ಹೆಬ್ರಿಚೆ ಪಾಂಡುರಂಗ ರಮಣ ನಾಯಕ್ ಅಮೃತ ಭಾರತಿ ಪಿಯುಸಿ ಕಾಲೇಜಾಂತು ಪಿ.ಯು. ಶಿಕ್ಷಣ ಕರತಾ ಆಶ್ಶಿಲಿ ಕು|| ಅನನ್ಯಾ ಕಾಮತ್ ಹೀಣೆ ೬೦೦ಂತು ೫೯೨ ಅಂಕ ಘೇವನು ರಾಜ್ಯಾಕ ಆಠವೇ(೮) ರ್‍ಯಾಂಕ ಘೆತಲ್ಯಾ. ಆನಿ ಕಾಲೇಜಾಕ ಪಯಲೇಚಿ ಜಾವನು ಆಯಿಲ್ಯಾ. ಕು|| ಅನನ್ಯಾ ಕಾಮತ್ ಹೀಣೆ ಇಂಗ್ಲೀಷಾಂತು 94, ಸಂಸ್ಕೃತಾಂತು100, ಪಿಜಿಕ್ಸಾಂತು 99, ಕೆಮೆಸ್ಟ್ರಿಂತು 100, ಗಣಿತಾಂತು 99, ಕಂಪ್ಯೂಟರ್ ಸೈನ್ಸಾಂತು 99 ಅಂಕ ಘೆತಲ್ಯಾ. ಹೀ ನಾಲ್ಕೂರು ಮುದೂರ್‍ಚೆ ಶ್ರೀ ದಿನೇಶ್ ಕಾಮತ್ ಆನಿ ಶ್ರೀಮತಿ ದೀಪಾ ಕಾಮತ್ ಹೇ ದಂಪತಿಲಿ ಧೂವಜಾವ್ನಾಸ್ಸಾ. ಪ್ರಾಥಮಿಕ ಶಿಕ್ಷಣಚಾನ ಪಿ.ಯು.ಸಿ. ಪರಿಯಂತ ಹೆಬ್ರಿಚೆ ಅಮೃತ ಭಾರತೀಂತು ಶಿಕ್ಕಿಲಿ ಆಸ್ಸುನು ಸೂಟಿ ದಿವಸಾಂತು ೮ ತಾಕೂನು ೧೦ ಘಂಟೊ ಆನಿ ಕಾಲೇಜ ಆಸ್ಸುಚೆ ದಿವಸಾಂತು ೩-೪ ಘಂಟೊ ವಾಜ್ಜಿತಾಶ್ಶಿಲಿ ಕಂಯಿ. ತಿಕ್ಕಾ ಸಾಪ್ಟವೇರ್ ಇಂಜಿನಿಯರ್ ಜಾವಚೆ ಸಪನ ಆಸ್ಸ ಕಂಯಿ. ಆಪಣೇಲೆ ಸಾಧನೆಕ ಕಾಲೇಜಾಚೆ ಪ್ರಾಂಶುಪಾಲ, ಉಪನ್ಯಾಸಕ ವೃಂದ ಆನಿ ಆವಯಿ-ಬಾಪಯಿಲೆ ಪ್ರೋತ್ಸಾಹಿಚಿ ಕಾರಣ ಮ್ಹೊಣು ಸಾಂಗಲಿ.
ಹೆಬ್ರಿಚೆ ಪಾಂಡುರಂಗ ರಮಣ ನಾಯಕ್ ಅಮೃತ ಭಾರತಿ ಪಿ.ಯು. ಕಾಲೇಜಾಂತು ಅವುಂದು ವರ್ಷ ವಾಣಿಜ್ಯ(ಕಾಮರ್ಸ್) ವಿಭಾಗಾಚೆ ಚರಡುವಾನಿ ೧೦೦ % ಆನಿ ವಿಜ್ಞಾನ(ಸೈನ್ಸ್) ವಿಭಾಗಾಚೆ ಚರಡುವಾನಿ ಶೇ. ೯೯% ಸಾಧನ ಕೆಲ್ಲ್ಯಾ. ಪರೀಕ್ಷೆಕ ಹಾಜರ
ಜಾಲೀಲೆ ೨೪೮ ವಿದ್ಯಾರ್ಥ್ಯಾಂತು ೧೨೨ ವಿದ್ಯಾರ್ಥಿ ಲೋಕಾನಿ ಅತ್ಯುತ್ತಮ ದರ್ಜೆಂತು ಉತ್ತೀರ್ಣ ಜಾಲಯಾರಿ ವ್ಹರಲೀಲೆ ವಿದ್ಯಾರ್ಥಿ ಲೋಕ ಉತ್ತಮ ಶ್ರೇಣಿಂತು ಉತ್ತೀರ್ಣ ಜಾಲ್ಲಿಂತಿ. ಆನ್ನೇಕ್ಲಿ ಶ್ರೀ ರಮ್ಯಾ ಪೈ ಹೀಣೆ ೧೦ಂಚೆ ರ್‍ಯಾಂಕ ಘೆತಲ್ಯಾ. ಸಕ್ಕಡ ಸಾಧಕ ವಿದ್ಯಾರ್ಥ್ಯಾಂಕ ಕಾಲೇಜಾಚೆ ಪ್ರಾಂಶುಪಾಲ ಆನಿ ಆಡಳಿತ ಮಂಡಳಿಚಾನ ಅಭಿನಂದನ ಕೆಲ್ಲ್ಯಾ. ಸರ್ವ ಸಾಧಕ ವಿದ್ಯಾರ್ಥಿ ಬರಶಿ ಕು|| ಅನನ್ಯಾ ಕಾಮತ್ ಆನಿ ಶ್ರೀ ರಮ್ಯಾ ಪೈ ಹಾಂಕಾ ದೇವು ಬರೆಂ ಕೊರೊ ಮ್ಹಣಚೆ ಸರಸ್ವತಿ ಪ್ರಭಾಚೆ ಆಶಯು.
ರಾಘವೇಂದ್ರ ನ್ಯಾರಿ ಹಾನ್ನಿ ಹೆಬ್ರಿಚೆ ಕೆನರಾ ಬ್ಯಾಂಕಾಂತು ಸಾಧಕಿ ಅನನ್ಯಾ ಕಾಮತ ತಿಕ್ಕಾ ಆತ್ಮೀಯ ಜಾವ್ನು ಸನ್ಮಾನ ಕೆಲ್ಲಿ.
(ವಿ.ಸೂ. : ಪಿ.ಯು.ಸಿ. ಆನಿ ಎಸ್.ಎಸ್.ಎಲ್. ಪರೀಕ್ಷೆಂತು ೯೫ ಪಶಿ ಚ್ಹಡ ಮಾರ್ಕ್ಸ್ ಘೆತ್ತಿಲೆ ಚರಡುವಾಲೆ ಫೋಟೊ ಸಹಿತ ಖಬ್ಬರ ಪೆಟೋನು(ಧಾಡ್ನು) ದಿಲಯಾರಿ ಆಮ್ಗೆಲೆ ವಾರ್ತಾ ವೆಬ್ ಪಾನಾಂತು ಘಾಲತಾತಿ-ಸಂ)