ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನಿ ಸಿದ್ದಿ ಸಮುದಾಯಾಚೆ ಲೋಕಾಂಕ ಮುಖೇಲ ಸ್ಥರಾಕ ಹಾಡಚಾಕ ಮುಂಡುಗೋಡ್ಚೆ ಲೊಯೊಲಾ ವಿಕಾಸ ಕೇಂದ್ರಾಂತು ಮಾರ್ಚ್ 15 ಆನಿ 16, 2025 ದಿವಸು ಸಿದ್ದಿ ಸಮಾವೇಶ ವಿಜೃಂಭಣೆ ಚಲಾಯಿಸೂನು ಘೆವಚೆ ಯೋಜನಾ ಘಾಲ್ನು ಘೆತ್ಲ್ಯಾ. ಹೇ ವೇಳ್ಯಾರಿ ಸಿದ್ದಿ ಸಂಸ್ಕೃತಿ ದಾಖೋನು ದಿವಚೆ ಜಾನಪದ ಕಲಾತಂಡಾಂಚೆ ಪ್ರದರ್ಶನಮೆರ್‍ವಣಿಗೆ ಬರಶಿ ವೈಭವಯುತ ಜಾವ್ನು ಚಲ್ತಾ.
ಸಮಾವೇಶಾಚೆ ಪಯ್ಲೆ ದಿವಸು ಜಾಲೀಲೆ ಮಾರ್ಚ್ ೧೫ಕ ಸಕ್ಕಾಣಿ ೧೦.೦೦ ಘಂಟ್ಯಾಕ ಮಾಜಿ ಲೋಕಸಭಾ ಸದಸ್ಯ ಆನಿ ಮಾಜಿ ರಾಜ್ಯಪಾಲ ಜಾಲೀಲೆ ಶ್ರೀಮತಿ ಮಾರ್ಗರೇಟ್ ಆಳ್ವಾ ತಾನ್ನಿ ಕಾರ್ಯಕ್ರಮಾಕ ಚಾಲನಾ ದಿತ್ತಾತಿ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಜಾಲೀಲೆ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಸಮಾವೇಶಾಚೆ ಅಧ್ಯಕ್ಷಪಣ ಘೆತ್ತಾತಿ. ಮುಖೇಲ ಸೊಯರೆ ಜಾವ್ನು ವಿಧಾನ ಪರಿಷತ್ ಶಾಸಕ ಶ್ರೀ ಶಾಂತಾರಾಮ ಸಿದ್ದಿ ವಾಂಟೊ ಘೆತ್ತಾತಿ. ಆನಿ ಸಿದ್ದಿ ವಸ್ತು ಪ್ರದರ್ಶನ ಮಳಿಗೆ ಉದ್ಘಾಟನ ಕರತಾತಿ. ಶ್ರೀಮತಿ ಲಕ್ಮೀ ಸಿದ್ದಿ (ವಾಲ್ಮೀಕಿ ಪ್ರಶಸ್ತಿ ಪುರಸ್ಕೃತ ಆನಿ ಕೊಂಕಣಿ ಅಕಾಡೆಮಿಚೆ ಗೌರವ ಪ್ರಶಸ್ತಿ ಪುರಸ್ಕೃತ) ವಾಂಟೊ ಘೇವ್ನು, ಸಿದ್ದಿ ಸಮುದಾಯಾಚೆ ಆಯುರ್ವೇದಿಕ್ ಮಳಿಗಾ ಉದ್ಘಾಟನ ಕರತಾತಿ. ಮುಖೇಳ ಸೊಯರೆ ಜಾವನು ಸಿದ್ದಿ ಸಮುದಾಯಾಚೆ ಮುಖೇಲ ಜಾಲೀಲೆ ಶ್ರೀ ಅಲ್ಲಿಸಾಬ್ ಮೆಹಬುಬಸಾಬ್ ದೇಸಾಯಿ, ಶ್ರೀ ಬೇನಿತ ಸಿದ್ದಿ, ಶ್ರೀ ಹಸನಸಾಬ ಮೊದಿನಸಾಬ ಹುಲಕೊಪ್ಪ, ಶ್ರೀಮತಿ ಗೌರಿ ಸಿದ್ದಿ ಕಲ್ಲೇಶ್ವರ, ತಶೀಚಿ ಮುಂಡುಗೋಡ್ಚೆ ಲೊಯೊಲಾ ವಿಕಾಸ ಕೇಂದ್ರಾಚೆ ನಿರ್ದೇಶಕ ಫಾ. ಮೆಲ್ವಿನ್ ಲೋಬೊ ಉಪಸ್ಥಿತ ವ್ಹರತಾತಿ.
ಸಮಾವೇಶದ ದುಸ್ರೆ ದಿವಸು ಜಾಲೀಲೆ ಮಾರ್ಚ್ ೧೬ಕ ಸಕ್ಕಾಣಿ ೧೦-೦೦ ಘಂಟ್ಯಾಕ ಹಳಿಯಾಳ ವಿಧಾನಸಭಾ ಕ್ಷೇತ್ರಾಚೆ ಶಾಸಕ ಆನಿ ಮಾಜಿ ಮಂತ್ರಿಶ್ರೀ ಆರ್ ವಿ ದೇಶ್‌ಪಾಂಡೆ ತಾನ್ನಿ ಸಮಾವೇಶಾಚೆ ಉದ್ಘಾಟನ ಚಲಯತಾತಿ. ಮುಖೇಲ ಸೊಯರೆ ಜಾವ್ನು ಮೀನುಗಾರಿಕೆ, ಬಂದರು, ಒಳನಾಡು ಜಲಸಾರಿಗೆ ತಶೀಚಿ ಉತ್ತರ ಕನ್ನಡ ಜಿಲ್ಲೆಚೆ ಉಸ್ತುವಾರಿ ಸಚಿವ ಸನ್ಮಾನ್ಯ ಶ್ರೀ ಮಾಂಕಳ ಎಸ್. ವೈದ್ಯ, ಯಲ್ಲಾಪುರ- ಮುಂಡಗೋಡು ವಿಧಾನಸಭಾ ಕ್ಷೇತ್ರಾಚೆ ಶಾಸಕ ಸನ್ಮಾನ್ಯ ಶ್ರೀ ಶಿವರಾಮ ಹೆಬ್ಬಾರ, ಕಾರವಾರ- ಅಂಕೋಲಾ ವಿಧಾನಸಭಾ ಕ್ಷೇತ್ರಾಚೆ ಶಾಸಕ ಜಾಲೀಲೆ ಸನ್ಮಾನ್ಯ ಶ್ರೀ ಸತೀಶ್ ಸೈಲ್, ವಿಧಾನ ಪರಿಷತ್ ಶಾಸಕ ಸನ್ಮಾನ್ಯ ಶ್ರೀ ಶಾಂತರಾಮ ಸಿದ್ದಿ ಸೊಯರೆ ಜಾವ್ನು ಉಪಸ್ಥಿತ ವ್ಹರತಾಲೆ. ವಿಶೇಷ ಆಹ್ವಾನಿತ ಜಾವ್ನು ಉತ್ತರಕನ್ನಡ ಜಿಲ್ಲೆಚೆ ಜಿಲ್ಲಾಧಿಕಾರಿ ಶ್ರೀಮತಿ ಕೆ ಲಕ್ಷ್ಮೀಪ್ರಿಯಾ, ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿ ಶ್ರೀ ಉಮೇಶ ವೈ ಕೆ, ತಾಲೂಕು ದಂಡಾಧಿಕಾರಿ ಶ್ರೀ ಶಂಕರ ಬೊಂಡಿ, ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿ ಶ್ರೀ ಬಾಲೇಶ ಸಿದ್ದಯನವರ ಸಮಾವೇಶಾಂತು ವಾಂಟೊ ಘೆತ್ತಾತಿ.
ಹೇ ಸಮಾವೇಶಾಂತು ಸಿದ್ದಿ ಪರಂಪರೆ, ಸಿದ್ದಿ ಲೋಕಾಂಗೆಲೆ ಜೀವನಾಚೆ ಆಯಾಮಂ (ಕಲೆ, ಸಂಸ್ಕೃತಿ), ಸಿದ್ದಿ ಲೋಕಾಂಗೆಲೆ ಜೀವನ ಕಾಲಿ, ಆಜಿ ಆನಿ ಪಾಯಿ. ೨೧ವೇಂ ಶೇಕಡ್ಯಾಂತು ಸಿದ್ದಿ ಲೋಕಾಂಕ ಯವ್ಚೆ ಸಮಸ್ಯೆ/ ಸವಾಲು ಆನಿ ಸಕಾರಾತ್ಮಕ ಸಾಧ್ಯತಾ ಮ್ಹಣಚೆ ವಿಷಯಾಚೇರಿ ವಿಚಾರಗೋಷ್ಟಿ ಚಲ್ತಾ. ಕಾರ್ಯಕ್ರಮ ನಂತರ ವೆಗವೆಗಳೆ ಸಿದ್ದಿ ಜಾನಪದ ಕಲಾತಂಡಾಚಾನ ನೃತ್ಯ ಪ್ರದರ್ಶನ ಚಲ್ತಾ.