ಹರಿ ಓಂ ಗಂಗೊಳ್ಳಿ ಹಾಂಗೆಲೆ ಆಶ್ರಯಾರಿ ಬೆಂಗಳೂರ್‍ಚೆ ಪೈ ಗ್ರೂಪ್ ಆಫ್ ಹೋಟೆಲ್ಸ್‌ನ ಮಾಲಕ ಎಂ. ಜಿ. ಜಗನ್ನಾಥ ಪೈ ತಶೀಚಿ ಜಿ. ವಿವೇಕಾನಂದ ನಾಯಕ್ ಹಾಂಗೆಲೆ ಸಹಕಾರಾನಿ ಗಂಗೊಳ್ಳಿಚೆ ಎಸ್. ವಿ. ಹಿರಿಯ ಪ್ರಾಥಮಿಕ ಶಾಳಾ ವಠಾರಾಂತು ಗಂಗೊಳ್ಳಿಚೆ ಜಿ‌ಎಸ್‌ಬಿ ಸಮಾಜ ಬಾಂಧವ ಖಾತೇರಿ ಆರತಾ ಚಲೀಲೆ ಸತತ ೬ವೇಂ ವರ್ಷಾಚೆ ೩೦ ಗಜಾಂಚೆ ಕ್ರಿಕೆಟ್ ಪಂದ್ಯಾಟ ಹರಿ ಓಂ ಟ್ರೋಫಿ-೨೦೨೫ ಹೇ ಗಂಗೊಳ್ಳಿಚೆ ವಿ.ಕೆ.ಪೋವಾಸ್ ತಂಡ ಸತತ ೫ವೇಂ ವರ್ಷ ವಿಜೇತ ಜಾವನು ಪ್ರಶಸ್ತಿ ಜಿಕಲೆ.
ಲೀಗ್ ನಮೂನ್ಯಾಂತು ಚಲೇಲೆ ಪಂದ್ಯಾಟಾಚೆ ಫೈನಲ್ ಹಣಾಹಣಿಂತು ವಿ.ಕೆ.ಪೋವಾಸ್ ತಂಡ ಗಂಗೊಳ್ಳಿಚೆ ಸಾನಿಧ್ಯ ಅಕೌಟೆಂಟ್ ತಂಡಾಕ ಹಾರಯಿಲೆ. ಗಂಗೊಳ್ಳಿಚೆ ಶ್ರೀ ಪಾರ್ಥಸಾರಥಿ ಇಲೆವೆನ್ ತಂಡ ತೃತೀಯ ಸ್ಥಾನಿ ಜಾಲ್ಲೆ. ಫೈನಲ್ ಪಂದ್ಯಾಚೆ ಪಂದ್ಯಶ್ರೇಷ್ಠ ಆನಿ ಸರಣಿ ಶ್ರೇಷ್ಠ ಪ್ರಶಸ್ತಿ ವಿ.ಕೆ.ಪೋವಾಸ್ ತಂಡಾಚೆ ಎಂ.ನಾಗೇಶ ಪೈ ತಾನ್ನಿ ಘೆತ್ಲೆ. ಬೆಸ್ಟ್ ಬ್ಯಾಟ್ಸ್ಮೆನ್ ಪ್ರಶಸ್ತಿ ಸಾನಿಧ್ಯ ಅಕೌಟೆಂಟ್ ತಂಡಾಚೆ ಎನ್.ಅನಂತ ನಾಯಕ್ ಆನಿ ಎಂ.ಅನಂತ ಪೈ ತಾನ್ನಿ ಘೆತ್ಲೆ. ಚಾಂಗ ಬೌಲರ್ ಪ್ರಶಸ್ತಿ ಎಂ.ಪ್ರಜ್ವಲ್ ಪೈ ತಾನ್ನಿ ಘೆತ್ಲಿ.
ಸಮಾರೋಪ ಸಮಾರಂಭಾಂತು ಸೊಯರೆ ಜಾವನು ಜಿ.ವಿಶ್ವನಾಥ ಭಟ್, ಜಿ.ವೆಂಕಟೇಶ ಮಲ್ಯ, ಸುಂದರ ಪೈ, ಜಿ.ನರಸಿಂಹ ನಾಯಕ್ ಆನಿ ಟಿ.ಭಾಸ್ಕರ ಶೆಣೈ ತಾನ್ನಿ ವಿಜೇತಾಂಕ ಬಹುಮಾನ ವಾಂಟೂನು ದೇವು ಬರೆಂ ಕೊರೊ ಮ್ಹಳ್ಳೆ.
ಉದ್ಘಾಟನ: ಕ್ರಿಕೆಟ್ ಪಂದ್ಯಾಟ ಗಂಗೊಳ್ಳಿ ಪೇಟೆ ಶ್ರೀ ವಿಠಲ ರಕುಮಾಯಿ ತಥಾ ಮುಖ್ಯಪ್ರಾಣ ದೇವಳಾಚೆ ಪ್ರಧಾನ ಅರ್ಚಕ ಜಿ.ಮೋಹನದಾಸ ಭಟ್ ತಾನ್ನಿ ಉದ್ಘಾಟನ ಕೆಲ್ಲಿ. ಬಿ.ವೆಂಕಟೇಶ ಪಡಿಯಾರ್ ಬೆಂಗಳೂರು, ಕೆ. ಶ್ರೀನಿವಾಸ ನಾಯಕ್, ಎಂ.ವರುಣ್ ಪೈ ಆನಿ ಎನ್.ಉಮೇಶ್ ನಾಯಕ್ ತಾನ್ನಿ ಮುಖೇಲ ಸೊಯರೆ ಜಾವನು ಆಯ್ಯಿಲೆ. ಹರಿ ಓಂ ಸಂಸ್ಥೆಚೆ ಮುಖ್ಯಸ್ಥ ಕೆ. ಬದ್ರಿನಾಥ್ ಶೆಣೈ ತಶೀಚಿ ಸಂಸ್ಥೆಚೆ ಪದಾಧಿಕಾರಿ, ಸದಸ್ಯ ಉಪಸ್ಥಿತ ವ್ಹರಲೀಲೆ.