ಆಮ್ಗೆಲೆ ದೇಶವಾಸಿಂಕ ದೇಶಪ್ರೇಮ ಜಾಗೃತ ಜಾವಚೆ ವರಿ ಕೊರಚಾಕ ತಶೀಚಿ ದೇಶಾಚೆ ಅಮೂಲ್ಯ ಸಂಸ್ಕೃತಿ ರಾಕ್ಕುನು ಹಾಡಚೆ ವಾವರೋ ಕರೀತ ಆಸ್ಸುಚೆ ೧೯೨೫ಚೆ ವಿಜಯದಶಮಿ ದಿವಸಯ ಸ್ಥಾಪಿತ ರಾಷ್ಟ್ರೀಯ ಸ್ವಯಂ ಸೇವಕ ಸಂಘಾಕ ಅವುಂದು ಶತಮಾನೋತ್ಸವಾಚೆ ಸಂಭ್ರಮು. ತಾಜ್ಜ ಬರಶಿ ೧೯೬೫ ಫೆಬ್ರವರಿ ೨೭ ದಿವಸು ಸಂಘ ಪರಿವಾರಾಚೊ ಸಂಸ್ಥೊ ರಾಷ್ಟ್ರೋತ್ಥಾನ ಪರಿಷತ್ ಸ್ಥಾಪನ ಜಾಲ್ಲೆ. ತಾಕ್ಕಾತ್ತ ಸಾಠ ವರ್ಸ. ಸಾಠ್ಠಿ ಶಾಂತಿಚೆ ಸಂಭ್ರಮು!. ಹೇ ಶುಭ ಸಂದರ್ಭಾರಿ ಗೋವಾ ಪರ್ತಗಾಳಿ ಜೀವೋತ್ತಮ ಮಠಾಚೆ ಮಠಾಧಿಪತಿ ಪೂಜ್ಯ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ಒಡೆಯರ್ ಸ್ವಾಮೀಜಿ ಹಾಂಗೆಲೆ ಅಮೃತ ಕರಕಮಲಾನಿ ರಾಷ್ಟ್ರೋತ್ಥಾನ ಪರಿಷತ್ತಾಚೆ ಕರಪತ್ರ ಅನಾವರಣ ಕೆಲ್ಲೆ.
ಹೇ ವೇಳ್ಯಾರಿ ಉಲಯಿಲೆ ಪೂಜ್ಯ ಸ್ವಾಮ್ಯಾನಿಂ ಸಂಘ ಶತಮಾನೋತ್ಸವ ವೇಳ್ಯಾರಿ ಠರಯಿಲೆ ಪಂಚ ಪರಿವರ್ತನಾ ವಿಷಯ ಆನಿ ರಾಷ್ಟ್ರೋತ್ಥಾನ ಪರಿಷತ್ ಚಟುವಟಿಕಾ ಆಯಕೂನು “ಹೇ ಸಮಾಜಕ್ಕೆ ಅನಿವಾರ್ಯ ಆನಿ ಅವಶ್ಯ ಮ್ಹೊಣು ಅಭಿಪ್ರಾಯ ಪಾವಲೆ. ಮಠ ಆನಿ ಸಮಾಜ ಸಂಘಾಚೆ ಕಾರ್ಯಾಕ ಸಹಕಾರ ದಿತ್ತಾ ಮ್ಹಳ್ಳೆ. ಶ್ರೀ ಮಠಾಚೆ ಸ್ಥಾಪನೆಚೆ ೫೫೦ ವರ್ಷಾಚೆ ಕಾರ್ಯಕ್ರಮ ಚಲ್ತಾ. ತಾಕ್ಕಾ ಆಮಂತ್ರಣ ದಿವಚೆ ಜಾವನು ಸಾಂಗಲೆ. ಆನಿ ತುಮ್ಗೆಲೆ ಕಾಮ್ಮಾಂತು ಪೂರ್ಣ ಯಶ ಮೆಳೋ, ಪ್ರಭು ಶ್ರೀರಾಮಚಂದ್ರ ದೇವು ಅನುಗ್ರಹ ಕೊರೊ, ಪಂಚ ಪರಿವರ್ತನೆಯ ವಿಷಯ ಆಪ್ಪಣ ವರೇನ ಸಮಾಜಾಚೆ ಸಕಡಾಂಕ ಕಳಯಸಿತಾ ಮ್ಹೊಣು ಶ್ಲಾಘನ ಕೊರನು ಅಭಿನಂದನ ಕೆಲ್ಲಿ. ಆನಿ ಮಂತ್ರಾಕ್ಷತ ದಿವನು ಆಶೀರ್ವಾದ ಕೆಲ್ಲೆ. ಹೇ ವೇಳ್ಯಾರಿ ಶ್ರೀ ಹನುಮಂತ ಶ್ಯಾನುಭಾಗ್. ಮಾನ್ಯ ಜಿಲ್ಲಾ ಸಂಘ ಚಾಲಕರು ಕಾರವಾರ ಜಿಲ್ಲೆ, ಶ್ರೀ ಅಶ್ವಿನ್ ಭಟ್ಟ್. ಜಿಲ್ಲಾ ಸಂಪರ್ಕ ಪ್ರಮುಖ್ ಕಾರವಾರ ಜಿಲ್ಲೆ, ಆನಿ ಅಭಿಷೇಕ್ ಪ್ರಶಿಕ್ಷಣ ಭಾರತಿ ಜಿಲ್ಲಾ ಸಂಯೋಜಕ ಕಾರವಾರ ತಶೀಚಿ ಗಜಾನನ ಕಿಣಿ ಬರಶಿ ಸಮಾಜಾಚೆ ಮ್ಹಾಲ್ಗಡೆ ಉಪಸ್ಥಿತ ವ್ಹರಲೀಲೆ.