ದಾವಣಗೆರೆಚೆ ಚನ್ನಗಿರಿ ವಿರೂಪಾಕ್ಷಪ್ಪ ಕಲ್ಯಾಣ ಮಂಟಪಾಂತು ಪಯಚೆ ಆಯ್ತವಾರ ಸಾಲಿಗ್ರಾಮ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಠಾನ, ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ ಸಹಯೋಗಾಂತು ೭೦ವೇಂ ವರ್ಷಾಚೆ ಕನ್ನಡ ನಿತ್ಯೋತ್ಸವ ಪ್ರಯುಕ್ತ ಚಲೀಲೆ ಸರಸ್ವತಿ ಸಾಧಕ ಸಿರಿ ರಾಷ್ಟ್ರಪ್ರಶಸ್ತಿ ಪ್ರದಾನ ಸಮಾರಂಭ ಚಲ್ಲೆ. ಉದ್ಘಾಟಕ ಜಾವ್ನು ಮೈಸೂರು ಜಿಲ್ಲೆ ಕರ್ನಾಟಕ ಸುಗಮ ಸಂಗೀತ ಪರಿಷತ್ ಜಿಲ್ಲಾಧ್ಯಕ್ಷ ಡಾ.ನಾಗರಾಜ ಬೈರಿ ಆಯ್ಯಿಲೆ. ತಾನ್ನಿ ಡಾ.ನಾಗೇಶ ಸಂಜೀವ ಕಿಣಿಂಗೆಲೆ ಸರ್ಕಾರಿ ಶಾಳೆಂತು ಏಕ ಹಜಾರಾ ಪಶಿ ಚ್ಹಡ ಚರಡುವಾನಿ ಶಿಕ್ಷಣ ಘೆತ್ತಾ ಆಸ್ಸುಚೆ ಖಾತೆರಿ ಆನಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷಾನ ನೇತೃತ್ವಾರಿ ಸಾಧಕಾಂಗೆಲೆ ಸನ್ಮಾನ ಕಾರ್ಯಕ್ರಮ ಚಲೀಲೆ ಖಾತೆರಿ ಶ್ಲಾಘನ ವ್ಯಕ್ತ ಕೆಲ್ಲಿ.
ಮೈಸೂರ್‍ಚೆ ಸಾಮಾಜಿಕ ಸಾಧಕ ಡಾ.ಜಿ.ಗಂಗಾಧರಪ್ಪ ತಾನ್ನಿ ಉಲೋನು “ಮಾಕಶಿ ಕಾಲಾಂತು ಆಶ್ಶಿಲೆ ಮಾನವೀಯ ಮೌಲ್ಯ ಆಯ್ಚೆ ಪೀಳೀಗೆಂತು ದಿಸತಾ ನಾ ಮ್ಹೊಣು ವಿಷಾಧ ವ್ಯಕ್ತ ಕೆಲ್ಲಿ.
ಪ್ರತಿಷ್ಠಾನಾಚೆ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ ಶೆಣೈ ಹಾಂಗೆಲೆ ಅಧ್ಯಕ್ಷಪಣಾಂತು ಚಲೀಲೆ ಹೇ ಕಾರ್ಯಕ್ರಮಾಂತು ಪ್ರತಿಷ್ಟಾನಾಚೆ ಅಧ್ಯಕ್ಷ ಡಾ.ನಾಗೇಶ ಸಂಜೀವ ಕಿಣಿ, ಮುಂಡಗೋಡಾಚೆ ಕನ್ನಡ ಉಪನ್ಯಾಸಕಿ ಡಾ.ನಾಗರತ್ನ ಎಸ್.ಶೆಟ್ಟಿ, ಶೈಕ್ಷಣಿಕ ಸಾಧಕಿ ಸಂಗೀತಾ ಪ್ರಸನ್ನ ನಾಡಿಗ್, ವಿದುಷಿ ಆಶಾ ಅಡಿಗ ಆಚಾರ್ಯ(ಅಮೇರಿಕ), ಗೌರವಾಧ್ಯಕ್ಷೆ ಜ್ಯೋತಿ ಗಣೇಶ ಶೆಣೈ, ಕಲಾಕುಂಚ ಅಧ್ಯಕ್ಷ ಕೆ.ಎಚ್.ಮಂಜುನಾಥ, ಪ್ರಧಾನ ಕಾರ್ಯದರ್ಶಿ ಕೆ.ಸಿ.ಉಮೇಶ್, ಪ್ರಧಾನ ಕಾರ್ಯದರ್ಶಿ ಶ್ರೀಪತಿ ರಾಘವೇಂದ್ರ ಶೆಣೈ, ತಶೀಚಿ ಪದಾಧಿಕಾರಿ ಲೋಕ ಉಪಸ್ಥಿತ ವ್ಹರಲೀಲೆ.
ಶ್ರೀಮತಿ ಚಂದ್ರಶೇಖರ ಅಡಿಗ ತಾನ್ನಿ ಪ್ರಾರ್ಥಿನ ಕೆಲಯಾರಿ, ಪುಷ ಮಂಜುನಾಥ ತಾನ್ನಿ ಯೇವ್ಕಾರ ಕೆಲ್ಲಿ. ಶೈಲಾ ವಿನೋದ ದೇವರಾಜ ತಾನ್ನಿ ಕಾರ್ಯಕ್ರಮಾಚೆ ನಿರೂಪಾಣ ಕೆಲಯಾರಿ, ಡಿ.ಎಚ್.ಚನ್ನಬಸಪ್ಪ ತಾನ್ನಿ ಆಬಾರ ಮಾನಲೆ. ಹೇ ವೇಳ್ಯಾರಿ ರಾಜ್ಯಾಚೆ ವೆಗವೆಗಳೆ ಜಿಲ್ಲೆಚೆ ವಿವಿಧ ಕ್ಷೇತ್ರಾಚೆ ೧೯೦ ಸಾಧಕಾಂಕ ಗುರ್‍ತು ಕೊರನು ಸನ್ಮಾನ ಕೊರನು ಗೌರವ ಕೆಲ್ಲೊ.