ಶ್ರೀ ಕಾಶೀಮಠಾಧೀಶ ಪರಮಪೂಜ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೇನ 1956 ವರ್ಷಾಂತು ಉಡ್ಪಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತು ಪ್ರಥಮ ಪಂತ ಚಾತುರ್ಮಾಸ ವೃತ ಕೆಲ್ಲೊ .ತ್ಯಾ ವೇಳೆರಿ ತಾನ್ನಿ ಪಳೈಲೆಕಿ ಆಮ್ಗೆಲೆ ಸಮಾಜಾಚೆ ಮಸ್ತ ಚೆರ್ಡುವಾಂಕ ವಿದ್ಯಾ ಶಿಕ್ಚೆಕ ಆರ್ಥಿಕ ಪರಿಸ್ಥಿತಿ ಆನಿ ಸಾಮಾಜಿಕ ಪರಿಸ್ಥಿತಿ ಬರೆ ನಾ ಅಸ್ಸಿಲಿ. ‌ತಾಂಗೆಲೆ ಗಾಂವಾಂತು ಹೈಸ್ಕೂಲ ನಾತ್ತಿಲೆ ಉನ್ನತ ವಿದ್ಯೆ ಶಿಕ್ಚೇಕ ಉಡ್ಪಾ , ಕೊಡಿಯಾಲ ತಸಲೆ ಪೆಂಟಾಕ ಎತ್ತಾಲೆ. ಕೆಲವು ಜಾನಾಲೆ ಬಸ್ಸಾಕ ದುಡ್ಡು ನಾsಸಿ ಚಮಕುನು ಎತ್ತಲೆ .ಆನಿ ಕೆಲವು ಜಾನ ಮುಕಾರಿ ಶಿಕ್ಚೆಕ ಶಿಕ್ಷಣ ಶುಲ್ಕ ದಿವ್ಚೆಕ ಜಾಯ್ನಾಸಿ ಶಿಕ್ಷಣ ರಾಬ್ಬಯಿತಲೆ .ತಸ್ಸಲೇಂಕ ಸಹಾಯ ಕೊರ್ಚೆ ಕಿತ್ತಿರ ಪರಮಪೂಜ್ಯ ಸ್ವಾಮೇನ ಉಡ್ಪಾಂತು ಶ್ರೀ ಕಾಶೀಮಠ ಕ್ಷೇಮಾಭ್ಯುದಯ ನಿಧಿ ಮ್ಹಳ್ಳೇರಿ ಶ್ರೀ ಕಾಶೀಮಠ ವೆಲ್ಫೇರ್ ಫಂಡ್ ಪ್ರಾರಂಭ ಕೆಲ್ಲೆ . ತಾಜ್ಜೆ ಉದ್ದೇಶು ಶಿಕ್ಷಣಾಕ ದುಡ್ವಾ ಅಗತ್ಯ ಆಶ್ಶಿಲೆ ಚೆರ್ಡುವಾಂಕ ಆನಿ ತಾಂಗೆಲೆ ಪೋಷಕಾಂಕ ಲೋನ್ ಸ್ಕೋಲರ್ ಶಿಲ್ಪಾ ರೂಪಾರಿ ರೀಣ ದೀವ್ನು ತೇ ತಾನ್ನಿ ಶಿಕ್ಕುನು‌ ಕಾಮ ಮೆಳ್ಳೆ ನಂತರ ನಾಂವಾ ಮಾತ್ರ ತೊಡಿ ವಾಡಿ ದೀವ್ನು ಕಂತಾರಿ ಜಾವ್ವೋ ಏಕ್ಕ ಪಂತಾಕ ಪಾವೀತ ಕೊರ್ಕಾ . ಹಾಜ್ಜೇನ ಚೆರ್ಡುವಾಂಕ ಆಪ್ಣೇನ ಸಹಾಯ ಘೆತ್ತಿಲೆ ಪರತ ಕೊರ್ನು ಸಮಾಜಾಚೆ ವರ್ಲಲೆ ಅಗತ್ಯ ಆಸ್ಸಿಲೇಂಕ ಪಾವೊಚೆ ಬದ್ದತಾ ಜವಾಬದಾರಿ ಆಸ್ತಾ. ಆನಿ ಹೀ ದೂರದೃಷ್ಟಿ ದವೊರ್ನು ಪರಮಪೂಜ್ಯ ಸ್ವಾಮೇನ ಪ್ರತಿ ಕುಟುಂಬ ದಾಕ್ಕೂನು ದೇಣಿಗೆ ಘೇವನು ಪ್ರಾರಂಭ ಕೆಲ್ಲೆಲೆ ಹೇ ಫಂಡಾ ನಿಮಿತ್ತ ಗೆಲ್ಲಲೆ ಸಾಠಿ ವರ್ಷಾಂತು ಆಮ್ಗೆಲೆ ಸಮಾಚಾಚೆ ಹಜಾರೋಂ ದುರ್ಬಳೆ ಚೆರ್ಡುಂವ ವಿದ್ಯೆ ಶಿಕ್ಕುನು ಬರೇ ಜಾಲ್ಲಿಂಚಿ‌ .

ಪ್ರತೀ ವರ್ಷ ಹೇಂ ಶ್ರೀ ಕಾಶೀಮಠ ವೆಲ್ಫೇರ್ ಫಂಡಾ ತರ್ಪೇನ ರೇಂಕ ಘೆತ್ತಿಲೆ ಆನಿ ಬರೇ ಅಂಕ ಘೆತ್ತಿಲೆ ಆಮ್ಗೆಲೆ ಸಮಾಜಾಚೆ ಪ್ರತಿಭಾವಂತ ವಿದ್ಯಾರ್ಥ್ಯಾಂಕ ಪ್ರತಿಭಾ ಪುರಸ್ಕಾರು ಕಾರ್ಯಕ್ರಮು ಚೋಲ್ನು ಎತ್ತರಿ ಆಸ್ಸ. ತಸ್ಸೀಂಚಿ ಪೈರಿ ಆಯ್ತಾರಾ ಸಾಂಜವಳಾ ಉಡ್ಪಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತು ಜಾಲ್ಲಲೇ ಸಮಾರಂಭಾಂತು ರೇಂಕ್ ವಿಜೇತ ಕೇದಾರ ಉಮೇಶ ನಾಯಕ್ ಹಂಕಾ ಸನ್ಮಾನು ಅನಿ ಕಾಂಯಿ 103 ವಿದ್ಯಾರ್ಥ್ಯಾಂಕ ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೆಂಗೆಲೆ ಹಸ್ತಾಕ್ಷರ ಆಸ್ಸಿಲೆ ಪ್ರಮಾಣಪತ್ರ ಆನಿ‌ ಮಂತ್ರಾಕ್ಷತ ಸಹಿತ ಪುರಸ್ಕಾರು ದಿವೈಲೋ.
ದೆವ್ಳಾಚೆ ಆಡಳಿತ ಮೊಕ್ತೇಸರ ಶ್ರೀ ಪಿ ವಿ ಶೆಣೈ ಮಾಮ್ , ಮುಖ್ಯ ಅತಿಥಿ ಕೆನರಾ ಬ್ಯಾಂಕಾಚೆ ನಿವೃತ್ತ ಡಿ ಜಿ ಎಂ. ಶ್ರೀ ಪ್ರದೀಪ ಭಕ್ತಾ ,ತಾಂಗೆಲೆ ಶ್ರೀಮತಿ ಅನಸೂಯಾ ಭಕ್ತಾ, ವೆಲ್ಫೇರ್ ಫಂಡಾಚೆ ಉಪಾಧ್ಯಕ್ಷ ಶ್ರೀ ಕೊಟೇಶ್ವರ ಶ್ರೀಧರ ಕಾಮತ್ , ವೆಲ್ಫೇರ್ ಫಂಡಾಚೆ ಕಾರ್ಯದರ್ಶಿ ಶ್ರೀ ಹಾವಂಜೆ ದೀನೇಶ ಶೆಣೈ , ದೆವ್ಳಾಂಚೆ ಆಡಳಿತ ಮಂಡಳಿಚೆ ಸದಸ್ಯ , ಗಾಂವಾ ಪರಗಾಂವಾ ದಾಕ್ಕೂನು ಆಯಿಲೆ ಪುರಸ್ಕೃತ ವಿದ್ಯಾರ್ಥಿ ಆನಿ ತಾಂಗೆಲೆ ಪೋಷಕ ಆನಿ‌ ಉಡ್ಪಾ ಪೆಂಟಾಚೆ ಸಮಾಜ ಬಾಂಧವ ಉಪಸ್ಥಿತ ಆಸ್ಸಿಲೆ. ಡಾ. ಶ್ರೀಧರ ಪೈ ಆನಿ ಸಿಏ ದೀಪಕ್ ಶೆಣೈ ಹಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲೆ.
ವರದಿ – ಪ್ರಭಾಕರ ಭಟ್ ಉಡುಪಿ