ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯು ಹಾನ್ನಿ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ಪ್ರಯುಕ್ತ ಅಕಾಡೆಮಿಚೆ ಸಭಾಂಗಣಾಂತು ಮಾರ್ಚ್ ೦೭. ೨೦೨೫ಕ ‘ಆಬೊಲಿಂ’ ನಾಂವಾರಿ ಮಹಿಳಾ ಕವಿಗೋಷ್ಟಿ ಆಯೋಜನ ಕೆಲೀಲೆ. ಕಾರ್ಯಕ್ರಮಾಚೆ ಅಧ್ಯಕ್ಷಪಣ ಅಕಾಡೆಮಿ ಅಧ್ಯಕ್ಷ ಜಾಲೀಲೆ ಶ್ರೀ ಜೋಕಿಂ ಸ್ನಾನಿ ಆಲ್ವಾರಿಸ್ ತಾನ್ನಿ ಘೆತ್ತಿಲೆ. ಹೇ ಕಾರ್ಯಕ್ರಮಾಂತು ಶಿಕ್ಷಣ ಕ್ಷೇತ್ರಾಂತು ಅವಿರತ ಸಾಧನಾ ಕೆಲೀಲೆ ಡೊ. ಗ್ರೇಸ್ ನೊರೊನ್ಹಾ ತಾಂಕಾ ಸನ್ಮಾನ ಪೂರ್ವಕ ಗೌರವ ಕೆಲ್ಲಿ. ಡೊ. ಗ್ರೇಸ್ ನೊರೊನ್ಹಾ ತಾನ್ನಿ ಹೇ ಗೌರವಾನಿ ಮಾಕ್ಕಾ ಖುಶಿ ಜಾಲ್ಲ್ಯಾ. ಮಾಕ್ಕಾ ಸನ್ಮಾನ ಕೆಲೀಲೆ ಖಾತೇರಿ ಕೊಂಕಣಿ ಅಕಾಡೆಮಿಕ ಆಪ್ಪಣ ಚಿರ‌ಋಣಿ ಮ್ಹಳ್ಳೆ. ಕಾರ್ಯಕ್ರಮಾಂತು ಮುಖೇಲ ಸೊಯರೆ ಜಾಲೀಲೆ ನಟಿ ಆನಿ ಮಂಗಳೂರ್‍ಚೆ 'ರತ್ನಾಸ್ ವೈನ್ ಗೇಟ್' ಹಾಜ್ಜೆ ಮಾಲ್ಕಿಣಿ ತಶೀಚಿ ಸಮಾಜ ಸೇವಕಿ ಶ್ರೀಮತಿ ಸುಚಿತ್ರಾ ನಾಯಕ್ ತಾನ್ನಿಅಂತರಾಷ್ಟ್ರೀಯ ಮಹಿಳಾ ದಿನಾಚರಣ ಕೇವಲ ಏಕ ದಿವಸಾಕ ಸೀಮಿತ ಜಾಯನಾಶಿ, ಸಕ್ಕಡ ದಿವಸು ಸಂತೋಷಾನ ಮಹಿಳಾ ದಿನಾಚರಣ ಆಚರಣ ಕೊರಕಾ. ಬಾಯಲಮನ್ಶೆಂಕ ಸಮಾನತಾ, ನ್ಯಾಯ ಮೆಳೋನು ನಾರಿಶಕ್ತಿ. ಬಾಯ್ಲಮನ್ಶೆಲೆ ಅಸ್ಮಿತಾ ಸಮಾಜಾಕ ಕಳೋಕಾ ಮ್ಹಳ್ಳೆ. ಕಾರ್ಯಕ್ರಮಾಚೆ ಮುಖೇಲ ಉಪನ್ಯಾಸಕಿ ಜಾಲೇಲಿ ಸಂತ ಅಲೋಶಿಯಸ್ ಕಾಲೇಜಾಚೆ ಮಾಜಿ ಉಪಪ್ರಾಂಶುಪಾಲ ತಶೀಚಿ ಆಪ್ತ ಸಮಾಲೋಚಕಿ ಜಾಲೀಲೆ ಡೊ. ಜೂಡಿ ಪಿಂಟೊ ತಾನ್ನಿ ಮಹಿಳಾ ದಿನಾಚರಣೆ ಇತಿಹಾಸ, ಮಾಕಶಿ ಆನಿ ಪ್ರಸ್ತುತ ಬಾಯ್ಲಮನ್ಶೆಲೆ ಸ್ಥಿತಿಗತಿ ಖಾತೇರಿ ವಿಷಯ ಮಂಡನ ಕೆಲ್ಲಿ.
ಕಾರ್ಯಕ್ರಮಾಂತು ಡಾ. ಅನ್ನಿ ಡಿಂಪಲ್ ಕ್ಯಾಸ್ತೆಲಿನೊ ಕವಿಗೋಷ್ಠಿಚೆ ಅಧ್ಯಕ್ಷ ಪಣ ಘೆತ್ತಿಲೆ. ಕು. ವಿತಾಶಾ ರಿಯಾ ರೊಡ್ರಿಗಸ್, ಸಿ| ಸಿಲ್ವಿಯಾ ಸುವಾರಿಸ್ ಎ.ಸಿ. ಶ್ರೀಮತಿ ಚಂದ್ರಿಕಾ ಮಲ್ಯ, ಶ್ರೀಮತಿ ಫೆಲ್ಸಿ ಲೋಬೊ, ಶ್ರೀಮತಿ ಪ್ರತಿಮಾ ಕ್ಲಾರಾ ಪ್ರಭು, ಶ್ರೀಮತಿ ಪ್ಲಾವಿಯಾ ಅಲ್ಬುಕರ್ಕ್, ಶ್ರೀಮತಿ ಎಸ್ ಜಯಶ್ರೀ ಶೆಣೈ, ಶ್ರೀಮತಿ ಅಸುಂತಾ ಡಿಸೋಜ, ಡಾ| ಫ್ಲಾವಿಯಾ ಕ್ಯಾಸ್ತೆಲಿನೊ, ಶ್ರೀಮತಿ ಲಿಡಿಯಾ ಡಿಕೋಸ್ತ, ಶ್ರೀಮತಿ ಜ್ಯೂಲಿಯೆಟ್ ಫೆರ್ನಾಂಡಿಸ್, ಶ್ರೀಮತಿ ಲವಿ ಗಂಜಿಮಠ ಆದಿ ಲೋಕಾನಿ ಆಪಣೇಲೆ ಕಾವ್ಯ ವಾಚನ ಕೆಲ್ಲಿ.
ಅಕಾಡೆಮಿ ಸದಸ್ಯೆ ತಶೀಚಿ ಹೇ ಕಾರ್ಯಕ್ರಮಾಚೆ ಸದಸ್ಯ ಸಂಚಾಲಕಿ ಜಾಲೇಲಿ ಶ್ರೀಮತಿ ಸಪ್ನಾ ಮೇ ಕ್ರಾಸ್ತಾ ತಾನ್ನಿ ಆಬಾರ ಮಾನ್ಲೆ. ಶ್ರೀಮತಿ ಮೆಲ್ವಿರಾ ರೊಡ್ರಿಗಸ್ ತಾನ್ನಿ ಕಾರ್ಯಕ್ರಮ ನಿರೂಪಣ ಕೆಲ್ಲಿ. ಅಕಾಡೆಮಿ ಸದಸ್ಯ ಜಾಲೀಲೆ ಶ್ರೀ ರೊನಾಲ್ಡ್ ಕ್ರಾಸ್ತಾ, ಶ್ರೀ ನವೀನ್ ಲೋಬೊ, ಶ್ರೀ ಸಮರ್ಥ್ ಭಟ್, ಶ್ರೀ ದಯಾನಂದ ಮಡೇಕರ್, ಅಕಾಡೆಮಿಯ ರಿಜಿಸ್ಟ್ರಾರ್ ಶ್ರೀ ರಾಜೇಶ್ ಜಿ. ತಾನ್ನಿ ಕಾರ್ಯಕ್ರಮಾಂತು ಉಪಸ್ಥಿತ ವ್ಹರಲೀಲೆ.