಚೆ ಆಸ್ಸಾ. ತಾಜ್ಜೆ ಪೂರ್ವತಯಾರಿ ಅವುಂದೂಚೆ ರಾಮನವಮಿಚಾನ ಸೂರು ಜಾಲೀಲೆ ಆಸ್ಸಾ. ಚಾತುರ್ಮಾಸ ವೇಳ್ಯಾರಿ ಪ್ರತಿ ದಿವಸು ಹಜಾರಗಟ್ಲೆ ಶಿಷ್ಯ ಕೋಟಿ ಯವ್ನು ವತ್ತಾ. ತ್ಯಾ ನಿಮಿತ್ತ್ಯಾನಿ ಹೇ ತಾರಕ ಮಂತ್ರ ಅಭಿಯಾನಾಕ ಜೋರ ಮೆಳ್ತಾಲೆ. ೧೯೭೯ ಇಸ್ವೆಂತು ಮಠಾಚೆ೨೩ವೇಂ ಪೀಠಾಧೀಪತಿ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು ಹಾಂಗಾ ವಿಜೃಂಭಣೆರಿ ಘಡಲೀಲೆ. ೪೫ ವರ್ಷಾ ಉಪರಾಂತ ಅವುಂದು ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮ್ಯಾನಿ ಚಾತುರ್ಮಾಸ ದೀಕ್ಷಾ ಹಾಂಗಾ ಘೆವಚೆ ತೀರ್ಮಾನು ಕೆಲ್ಲ್ಯಾ. ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಕ್ರೋಧಿ ನಾಮ ಸಂವತ್ಸರಾಚೆ ಚಾತುರ್ಮಾಸು ಕರ್ನಾಟಕಾಚೆ ರಾಜಧಾನಿ ಬೆಂಗಳೂರ್‍ಚೆ ಬಸವನಗುಡಿಂತು ಆಸ್ಸುಚೆ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಶಾಖಾ ಮಠ ಜಾಲೀಲೆ ದ್ವಾರಕಾನಾಥ ಭವನಾಂತು ದಿನಾಂಕ. ೨೭-೦೭-೨೦೨೪ ದಿವಸು ವ್ಯಾಸ ಪೂಜನ ಆನಿ ಮೃತ್ತಿಕಾ ಪೂಜನಾ ಬರಶಿ ಆರಂಭ ಜಾತ್ತಾ. ತ್ಯಾಂಚಿ ದಿವಸು ತಾಂಗೆಲೆ ಪಟ್ಟಾಭಿಷೇಕಾಚೆ ವಾರ್ಷಿಕೋತ್ಸವ ಸಮಾರಂಭ ವರೇನ ಚಲ್ತಾ. ಉಪರಾಂತ ಪೂಜ್ಯ ಸ್ವಾಮೆಂ ಜಮೀಲೆ ಭಕ್ತ ಬಾಂಧವಾಂಕ ಆಶೀರ್ವಚನ ದಿತ್ತಾತಿ.
ಉಪರಾಂತ ನಾಗರ ಪಂಚಮಿ, ಸುತ್ತಾಪುನ್ನವ, ಶ್ರೀ ಕಷ್ಣಾಷ್ಟಮಿ, ಶ್ರೀ ಗಣೇಶ ಚೌತಿ ಬರಶಿ ವಿಶೇಷ ಕಾರ್ಯಕ್ರಮ ಜಾವ್ನು ಚಾತುರ್ಮಾಸ ಸಂದರ್ಭಾಚೆ ವಿಶೇಷ ಪೂಜಾ ಜಾವ್ನು ದಿನಾಂಕ. ೧೭-೦೮-೨೦೨೪ ಶ್ರೀನಿವಾಸ ಕಲ್ಯಾಣೋತ್ಸವು, ದಿನಾಂಕ. ೧೮-೦೮-೨೦೨೪ಕ ಲಕ್ಷ್ಮೀ ನಾರಾಯಣ ಹೃದಯ ಹವನ, ದಿನಾಂಕ. ೨೫-೦೮-೨೦೨೪ಕ ಧನ್ವಂತರಿ ಹವನ ಆದಿ ಕಾರ್ಯಕ್ರಮ ಚಲ್ತಾ. ಏಕಾದಶಿ ದಿವಸು ತಪ್ತ ಮುದ್ರಾಧಾರಣ ಆಸ್ತಾ. ಪ್ರತಿ ದಿವಸು ತ್ರಿಕಾಲ ಪೂಜಾ, ಬಿಕ್ಷಾ ಸೇವಾ, ಪಾದಪೂಜಾ, ಭಜನ ಆದಿ ಕಾರ್ಯಕ್ರಮ ಆಸತಾ. ತಶೀಚಿ ವೆಗವೆಗಳೆ ದಿವಸು ಸಾಂಸ್ಕೃತಿಕ ಕಾರ್ಯಾವಳಿ ವರೇನ ಆಯೋಜನ ಕೆಲ್ಲ್ಯಾ. ಬೊಂಬೆಖೇಳು, ಭರತನಾಟ್ಯ, ಭಜನಾ, ಯಕ್ಷಗಾನ, ಕಥಕ್ ನೃತ್ಯ, ಭಜನಾ ಜುಗಲಬಂಧಿ, ಶ್ರೀ ಸುಂದರಕಾಂಡ ಪ್ರವಚನ ಆದಿ ಕಾರ್ಯಕ್ರಮ ಚಲ್ತಾ. ಸ್ವಾಮ್ಯಾಂಗೆಲೆ ಚಾತುರ್ಮಾಸ ೧೮-೦೯-೨೦೨೪ ದಿವಸು ಮೃತ್ತಿಕಾ ವಿಸರ್ಜನೆ ಬರಶಿ ಸಂಪನ್ನ ಜಾತ್ತಾ. ಚಾತುರ್ಮಾಸ ವೇಳ್ಯಾರಿ ಸೇವಾ ಪಾವಯಚಾಕ ಭಕ್ತಾಧಿಂಕ ಅವಕಾಶ ಆಸ್ಸುನು ಖಂಚೇಯಿ ಚಡ್ತೆ ಮಾಹಿತಿಕ ಮೊಬೈಲ ನಂ. ೯೮೮೦೪೨೨೧೧೬ ಶ್ರೀ ಕೆ.ಆರ್. ನಾಯಕ್ ತಾಂಕಾ ಸಂಪರ್ಕ ಕೊರಯೇತ.

ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕೈವಲ್ಯ ಮಠಾಧೀಶ, ಗೋಂಯ:

ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕೈವಲ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತೀ ಸ್ವಾಮಿ ಮಹಾರಾಜ್ ಹಾಂಗೆಲೆ ೩೧ ವೇಂ ಚಾತುರ್ಮಾಸು ಜುಲೈ ೨೧, ೨೦೨೪ ತಾಕೂನು ಸೆಪ್ಟೆಂಬರ್ ೨೨ ೨೦೨೪ ಪರಿಯಂತ ಬೆಂಗಳೂರು ಹುಳಿಮಾವು, ಸರಸ್ವತಿಪುರಂ ಹಾಂಗಾಸ್ಸುಚೆ ತ್ರಿಗುಣಾತ್ಮಿಕಾ ಶ್ರೀ ಮಹಾಲಕ್ಷ್ಮೀ ದೇವಳಾಂತು ಚಲ್ತಾ. ತತ್ಸಂಬಂಧ ದಿ.೧೪-೦೭-೨೦೨೪ಕ ಸ್ವಾಮ್ಯಾಂಗೆಲೆ ಶುಭಾಗಮನ ಜಾಲ್ಲ್ಯಾ. ಗುರುಪೂರ್ಣಿಮಾ ಜಾಲೀಲೆ ೨೧-೦೭-೨೦೨೪ ದಿವಸು ಸಕ್ಕಾಣಿ ೯-೦೦ ತಾಕೂನು ೧೧-೩೦ ಭಿತ್ತರಿ ವ್ಯಾಸಪೂಜಾ ಕೊರನು ಸ್ವಾಮೆಂ ಚಾತುರ್ಮಾಸ ಸ್ವೀಕಾರ ಕರತಾತಿ. ಅ.೫, ಅ.೧೨, ಅ.೧೯,, ಅ.೨೬, ಸೆ.೨, ದಿವಸು ಶ್ರಾವಣ ಸೋಮಾರ ಪ್ರಯುಕ್ತ ಸಕ್ಕಾಣಿ ಲಘುರುದ್ರ ಸ್ವಾಹಾಕಾರ ಆನಿ ಸಾಂಜ್ವಾಳಾ ಪ್ರದೋಷ ಪೂಜಾ ಚಲ್ತಾ. ನಾಗರ ಪಂಚಮಿ, ಕುಂಕುಮಾರ್ಚನ ಸಹಿತ ವರಮಹಾಲಕ್ಷ್ಮೀ ಪೂಜಾ, ಋಗುಪಾಕರ್ಮ, ಶ್ರೀ ಕೃಷ್ಣ ಜನ್ಮಾಷ್ಟಮಿ, ವಿಜೃಂಭಣೆಚೆ ಶ್ರೀ ಗಣೇಶ ಚೌತಿ ಕಾರ್ಯಕ್ರಮ ಚಾತುರ್ಮಾಸ ಕಾಲಾರಿ ಚೊಲ್ಚೆ ವಿಶೇಷ ಪರಭ ಆದಿ ಧಾರ್ಮಿಕ ಕಾರ್ಯಕ್ರಮ ಚೋಲ್ನು ಸ್ವಾಮೆಂ ದಿ. ೨೨-೦೯-೨೦೨೪ ದಿವಸು ಮುಖಾವಯಲೆ ಮೊಕ್ಕಾಮಾಕ ಭಾಯ್ರಸೊರನು ವತ್ತಾತಿ.
ಸೇವಾ ಆದಿ ಖಂಚೇಯಿ ಚಡ್ತೆ ಮಾಹಿತಿ ಖಾತೇರ ೯೪೪೮೪೬೮೩೮೫(ಶ್ರೀ ಶಂಕರ ನಾಯಕ), ೯೯೦೧೦೮೭೦೮೭(ಶ್ರೀ ತೋನ್ಸೆ ರಾಧಾಕೃಷ್ಣ ಶೆಣೈ) ಹಾಂಕಾ ಸಂಪರ್ಕ ಕೊರಯೇತ.

ಶ್ರೀ ಸಂಸ್ಥಾನ ಚಿತ್ರಾಪುರ ಮಠಾಧೀಶಾಂಗೆಲೆ ಚಾತುರ್ಮಾಸು ಮಂಗಳೂರಾಂತು :

ಶ್ರೀ ಸಂಸ್ಥಾನ ಚಿತ್ರಾಪುರ ಮಠಾಧೀಶ ಪರಮಪೂಜ್ಯ ಶ್ರೀಮತ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮೀಜಿ ಹಾಂಗೆಲೆ ಕ್ರೋಧಿ ಸಂವತ್ಸರಾಚೆ ಚಾತುರ್ಮಾಸು ಶ್ರೀ ವಾಮನಾಶ್ರಮ ಸಮಾಧಿ ಮಠ, ಗಣಪತಿ ದೇವಳ ರಸ್ತೋ, ಮಂಗಳೂರು ಹಾಂಗಾ ಚಲ್ತಾ. ಚಾತುರ್ಮಾಸ ವ್ರತ ದಿನಾಂಕ. ೨೧-೦೭-೨೦೨೪ ತಾಕೂನು ೧೮-೦೯-೨೦೨೪ ಪರ್‍ಯಂತ ಚಲ್ತಾ. ತತ್ಸಂಬಂಧ ಪೂಜ್ಯ ಸ್ವಾಮೆ ಜುಲೈ ೨೦ಕ ಪುರಪ್ರವೇಶ ಕೆಲೀಲೆ ತೆದ್ದನಾ ತಾಂಕಾ ಪೂರ್ಣಕುಂಧ ಸ್ವಾಗತ, ವೇದಘೋಷ ಬರಶಿ ಆಪೋನು ಘೆತ್ತಾತಿ. ಹೆರ್‍ದೀಸು ಜುಲೈ ೨೧ಕ ಸಕ್ಕಾಣಿ ಸಾಮೂಹಿಕ ಮಾಗಣಿ, ಪೂಜ್ಯ ಸ್ವಾಮೆಂ ತಾಕೂನು ಮಂಡಲಪೂಜಾ, ಶ್ರೀ ವೇದವ್ಯಾಸ ಪೂಜಾ ಕರತಾತಿ. ಮಹಾಪೂಜಾ, ಮಹಾಮಂಗಳಾರತಿ, ಧರ್ಮಸಭಾ, ಪೂಜ್ಯ ಸ್ವಾಮೀಜಿ ತಾಕೂನು ಆಶೀರ್ವಚನ, ಪಾದುಕಾಪೂಜನ, ಪಟ್ಟಕಾಣಿಕಾ ಅರ್ಪಣ, ಶ್ರೀ ಭಿಕ್ಷಾ ಸೇವಾ, ದೀಪಾಲಂಕಾರ, ರಾತ್ರಿ ಪೂಜಾ ಆದಿ ಧಾರ್ಮಿಕ ಕಾರ್ಯಕ್ರಮ ಚಲ್ತಾ.
ನಂತರ ಪ್ರತಿ ದಿವಸು ಶ್ರೀ ಭವಾನಿ ಶಂಕರ ಸುಪ್ರಭಾತ, ಗಾಯತ್ರಿ ಅನುಷ್ಟಾನ, ಭಜನಾ ಸೇವಾ, ಮಹಾಪೂಜಾ, ಪಾದುಕಾ ಪೂಜಾ, ಭಿಕ್ಷಾ ಸೇವಾ, ಶ್ರೀ ಗುರು ಪರಂಪರಾ ಚರಿತಾ ಪಠಣ, ಸಾಂಸ್ಕೃತಿಕ ಕಾರ್ಯಾವಳಿ, ದೀಪಾಲಂಕಾರ, ಶಿವ ಪೂಜನ ಆದಿ ಧಾರ್ಮಿಕ ಕಾರ್ಯಕ್ರಮ ಚಲ್ತಾ. ಅಖೇರಿ ದಿವಸು ಜಾಲೀಲೆ ಸೆಪ್ಟೆಂಬರ್ ೧೮ಕ ಶ್ರೀಮದ್ ವಾಮನಾಶ್ರಮ ಸ್ವಾಮ್ಯಾಂಗೆಲೆ ಸಮಾಧಿಕ ಪೂಜನ ಕೊರನು ಮಹಾಪೂಜಾ, ಭಿಕ್ಷಾ, ಪಾದುಕಾ ಪೂಜನಾ ಆದಿ ಕಾರ್ಯಕ್ರಮ ಚಲ್ತಾ. ಸಾಂಜವಾಳಾ ಗಂಗಾ ಪೂಜನ, ಬೋಟಾಂತು ತಣ್ಣೀರಬಾವಿ ಪರ್ಯಂತ ಸೀಮೋಲ್ಲಂಘನ, ಮಾಗಿರಿ ಪಾದುಕಾ ಪೂಜನ, ಅಭಯಪ್ರಸಾದ, ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ, ಪ್ರಸಾದ ಭೋಜನ ಆದಿ ಕಾರ್ಯಕ್ರಮ ಚಲ್ತಾ. ಚಾತುರ್ಮಾಸ ಕಾರ್ಯಕ್ರಮ ವಿಜೃಂಭಣೆರಿ ಚಲಾಯಿಸೂನು ಘೇವನು ವ್ಹರಚಾಕ ಕೋಡಿಯಾಳ ಚಾತುರ್ಮಾಸ ಸಮಿತಿ-೨೦೨೪ ರಚನ ಕೆಲೀಲೆ ಆಸ್ಸಾ. ಚಡ್ತೆ ಮಾಹಿತಿಕ ಕನ್ವೀನರ್ ಶ್ರೀ ವಾಯ್. ರಾಮಕಿಶೋರ ರಾವ್ (ಮೊ : ೯೪೪೮೧೪೪೩೦೨) ಆನಿ ಶ್ರೀ ಭವಾನಿ ಶಂಕರ ಕಂಡ್ಲೂರ (ಮೊ : +೪೧೭೯೮೯೩೭೧೧೩) ಹಾಂಕಾ ಸಂಪರ್ಕ ಕೊರಯೇತ.
ಚಾತುರ್ಮಾಸ ಸಮಿತಿಚಲಾಗ್ಗಿ ವಿನಂತಿ :
ಚಾತುರ್ಮಾಸ ಖಬ್ಬರ ತಕ್ಷಣ ಆಮ್ಗೆಲೆ ವೆಬ್‌ಸೈಟ್ ನ್ಯೂಸ್ ಪಾನಾಂತು ಘಾಲಚಾಕ ದಯದವರೂನು ಕಾರ್ಯಕ್ರಮಾಚೆ ಮಾಹಿತ ಫೋಟೊ ಸಹಿತ ೯೪೮೩೭೮೩೯೭೭ ಹೇ ವಾಟ್ಸಫ್ ನಂಬರಾಕ ಪೆಟೋನು ದಿವ್ಕಾ ಮ್ಹೊಣು ಸರ್ವ ಸಂಘಟಕ ಲಾಗ್ಗಿ ವಿನಂತಿ ಕರ್ತಾ. ಸಂ.

ದೈವಜ್ಞ ಬ್ರಾಹ್ಮಣ ಮಠಾಧೀಶಾಂಗೆಲೆ ಚಾತುರ್ಮಾಸು ಶಿರಸಿಚೆ ದೈವಜ್ಞ ಕಲ್ಯಾಣ ಮಂಟಪಾಂತು :

ದೈವಜ್ಞ ಬ್ರಾಹ್ಮಣ ಮಠಾಧೀಶ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಮಹಾಸ್ವಾಮೆಂ ತಶೀಚಿ ತಾಂಗೆಲೆ ಶಿಷ್ಯ ಶ್ರೀ ಶ್ರೀ ಸುಜ್ಞಾನೇಶ್ವರ ಭಾರತೀ ಮಹಾಸ್ವಾಮೆಂ ಹಾಂಗೆಲೆ ಕ್ರೋಧಿ ನಾಮ ಸಂವತ್ಸರಾಚೆ ಚಾತುರ್ಮಾಸು ದಿನಾಂಕ. ೨೧-೦೭-೨೦೨೪ ತಾಕೂನು ೧೮-೦೯-೨೦೨೪ ಪರಿಯಂತ ದೈವಜ್ಞ ಕಲ್ಯಾಣ ಮಂಟಪ, ಅಗಸೇಬಾಗಿಲು, ಶಿರಸಿ ಹಾಂಗಾ ಚಲ್ತಾ. ದಿನಾಂಕ. ೨೧-೦೭-೨೦೨೪ಕ ಪೂಜ್ಯ ಸ್ವಾಮೆಂ ವ್ಯಾಸಪಂಚಕ ಪೂಜಾ ಮುಖಾಂತರ ಚಾತುರ್ಮಾಸ್ಯ ವ್ರತ ಆರಂಭ ಕರತಾತಿ. ಹೇ ವೇಳ್ಯಾರಿ ಪೂಜ್ಯ ಸ್ವಾಮ್ಯಾಂಗೆಲೆ ಪಾದುಕಾ ಪೂಜನ, ಸಭಾ ಕಾರ್ಯಕ್ರಮ, ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ ಚಲ್ತಾ. ಪ್ರತಿ ದಿವಸು ಸಕ್ಕಾಣಿ ೧೧-೦೦ ಘಂಟ್ಯಾಕ ಸಾಮೂಹಿಕ ಪಾದುಕಾ ಪೂಜನ, ಪೂಜ್ಯ ಸ್ವಾಮ್ಯಾಂಗೆಲೆ ತಾಕೂನು ವ್ಯಾಸಾಕ್ಷತಾ, ಧೋಂಪಾರ ೧೨-೩೦ಕ ಪೂಜ್ಯ ಸ್ವಾಮ್ಯಾಂಗೆಲೆ ದೇವಾಲೆ ಮಹಾ ಪೂಜಾ, ಮಹಾಪ್ರಸಾದ, ಸಾಂಜವಾಳಾ ೬-೩೦ ತಾಕೂನು ೭-೩೦ ಪರಿಯಂತ ಭಜನ, ಸಹಸ್ರನಾಮ ಪಠಣ ತಶೀಚಿ ಸಾಂಸ್ಕೃತಿಕ ಕಾರ್ಯಕ್ರಮ ಚಲ್ತಾ. ರಾತ್ತಿಕ ೭-೩೦ ಘಂಟ್ಯಾಕ ದೇವಾ ಪೂಜಾ, ಆಶೀರ್ವಚನ, ತೀರ್ಥಪ್ರಸಾದ ವಾಂಟಪ ಚಲ್ತಾ. ದಿನಾಂಕ. ೧೮-೦೯-೨೦೨೪ ದಿವಸು ಸಕ್ಕಾಣಿ ಸೀಮೋಲ್ಲಂಘನ ಪೂಜಾ, ಮಹಾಪೂಜಾ ಚಲ್ತಾ. ಚಾತುರ್ಮಾಸ ಕಾಲಾಚೆ ವಿಶೇಷ ಸೇವಾ ಕಾರ್ಯಕ್ರಮ ಜಾವ್ನು ೦೮-೦೮-೨೦೨೪ಕ ಶ್ರೀ ವಿನಾಯಕ ಶಾಂತಿ, ೧೮-೦೮-೨೦೨೪ಕ ಶ್ರೀ ಲಲಿತಾ ಹೋಮ ಆನಿ ೨೨-೦೮-೨೦೨೪ಕ ಶ್ರೀ ಸಂಕಷ್ಟಿ ಉದ್ಯಾಪನ ಕಾರ್ಯಕ್ರಮ ಚಲ್ತಾ. ಸೇವಾ ಜಾಂವೊ ವೆಗಳೆ ಖಂಚೇಯಿ ಚಡ್ತೆ ಮಾಹಿತಿಕ ಶ್ರೀ ಗೋಪಾಲಕೃಷ್ಣ ಆರ್. ವೆರ್ಣೇಕರ (ಮೊ : ೯೯೭೨೭೧೨೩೪೩), ಶ್ರೀ ಗಣಪತಿ ಎನ್. ವೆರ್ಣೇಕರ (ಮೊ : ೯೯೦೨೭೨೦೩೮೫) ಹಾಂಕಾ ಸಂಪರ್ಕ ಕೊರಯೇತ.