ಪುರಾಣ ಪ್ರಸಿದ್ಧ ಗಂಗೊಳ್ಳಿ ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಂತು ಕಾಲಂಪ್ರತಿ ಚೊಲಚೆ ಬ್ರಹ್ಮರಥೋತ್ಸವ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಉಪಸ್ಥಿತಿರಿ ತಶೀಚಿ ಮಾರ್ಗದರ್ಶನಾರಿ ಮಾರ್ಚ್ ೬, ಗುರ್‍ವಾರ ವಿಜೃಂಭಣೆರಿ ಚಲ್ಲೆ.
ಸಕ್ಕಾಣಿ ಶ್ರೀ ದೇವಾಕ ಪಂಚಾಮೃತ ಅಭಿಷೇಕ, ತುಲಾಭಾರ ಸೇವಾ ಚಲ್ಲೆ. ಧೋಂಪಾರಾ ಮಹಾಮಾಗಣಿ, ಮಾಗಿರಿ ಬಲಿಪೂಜಾ, ಮಾರ್ಗ ಬಲಿ ಚಲ್ಲೆ. ಸಾಂಜವಾಳಾ ರಥಾರೋಹಣ, ಮಹಾಮಂಗಳಾರತಿ ಆದಿ ಧಾರ್ಮಿಕ ಕಾರ್ಯಕ್ರಮ ಸಂಪನ್ನ ಜಾಲ್ಲೆ. ದೇವಳಾಚೆ ಪ್ರಧಾನ ಅರ್ಚಕ ವೇದಮೂರ್ತಿ ಎಸ್.ವೆಂಕಟರಮಣ ಆಚಾರ್ಯ ಆನಿ ದೇವಳಾಚೆ ತಾಂತ್ರಿಕ ವೇದಮೂರ್ತಿ ಜಿ.ವಸಂತ ಭಟ್ ನೇತೃತ್ವಾರಿ ರಥೋತ್ಸವಾಚೆ ವೆಗವೆಗಳೆ ಧಾರ್ಮಿಕ ಕಾರ್ಯಕ್ರಮ ಆನಿ ಅನುಷ್ಟಾನ ಶಾಸ್ತ್ರೋಕ್ತ ಜಾವನು ಚಲ್ಲೆ.
ದೇವಳಾಚೆ ಆಡಳಿತ ಮಂಡಳಿ ಸದಸ್ಯ, ಪುರೋಹಿತ, ಅರ್ಚಕ, ಗಾಂವ್ಚೆ ಧಾಲೋಕ, ಸಮಾಜಬಾಂಧವ ತಶೀಚಿ ಗಾಂವ್ಚೆ, ಪರಗಾಂವ್ಚೆ ಭಜಕ ಉತ್ಸವಾಂತು ವಾಂಟೊ ಘೇವನು ಶ್ರೀ ದೇವಾಲೆ ಪ್ರಸಾದ ಸ್ವೀಕಾರ ಕೆಲ್ಲಿ.
ಬ್ರಹ್ಮರಥೋತ್ಸವಾಚೆ ಧಾರ್ಮಿಕ ವಿಧಿವಿಧಾನ ಧ್ವಜಾವರೋಹಣ ಬರಶಿ ಶುಕ್ರವಾರ ಮಾ.೭ಕ ಸಮಾಪ್ತ ಜಾಲ್ಲೆ. ಶುಕ್ರಾರ ಸಾಂಜವಾಳಾ ಅವಭೃತ ಉತ್ಸವ, ಧ್ವಜ ಅವರೋಹಣ, ಶ್ರೀದೇವಾಕ ವಿಶೇಷ ಪೂಜಾ ಆದಿ ಧಾರ್ಮಿಕ ಕಾರ್ಯಕ್ರಮ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ಸ್ವಾಮ್ಯಾಂಗೆಲೆ ಮಾರ್ಗದರ್ಶನಾರಿ ಶಾಸ್ತ್ರೋಕ್ತ ಜಾವ್ನು ಚಲ್ಲೆ. ರಾತ್ತಿಕ ಪಂಚಗಂಗಾವಳಿ ನಂಯಿಂತು ಶ್ರೀ ದೇವರ ನೀರಾಟ ಉತ್ಸವ ಚಲ್ಲೆ.