ಗಂಗೊಳ್ಳಿಚೆ ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಂತು ಶ್ರೀ ದೇವಾಲೆ ಸನ್ನಿಧಿರ್‍ಲಿ ವರ್ಷಂಪ್ರತಿ ಶ್ರಾವಣ ಮಾಸಂತು ಚೊಲಚೆ ಅಖಂಡ ಭಜನಾ ಸಪ್ತಾಹ ಮಹೋತ್ಸವು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿಯವರ ಮಾರ್ಗದರ್ಶನ ಪ್ರಮಾಣೆ ಅಗಸ್ಟ್ ೧೦ಕ ಸಕ್ಕಾಣಿ ೯.೨೫ಘಂಟ್ಯಾಕ ಕನ್ಯಾ ಲಗ್ನ ಸುಮುಹೂತಾಂತು ದೀಪ ಸ್ಥಾಪನಾ ಪೂರ್ವಕ ಶೂರ ಜಾಲ್ಲೆ.
ದೇವಳಾಚೆ ಪ್ರಧಾನ ಅರ್ಚಕ ಎಸ್.ವೆಂಕಟರಮಣ ಆಚಾರ್ಯ ಆನಿ ಪುರೋಹಿತ ಜಿ.ವಿಠಲದಾಸ ಭಟ್ ತಾಂಗೆಲೆ ನೇತೃತ್ವಾರಿ ಧಾರ್ಮಿಕ ವಿಧಿವಿಧಾನ ಚಲ್ಲೆ. ದೇವಳಾಚೆ ಆಡಳಿತ ಮೊಕ್ತೇಸರ ಎನ್.ಸದಾಶಿವ ನಾಯಕ್ ಆನಿ ಆಡಳಿತ ಮಂಡಳಿ ಸದಸ್ಯ ಜಿ.ವೆಂಕಟೇಶ ನಾಯಕ್ ತಾನ್ನಿ ಮೇಳ್ನು ದೀಪ ಪ್ರಜ್ವಲನ ಕೆಲ್ಲಿ.
ಸಮಾಜಾಚೆ ಮ್ಹಾಲ್ಗಡೆ ಜಾಲೀಲೆ ಎಂ.ವಿನೋದ ಪೈ, ಜಿ.ನಿತ್ಯಾನಂದ ಶೆಣೈ, ಯು.ನಾರಾಯಣ ಪೈ, ಡಾ.ಕಾಶೀನಾಥ ಪಿ.ಪೈ, ಬಿ.ಸದಾನಂದ ಶೆಣೈ, ಬಿ.ಕೃಷ್ಟ್ರಾಯ ಪೈ, ಎನ್. ಕೃಷ್ಣಾನಂದ ವಿ.ನಾಯಕ್, ಎಂ.ನಾಗೇಂದ್ರ ಪೈ, ಎನ್.ಸುಭಾಶ್ ನಾಯಕ್, ಎಚ್.ಪಾಂಡುರಂಗ ನಾಯಕ್, ಎಂ.ಜಿ. ವಿಶ್ವನಾಥ ಭಂಡಾರ್‌ಕಾರ್, ಪುರೋಹಿತ, ದೇವಳಾಚೆ ಆಡಳಿತ ಮಂಡಳಿ ಸದಸ್ಯ, ಜಿ.ಎಸ್.ಬಿ ಮಹಿಳಾ ಮಂಡಳಿ ಸದಸ್ಯ, ಜಿ‌ಎಸ್‌ಬಿ ಸಮಾಜಬಾಂಧವ, ಗಾಂವ್ಚೆ ಧಾ ಸಮಸ್ತ ಉಪಸ್ಥಿತ ವ್ಹರಲೀಲೆ.
ಅಖಂಡ ಭಜನಾ ಸಪ್ತಾಹ ಮಹೋತ್ಸವು ಆ.೧೭ಕ ದೀಪ ವಿಸರ್ಜನೆ ಬರಶಿ ಸಮಾಪನ ಜಾತ್ತಾ. ಆ.೧೬ಕ ಸಾಂಜವಾಳಾ ೫ ಘಂಟ್ಯಾಕ ನಗರ ಭಜನಾ, ರಾತ್ರಿ ವಿಶೇಷ ಪೂಜೆ ಚಲ್ತಾ. ಅಖಂಡ ಭಜನಾ ಸಪ್ತಾಹ ಮಹೋತ್ಸವಾಂತು ಗಾಂವ್ಚೆ ಪರಗಾಂವ್ಚೆ ವೆಗವೆಗಳೆಭಜನಾ ತಂಡ ವಾಂಟೊ ಘೇ‌ಔನು ಭಜನಾ ಸೇವಾ ಪಾವಯತಾಲೆ. ಪ್ರತಿ ದಿವಸು ಶ್ರೀದೇವಾಕ ವಿಶೇಷ ಪೂಜಾ ಪುನಸ್ಕಾರ, ಧಾರ್ಮಿಕ ಕಾರ್ಯಕ್ರಮ ಚಲ್ತಾ.