“ಸಂಗೀತ ಕ್ಷೇತ್ರಾಂತು ಸಮಾಜಾಕ ಚಾಂಗ ದೇಣಿಗಾ ದಿವಕಾ ಮ್ಹಣಚೆ ಸದಾಶಯ ದವರೂನು ಘೆವನು ಆರಂಭ ಜಾಲೀಲೆ ಉಡ್ಪಿಚೆ ಝೇಂಕಾರ ಟ್ರೂಪ್ ಹಾಜ್ಜೆ ೧೦ ವೇಂ ವ್ಹಾಡ ದಿವಸು (ವಾರ್ಷಿಕೋತ್ಸವು) ಆಜಿ ಜೂ.೯ ಕ ಉಡ್ಪಿ ಪುರಭವನಾಂತು ಚಲ್ಲೆ ವೇದಿಕೆರಿ ಮುಖೇಳ ಸೊಯರೆಂ ಜಾವನು ಅನಂತ ವೈದಿಕ ಕೇಂದ್ರಾಚೆ ಚೇ೦ಪಿ ರಾಮಚಂದ್ರ ಭಟ್ , ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಧರ್ಮದರ್ಶಿ ಪಿ ವಿ ಶೆಣೈ , ಪ್ರಸಿದ್ಧ ಸಂಗೀತಗಾರ ಸುಧೀರ್ ನಾಯಕ , ಉಡುಪಿ ಆಭರಣ ಫೌಂಡೇಶನ್ ಮುಖೇಲ ಸಂಧ್ಯಾ ಸುಭಾಸ್ ಕಾಮತ್, ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಭಜನಾ ಮಂಡಳಿ ಅಧ್ಯಕ್ಷ ಮಟ್ಟಾರ್ ಸತೀಶ್ ಕಿಣಿ , ಝೇಂಕಾರ ಟ್ರೂಪ್‌ನ ಸರ್ವ ಸದಸ್ಯು ಉಪಸ್ಥಿತ ವ್ಹರಲೀಲೆ.
ದಶಮಾನೋತ್ಸ ಸಂಬಂಧ ಸಕಾಣಚಾನ ರಾತ್ತಿ ಪರಿಯಂತ ನಾಮಾಧಿಕ ಸಂಗೀತಜ್ಞ ತಾಕೂನು ವೈವಿಧ್ಯಮಯ ಸಂಗೀತ ಕಾರ್ಯಕ್ರಮ ಚಲ್ಲೆ. ಸಕ್ಕಾಣಿ ೯ ಘಂಟ್ಯಾಕ ಉದಯ ರಾಗ ಕಾರ್ಯಕ್ರಮಾಂತು ಸಮೀರ್ ರಾವ್ ತಾಂಗೆಲೆ ತಾಕೂನು ಕೊಳಲು ವಾದನ ಚಲ್ಲೆ. ೧೦-೪೫ ಘಂಟ್ಯಾಕ ಚಲೀಲೆ ದಾಸವಾಣಿ ಕಾರ್ಯಕ್ರಮಾಂತು ಶಂಕರ್ ಶಾನುಬೋ ಗ್ ತಾಂಗೆಲೆ ತಾಕೂನು ಗಾಯನ ಚಲ್ಲೆ. ಜಮೀಲೆ ಹಜಾರಬಽರಿ ಸಂಗೀತ ಅಭಿಮಾನೀನಿ ವೈವಿಧ್ಯಮ ಮಯ ಸಂಗೀತ ಕಾರ್ಯಕ್ರಮ ಆಯಕೂನು ಆನಂದ ಪಾವಲೆಂ.

ತಂಡಾಚೆ ಸದಸ್ಯಾಂಕ ಸಂಗೀತ ವಿದ್ಯಾ ಶಿಕೋನು ದಿಲೀಲೆ ಯುವ ಸಂಗೀತಗಾರಾಂಕ ಪ್ರೋತ್ಸಾಹ್ ದಿತ್ತಾ ಆಸ್ಸುಚೆ ಗುರೂಂಕ ಗುರುವಂದನೆಚೆ ಗೌರವ ಅರ್ಪಣೆ ಚಲ್ಲೆ. ಗುರು ಜಾಲೀಲೆ ಸುಧೀರ್ ನಾಯಕ್ , ಶಂಕರ್ ಶೆಣೈ , ಸತ್ಯವಿಜಯ ಭಟ್ , ಮಾಧವ ಆಚಾರ್ಯ , ಮಹಾಬಲೇಶ್ವರ ಭಾಗವತ್ , ಸತ್ಯಚರಣ್ ಶೆಣೈ , . ವಿಠ್ಠಲದಾಸ ಭಟ್ , ನರಸಿಂಹ ಕಿಣಿ , ರಾಮ ಭಟ್ , ಯೋಗೀಶ್ ಕಿಣಿ ತಾಂಕಾ ಗೌರವಾರ್ಪಣೆ ಪಾವಯ್ಲಿ.