ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಾನ ಅಕಾಡೆಮಿ ಸಭಾಂಗಣಾಂತು ಎಪ್ರಿಲ್ ೦೫, ೨೦೨೫ಕ ‘ಕಾವ್ಯಾಂ ವ್ಹಾಳೊ’ ಶೀರ್ಷಿಕೆಂತು ಮಾಸಿಕ ಕವಿಗೋಷ್ಟಿ ಆಯೋಜನ ಕೆಲೀಲೆ. ಕಾರ್ಯಕ್ರಮಾಚೆ ಅಧ್ಯಕ್ಷ ಪಣ ಅಕಾಡೆಮಿ ಅಧ್ಯಕ್ಷ ಜಾಲೀಲೆ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಘೆತ್ತಿಲೆ. ಕಾರ್ಯಕ್ರಮಾಂತು ಕರ್ನಾಟಕಾಂತು ಪ್ರಪ್ರಥಮ ಜಾವನು ಕೊಂಕಣಿ ಭಾಷೆಂತು ಪ್ರಬಂಧ ಮಂಡನ ಕೊರನು ಪಿ‌ಎಚ್. ಡಿ. ಕೆಲೀಲೆ ಡೊ.ಪ್ರೇಮ್ ಮೊರಾಸ್ ಆನ್ತಿ ಸಂಗೀತ ಕ್ಷೇತ್ರಾಂತು ಸಾಧನಾ ಕೆಲೀಲೆ ಯುವ ಗಾಯಕಿ ರಿಶಲ್ ಮೆಲ್ಬಾ ಕ್ರಾಸ್ತಾ ತಾಂಕಾ ಸನ್ಮಾನ ಕೆಲ್ಲಿ.
ಕಾರ್ಯಕ್ರಮಾಕ ಮುಖೇಲ ಸೊಯರೆ ಜಾವನು ಕೊಡಿಯಾಲ್ ಖಬರ್ ಡೊಟ್ ಕೊಮ್ನ ಸಂಪಾದಕ ಜಾಲೀಲೆ ಶ್ರೀ ವೆಂಕಟೇಶ್ ಬಾಳಿಗಾ ತಾನ್ನಿ ಆಯ್ಯಿಲೆ. ಸಂತ ಅಲೋಶಿಯಸ್ ಪರಿಗಣಿತ ವಿಶ್ವವಿದ್ಯಾನಿಲಯಾಚೆ ರಿಜಿಸ್ಟ್ರಾರ್ ಡೊ. ಆಲ್ವಿನ್ ಡೆಸಾ ತಾನ್ನಿ ಕಾವ್ಯಾ ಖಾತೇರಿ ಉಪನ್ಯಾಸ ದಿಲ್ಲೆ.
ಖ್ಯಾತ ಕವಿ ಶ್ರೀ ಜೊಸ್ಸಿ ಪಿಂಟೊ, ಕಿನ್ನಿಗೋಳಿ ತಾನ್ನಿ ಕವಿಗೋಷ್ಟಿಚೆ ಅಧ್ಯಕ್ಷಪಣ ಗೆತ್ತಿಲೆ. ಶ್ರೀ ಎಲ್ಸನ್ ಡಿಸೋಜ, ಹಿರ್ಗಾನ್ ತಾನ್ನಿ ಕಾವ್ಯ ವಿಮರ್ಶಾ ಕೆಲ್ಲಿ. ಅನಿಲ್ ಜೆ.ಕುವೆಲ್ಲೊ, ರಮಾನಾಥ ಮೇಸ್ತ ಶಿರೂರು, ವಿನೋದ್ ಪಿಂಟೊ ತಾಕೊಡೆ, ಶ್ರೀಮತಿ ಸತ್ಯವತಿ ಕಾಮತ್ ಮಂಗಳೂರು, ಶ್ರೀಮತಿ ಮೇರಿ ಸಲೋಮಿ ಡಿಸೋಜ ಮೊಗರ್ನಾಡ್, ವೆಂಕಟೇಶ್ ನಾಯಕ್ ಮಂಗಳೂರು, ನವೀನ್ ಪಿರೇರಾ ಸುರತ್ಕಲ್, ರಿಚ್ಚಿ ಪಿರೇರಾ ದೆರೆಬಯ್ಲ್, ಶ್ರೀಮತಿ ಮರ್ಲಿನ್ ಮಸ್ಕರೇನ್ಹಸ್, ಶ್ರೀಮತಿ ಪ್ರೀತಾ ಮಿರಾಂದಾ ಆದಿ ಲೋಕಾನಿ ಆಪಣೇಲೆ ಕವಿತಾ ವಾಚನ ಕೆಲ್ಲಿ. ಅಕಾಡೆಮಿ ಸದಸ್ಯ ಶ್ರೀ ರೊನಾಲ್ಡ್ ಕ್ರಾಸ್ತಾ ತಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೊರನು, ಆಬಾರ ಮಾನಲೆ. ಅಕಾಡೆಮಿ ಸದಸ್ಯ ಶ್ರೀ ನವೀನ್ ಲೋಬೊ, ಶ್ರೀ ಸಮರ್ಥ್ ಭಟ್, ಶ್ರೀಮತಿ ಅಕ್ಷತಾ ನಾಯಕ್ ಕಾರ್ಯಕ್ರಮಾಂತು ಉಪಸ್ಥಿತ ವ್ಹರಲೀಲೆ.