ವಿಶ್ವ ಕೊಂಕಣಿ ಕೇಂದ್ರಾಂತಸ್ವಾತಂತ್ರ್ಯ ಹೋರಾಟಗಾರ್ತಿ ಕಮಲಾಬಾಯಿ ಭಾವಚಿತ್ರ ಅನಾವರಣ

ಸ್ವಾತಂತ್ರ್ಯ ಹೋರಾಟಾಂತ ಕಮಲಾಬಾಯಿ ಪ್ರಭು ಆನಿ ತಿಗೆಲೆ ಬಾಮ್ಮುಣು ಎಲ್. ಎಸ್ ಪ್ರಭು ಮಸ್ತ ಪಾವಟಿ ಜೈಲಾಕ ಸೆರವನು ಬ್ರಿಟಿಷಾಂಗೆಲೊ ವಿರುದ್ಧ  ಪ್ರತಿಭಟನ ಕರನು, ಏಕ ಪಾವಟಿ ತಿಗೆಲೆ ಧಾರೆಮಣಿ ದಂಡ ಜಾವನು ದಿವಕಾ ಪಡತಾನಾ ಮಸ್ತ ಬೇಜಾರಾನ ದಿತ್ತಾ. ಮುಖಾರಿ ತೆಂ ಧಾರೆಮಣಿ  ತಾಂಗೆಲಾ ತರಪೇನಚಿ ಮಾನ ದಿವನು ವಾಪಾಸ ಘೆತ್ತಿಲೆ ವೀರ ಸ್ವಾತಂತ್ರ್ಯ ಹೋರಾಟಗಾರ್ತಿ ತಲಚ್ಚೇರಿ ದೆ. ಕಮಲಾಬಾಯಿ ಪ್ರಭು ಹಾಂಗೆಲೆ ಭಾವಚಿತ್ರ ವಿಶ್ವ ಕೊಂಕಣಿ ಕೇಂದ್ರಾಚೆ ಕೀರ್ತಿ ಮಂದಿರಾಂತ ಅನಾವರಣ ಜಾಲ್ಲೆ.   

ವಿಶ್ವ ಕೊಂಕಣಿ ಕೇಂದ್ರಾಂತ ದಿ. ೧೫-೦೮-೨೦೨೪ ಸ್ವಾತಂತ್ರ್ಯ ದಿನಾಚರಣೆ ದಿವಸು ಸುರವೇಕ ರಾಷ್ಟ್ರ ಧ್ವಜಾರೋಹಣ ಕೆಲ್ಲೆಲೊ ಸ್ವಾತಂತ್ರ್ಯ ಹೋರಾಟಗಾರ ಮಟ್ಟಾರ ವಿಟ್ಠಲ ಕಿಣಿ ಹಾನಿ  ಹೆಂ ಭಾವಚಿತ್ರ ಅನಾವರಣ ಕೆಲ್ಲೆಂ. ಅಧ್ಯಕ್ಷ ಸಿಎ ನಂದಗೋಪಾಲ ಶೆಣೈ ಹಾಂಗೆಲೆ  ಪ್ರಾಸ್ತಾವಿಕ ಉತ್ರಂ ನಂತರ ಕಾರ್ಯದರ್ಶಿ ಡಾ. ಕೆ ಮೋಹನ ಪೈ ಹಾನಿ ಗೋವಾ ವಿಮೋಚನೆಚೆ ಸಂದರ್ಭಾರ ಮಟ್ಟಾರು ಕಿಣಿ ಹಾಂಗೆಲೆ ಭಾಗಿ ಜಾಲೆಲೆ ವಿವರಣ ದಿಲೆಂ. ಸ್ವಾತಂತ್ರ್ಯ ದಿನಾಚರಣಾಚೆ ಶುಭ ಅವಸರಾಂತ ಎಸ್ ಎಸ್ ಎಲ್ ಸಿ ಪರೀಕ್ಷೆ ಕೊಂಕಣಿ ಭಾಷೆಕ 100 % ಅಂಕ ಜೊಡಿಲೆಂ  7 ವಿದ್ಯಾರ್ಥಿಂಕ ಆನಿ  ತ್ಯಾ ಶಾಳೆಚೆ 4 ಶಿಕ್ಷಕಾಂಕ ಸಿಎ ನಂದಗೋಪಾಲ ಶೆಣೈ ಹಾಂಗೆಲೆ ದೆಣೆ್  ನಗದು ಬಹುಮಾನ ದಿವನು ಪ್ರೋತ್ಸಾಹ ದಿಲೆಂ.                 

ಡಾ. ಬಿ ದೇವದಾಸ ಪೈ ಹಾನಿ ವಂದನಾರ್ಪಣ ಕೆಲೆಂ. ದೆ. ಕಮಲಾಬಾಯಿ ಪ್ರಭು ಹಾಂಗೆಲೆ ಸಂಭಂಧ ಜಾಲೆಲೆ ಬೆಂಗಳೂರಚೆ  ಸಿಎ ಶ್ರೀನಾಥ್ ಪ್ರಭು ಕುಟುಂಬ ಆನಿ ಕೋಶಾಧಿಕಾರಿ ಬಿ ಆರ್ ಭಟ್, ಟ್ರಸ್ಟಿ ರಮೇಶ್ ನಾಯಕ್, ಪಯ್ಯನೂರು ರಮೇಶ ಪೈ, ಆನಿ ಇತರ ಗಣ್ಯ ಉಪಸ್ಥಿತ ಆಶಿಲಿಂಚಿ.